دعوة للحوار الموضوعي : هل الزواج اصبح مستحيلاً ؟؟؟

[هيثم]

الاعضاء الكرام اقدم اليكم هذه الدعوة لطرح ارائكم حول الزواج هل اصبح حجر عثرة ؟ وماهي المواصفات المطلوبة بالنسبة للبنات في اختيار ازواجهم .
مع فائق احترامي
هيثم

[ميمى]

مشكور أخوى هيثم موضوعك فى غاية الأهمية
طبعاً اتكلم من جانبنا نحن معشر النساء
المواصفات بتختلف من بنت لأخرى
لم يكن الزواج فى حد ذاته حجر عثرة أمام الشباب اللهم إلا فى بعض الأحيان طبعاً متطلبات الزواج المعروفة والسائدة فى عرفنا السودانى .
لكن اخى هيثم فى نقطة يمكن تجتمع فيها بعض الآراء إلا وهى المادة بالنسبة لبعض البنات
لكن البنت العاقلة يجب أن تنظر للرجل من الجانب الدينى أولاً ثم المسئولية ثم وثم إلى النهاية
وعلى حسب رائى الشخصى التفاهم هو نقطة الإنطلاق إلى الأمام وهو مفتاح الحياة الزوجية للأثنين معا ... والكلام موجه لأخوتنا المغتربين يعنى الواحد ما يقع من طرف لازم التعارف والتفاهم فى البداية قبل كل شىء ولا يبهرك الجمال او الأناقة المهم تختار البنت المناسبة التى تقدر الحياة الزوجية وإلا فقدتم الكثير من جهدكم غربتكم والواحد يدخل فى دوامة لا نهاية لها.

[شهد الملائكة]

اذا جاءكم من ترضونه دينا فزوجوه معني هذا الدين هو الاساس وغيره يعد من الامور الثانوية والدين هو الاطار فالذي يخاف الله هو الجدير بالموافقة عليهه اي كان وضعة بعد ذلك ويشمل الاطار في دواخله علي عده اشياء اهمها الاخلاق الخلقة والماده ان وجدت .... وجهه نظر ليس الا

[هيثم]

لكم الشكر اخواتي الاعزاء ميمي وشهد الملائكة علي الطرح الجميل ، وفي اعتقادي هنالك فئه معينة من البنات اسهمت في ارتفاع تكاليف الزواج .

[لبنى]

السلام عليكم ورحمة
أخي هيثم
انت كدا بتدخل في السياسة !!!!!
أولا علشان الواحد يتزوج لازم يكون مسئول والمسئولية دي طبعا هي انك تكون شغال وليست عاطل . واكيد اذا الواحد عندو حق العرس بعرس حتى ولو بالقليل وانا عن نفسي ما عندي عندي مشكلة برضى بأي شئ بس يكون مغترب هاها ها ها ها ها

[سندريللا]

الأخ هيثم و الاخوة الاعزاء اعضاء المنتدى

الســــــــلام عليكم ,,,

بالنسبة للموضوع ده أنا مستعدة اتزوج واحد ما عندو حق الكوافير و اعيش معاه فى راكوبة بس اكون ضامنة حاجة واحدة: انو يكون بيستاهل التضحية و التنازلات القدمتها!! دى ما بتحصل لكن لانو بعد الزواج بفترة الرجل بينسى انو هى وقفت معاه و البحصل كالآتى:

الرجل يواجه اى تذمر او شكوى من زوجته بالخروج من المنزل بدلا من اسماعها كلمة جميلة (حتى لو كضب) تهدئ من ثورتها.

الرجل ما حيفوت اى فرصة او عرض زواج من امرأة اخرى لديها الثروة و الجمال(اتحداكم) بحجة انو بحل ليهو اربعة متناسيا مشاعر زوجته المسكينة بكل غدر و انانية (تفتكرو هل حيتذكر تنازلاتها).

الرجل يتذمر من اى تقصير منها و لا يرى سوى العيوب متعاميا عن عيوب نفسه و اولها ضيق ذات اليد.

و حاجات كتييييييييرة بخلى باقى الاخوات يذكروها,,,

عشان كدة يا هيثم لازم تدفعوا دم قلبكم عشان البتلقاه بالهين بتضيعوا بالهين برضو.

عرفت؟؟؟

[zoal_keda]

يل وانا عن نفسي ما عندي عندي مشكلة برضى بأي شئ بس يكون مغترب هاها ها ها ها ها

سمح






ارجيهو


:ca2ibgq9:

[zoal_keda]

عشان كدة يا هيثم لازم تدفعوا دم قلبكم عشان البتلقاه بالهين بتضيعوا بالهين برضو.
عرفت؟؟؟


سمعت الكلام ده يا هيثم !!

[هيثم]

الاخوات لبني وسندريلا مشكورين علي مروركم الكريم ، ويا سندريلا حقيقة الواحد مننا عايز المرأة الصالحه وبس واكيد ما بنقصر في حقها لو هي ما قصرت ، ويازول الكلام ده موجه ليك انت ، وربنا يوفق الجميع انشاء الله

[ودالقروش]

اذا جاءكم من ترضونه دينا فزوجوه معني هذا الدين هو الاساس وغيره يعد من الامور الثانوية والدين هو الاطار فالذي يخاف الله هو الجدير بالموافقة عليهه اي كان وضعة بعد ذلك ويشمل الاطار في دواخله علي عده اشياء اهمها الاخلاق الخلقة والماده ان وجدت .... وجهه نظر ليس الا
سلام علي العزابة
وعلي طريقة اخي العزيز / كروشابي
(من ترضون دينه وخلقه فزوجوه) وليس (ترضونه ديناً)
ثانياً لقد اثلج صدري كلام اخواتنا عن ان الدين
هو الاساس في الزواج
ولكن عزيزاتي الفضليات هل هذا مطبق في مجتمعنا الآن؟
فالدين الاسلامي نادى بــ(اقلهن مهراً اكثرهن بركة)
والدين الاسلامي نادى بــ(وانكحوا الايامى منكم والصالحين من عبادكم وإيمائكم ان يكونوا فقراء يغنهم الله من فضله والله واسع عليم)سورة النور
والدين الاسلامي نادى بــ(وآت ذا القربى حقه والمسكين وابن السبيل ولا تبذر تبذيراً* إن المبذرين كانوا اخوان الشياطين وكان الشيطان لربه كفوراً)سورة الاسراء
ثم ماذا عن طلبات بنات الزمن دا والتي في الغالب نابعة من
عقدة الشوفونيات (ما تنط لي يا كروشابي الموضوع ما بستحمل)
التي لا اساس لها من الصحة في مجتمعنا الذي نحلم بان يكون مثالياً
ولكن للاسف الشديد هنالك من ينكد علينا نحن معاشر العزابة
ويجيب لينا نفسيات بي حاجات كدا والله مافي ليها اي داعي
والمشكلة مافينا نحن بس المشكلة انو البنت عايزة يعملوليها ذي ما
عملوا لي فلانة ومعاها شوية توم وشمار
دا غير الذفة العربية هو فضل فيها عروبة مع اليهود والنصارى ديل!
وين البنينة (للحناكيش فقط (البنينة)= هي اغنية تقال للعرسان (عقبالنا ياااااارب) المهم اديك مقطع: الليل ليل العديل والزين الليلة العديلة ويا عديلة الله ....الخ) و وين عاداتنا وثقافتنا وموروثاتنا،موش المفروض تكون هي الاصل؟ واللا ما كدا؟
وفي موضة اسمها رقصة (الاسلو slow) كمان والله حكم قال سودانيين قال!

معليش يا شباب انا شطحت شوية بس لكن من العلي
انا عايز اعرس لكن بي وين للجماعة ديل وطلباتهم (كدا كيف يا كروشابي طلباتم دي حلوة موش؟)
والمصيبة انو البنات يقولوا ليك نفس كلام اخواتنا ولما يجي الجد
ياحبيبي نعمل كدا وكدا عشان كدا وكدا وناسنا ديل شنافييين ولازم يعجبهم
كدا وكدا (انا عايز اهلك واللا عايزك انتي يا بت الحلال؟)

المهم انا الآن بفكر في انشاء حزب بالمنتدي بعد موافقة الادارة طبعاً
وهذا الحزب تحت اسم (حزب الرجل) واااضحة واللا اوضح اكتر؟
وقبل عمل اجراءات تسجيل الحزب هذه دعوة
او بالاصح تحدي واتحدي اي واحدة من اخواتنا في المنتدي والمنتديات المجاورة
انو تقبل بي علماً بانني راجل مسكين وعلي قدر حالي وعايز احصن نفسي من الشيطان و (بنات الحرام) بس ليس الا، واهم حاجة انو التكلفة تكون اقل ما يمكن يعني كل تكاليف الزواج ما تفوت الــ6 مليون بي المهر والحاجات التانية.
آآآسف للاطالة بس والله ممكوووووووووووووووووون

[هيثم]

لك التحية اخونا محمد علي هذا الطرح الرائع وانا اتفق معك في العادات الدخيله علينا واسهامها في ارتفاع تكاليف الزواج ، وربنا يسهل الامور

[zoal_keda]

ويازول الكلام ده موجه ليك انت ، وربنا يوفق الجميع انشاء الله



يازول










آمين

[ودالقروش]

لك التحية اخونا محمد علي هذا الطرح الرائع وانا اتفق معك في العادات الدخيله علينا واسهامها في ارتفاع تكاليف الزواج ، وربنا يسهل الامور



الله يديك العافية يا هيثم
وربنا يسهل امورنا كلنا

لكن يا صاحبي سلامة نظرك
انا مهند وليس محمد بس ولا يهمك
الله يعرس ليك ولينا كمان
نحن ذاتنا مرات في حاجات كتيييييييرة
رايحه لينا من عدم الزواج

اللهم نسالك بنت الحلال الهديييييييييية الرضيييييييييية
بنت الناس القنوووووووووعة الصبووووووووووووووورة

احيييييييييي يا هيثم قلبتا مواجعنا
الله يديك الصحة والعافية والمرة الدافية
ويسكنك الصافية او قطر كلو واحد
بس يديك ليها

ولك خالص التحايا يا راقي

[هيثم]

الاخ / مهند
لك العتبي حتي ترضي ، وياخي انسي الماضي وافتح صفحه جديدة واكيد حا تلاقي بنت الحلال وربنا يسهل امورك ويرزقك الذرية الصالحه انشاء الله .

[نهر الحب]

انا بفتكر الزواج ما عثرة ولا المادة ايضا ولاكن العثرة الحقيقية وجود اثنين متفاهمين علي امر الزواج
اما الحب الشفناهو في الجامعات ده حب موقت انت لوجادي انشاء الله ماحتلاقي عثرة
كيف تختار زوجتك ؟
لااريدها جميلة فيطمع فيها غيري
ولاقبيحة تشمئذ منها نفسي
ولا بيضاء مثل الشمع
ولاسوداء مثل الشبح
ولاهذيلا احسبها خيالي
ولا سمينة تسد عليا منافز النسيم
ولاجاهله فلاتفهمني
ولامتعلمة فتجادلني
ولاغنية فتقول هذا مالي
ولافغيرة يشقي من بعدها ولدي
خير الامور اوسطها 0 نهر الحب

[هيثم]

لك التحية اخونا / نهر الحب علي هذا الطرح الرائع ، وحقيقة القناعه كنز لا يفني ، وخير الامور اوسطها .

[سيدة الاقمار]

سؤال مهم و رائع اوجهه لكم مره اخرى و اسأل سؤالي ايضا للشباب

ما هي مواصفات فتاة احلامك ؟؟

[هيثم]

المواصفات يمكن ان اجملها لك في جزء من حديث الرسول صلي الله عليه وسلم : ( فاظفر بذات الدين تربت يداك )

[MAX111]

هذه المشكله يشترك فيها القسمين واعني الرجال والنساء معا وذلك لان الرجل هو من سيدفع فتجد من اوسع الله عليه في رزقه قد اتي بلبن الطير الي من يريد خطبتها (وياريتها بتستاهل ) وهو بذلك قد قفل الطريق امام البقيه الباقيه من امه محمد التي ليس عندها غير الدعاء (اذا فطر الواحد غداهو في خطر )ثم نأتي الي القسم الاخر واقصد النساء وهن معشر البوبارات والفشخارات الاتي لايعجبهن العجب ولا الصيام في رجب فالواحده منهن كأن لم يخلق غيرها وتعتقد بأنها من الحور العين فتبالغ في طلباتها الي حد يفوق قصص الف ليله وليله ثم بعد ذلك يأتي دور امها فتبدأ بقائمه طويله لانهايه لها ثم خالتها وعمتها وغير دي ودي ماعجبنا وبدل تتزوج البت تلقي نفسك متزوج العائله كلها والحمد لله علي هذه المصيبه
ثم بعد هذه المصائب يكتشف الاثنان ان الماده اعمتهم عن رؤية عيوب الاخر وتبدأ المشاكل التي تنتهي بالطلاق في اغلب الاحيان وهي مشكله يجب ان نأخذ منها العبر والعظات بدل ان نبكي علي مافات.
لكي تحل هذه المشاكل اعتقد انو الواجب نرجع لي زواج (الكوره ) وبعد داك نطبق اغاني البنات من نوعيه
تعال بالعندك تعال بيت ابوي بيسندك
بالمناسبه دي من احلي الاغاني البتعجبني وبحبها شديد ثم يشترك الاثنان في بناء المنزل بما ان النساء ينادين بالمساوة هذه الايام
اقول قولي هذا واستغفر الله لي ولكم وادعوه ان ييسر المهور ويزوج البنوت ويرخص البيوت قولوااااااااااا اميييييييييييييييييييييييييييين

[هيثم]

تمام يا ماكس ، والله كلامك صح والقناعة كنز لايفني وباعتقادي عدم القناعة واحد من الاسباب التي جعلت الزواج ضرب من ضروب الخيال للبعض ، لكن الحمد لله ما زالت هنالك الكثير من الاسر التي لا تريد الا الستر لبتاتها واكيد المادة ما كل شي

[نجمة البحرين]

في الاغلب البنت تبحث وترضا بصاحب الدين والخلق القويم فان كان ذا دين فسيحميها ويصونها ويحفظها ويؤدي واجباته الدين اولى من كل شي وهو الذي يكفل سعادة الطرفين الدين والاخلاق معا مهمان بل اهم شي ولا اعتقد ان هناك بنت عاقلة تترك هذان الامران الاساسيان فان كان لايحافظ على صلاته كيف يحافظ عليها وعلى بيته وانن كان لا يبر والديه واهله كيف سيبرها وان كان لايحسن معاملة الناس كيف سيحسن اليها الدين في كل شي هو النجاح والفلاح والسعادة في الدارين

[الدافعابى]

التفاهم .... التوافق .... وبس

[هيثم]

في الاغلب البنت تبحث وترضا بصاحب الدين والخلق القويم فان كان ذا دين فسيحميها ويصونها ويحفظها ويؤدي واجباته الدين اولى من كل شي وهو الذي يكفل سعادة الطرفين الدين والاخلاق معا مهمان بل اهم شي ولا اعتقد ان هناك بنت عاقلة تترك هذان الامران الاساسيان فان كان لايحافظ على صلاته كيف يحافظ عليها وعلى بيته وانن كان لا يبر والديه واهله كيف سيبرها وان كان لايحسن معاملة الناس كيف سيحسن اليها الدين في كل شي هو النجاح والفلاح والسعادة في الدارين

بارك الله فيك نجمة البحرين وهذا هو المطلوب ، اكيد اذا ملتزم ويخاف الله اكيد سيحفظها ويصونها ويسعدها ، واعيد كلامي القناعة اهم شي

[هيثم]

التفاهم .... التوافق .... وبس

مشكور دافعابي علي المشاركة القيمة ، والتوافق والتفاهم اكيد مطلوبين ، وتاني اقول القناااااااااااااعة اهم شي

[سيما العسل]

هيثم اديك العافية
الزواج ما مستحيل لكن الاختيار هو البقى شبة مستحيل انك تلقى انسان كويس وزى ماقالت الاخت بستاهل التضحية يعنى هسى فى رجال الواحدة تتعب وتستحمل واول مايقيف على كرعينو يفكر فى واحدة تانية تليق بمقامو الجديد المسكينة دى بقت خلاص سكن هاند مع انها هى السبب فى الهو فى برضاها واستحماله لاى شى
وصراحة كدة البجى بساهل بروح بساهل انا مامع انو الانسان ادفع دم قلبو زيى ماقالو لكن اتعب شوية عشان احس بقيمتا لانو اصلا المهر اتعمل عشان الواحد يقيم الوحدة مايكون المباااااااااااالغ داك لكن شى معقول البزخ الشديد دا عادتا بكون داسى بلاوى وراهو
تانى حاجة انو انا ممكن ارضى بواحد اجيب المعقول موش اليوم دا والمهر ونقت السودانيين الكتيييييييرة دى بتدعى من هاو لى لاو بيعدى لكن المشكلة ماهنا المشكلة فى مابعد الزواج هل هو بوضعو دا حيقبل انى اشتغل ونساعد بعض لانو نحنا ماحنكون برانا البجى دا زنبو شنو لمن امرض اودى لمستشفى حكومى اطلع بعاهة مستديمة ولا يموت زنبو شنو اقرى فى مدرسة حكومية الفصل فيهو60 او 70 طالب المشكلة فى متطلبات مابعد الزواج الاكل والشراب مامشكلة كسرة بموية بتعدى لكن الحاجات الاساسية بقدر عليها دا انا شايفاهو المشكلة
مواصفاتى للانسان البرتبط بى انو يكون بخاف الله فينى ودى اهم حاجة وبحترمنى لانو الاحترام دا بقى عملة نااااااااااااااااااااااااااادرة الزمن دا لانو الانسان البخاف الله فيك ويحترمك دا عمرو مابغلط فى حقك وحتى لو غلط برجع لربو مابستمر
وربنا انشاءالله يدى كل البنات اولاد الحلال وانتو برضو يديكم بت الحلال
وياود القروش ربنا يسهل عليك بى وحدة هدية ورضية لكن ستتك دى شويييييييييييييييييية زيدة حبة:D

[هيثم]

اتفق معاك يا سيما انو الاختيار صعب ويجب التريث والتفكير بتمعن قبل اختيار شريك او شريكة الحياة حتي لايصيبنا الندم وخيبة الامل حيث لا ينفع الندم بعد فوات الاوان ، اتمني لك التوفيق في حياتك العامة والخاصة ومشكورة علي علي مرورك الكريم ومشاركتك القيمة

[ليتيسيـــا]

سلااام

اولا انا اسفـة لي الرد المتأخر بس ما انتبهتا عالموضوع


ماشاءالله الشباب ما قصـروا

انا ما قريت كل الردود بس ممكن اضيف كم من حاجة الممكن تقيف عتبة في الوش الزواج من ناحية البنات

كا ارتفاع المهر و غير كدا نسبت الشباب الماجادين بقت كتيــــررررررررة .. و هاديك امثلة

بعني بتقلى الولد من البداية بدخل لي البت من باب الحب و الاعجاب و ممكن يكلم امها او ابوها عشان يقنيعها انو بالجد بفكر فيها و ما كذاب دا طبعا لو فشل انو يوصل ليها بطريقة تانية .. و بعد فترة "بمل" و بكل سهولة بقول للاهل الظـــروف او ما اتفقنا!! ..

و في برضو الشباب المستعدين يعرسو و بعد فترة و بعدين يطلاقو و الطلاق عندهم اسهل الشي .. المشكلة في الناس الما جادة و الما بتاخد الارتباط بشكل جاد بس لعبة و تسلية و تضيعة وقت

و طبعا ما الشباب بس برضو في البنات او امكن اسوء حدث ولا حرج!!!

و في نقطة مهمة جدا هي الشــــباب المعـــقـــــــد و الصرااحة ديل كترو شديد و من ابسط الامثلة هي انو الولد دا للاسف بتجمعوا الحياة ببنات ما مستوى و للاسف غير جديرين بالاحترام و هنا هو الشك بدخل قلبو في اي بت ,, امكن تكون زي دي امكن تكون كعبة امكن ما تكون محترمة....الخ

و حياتو "الزوجية" لو تزوج بتبقى جحيــــــم

و في الشباب البمثلو .. اييك ديل انسى بس ,,, حتى في ايام الخطوبة مهما طالت .. بس وقت العرس بظهر على حقيقتو


يلا في عصر ملياااان بالشباب زي دا تفتكر البت بكون سهل عليها انو ترتبط ,, والله اخير ابور ولا اعرس راجل من ديل


اسفة للاطالة و للحديث بقية.....


اختكم لولا

[هيثم]

الاخت لولا شكراً علي الاضافة وبالفعل اثرتي نقطة مهمة في النقاش ، وهي عدم الجدية من بعض الشباب والحل يتعلق بالفتاة نفسها اذ انه يجب عليها عدم التسرع في اختيار شريك الحياة وعليها بصلاة الاستخارة وتكرارها كذا مرة لان في هذه الصلاة سر غريب تبين لك اي شي امامك ، اما بالنسبة لغلاء المهور فهذا يتعلق بالفتاة واهلها
ولك التحية

[zahrat_albnafsage]

السلام عليكم
مشكور كتير علي الموضوع الماعنده حل ابداً للاسف :( انا عارفه اني قاسيه في ردي ولكن في زمنا ده ندر وجود الناس القانوعيين , يعني الليله البت اتعلمت وبقت عندها رائيها في حاجاتها ولكن مسئله الزواج من الحاجات المابتقدر البت تفرض رئيها وللاسف بيدخلوا الاهل ما ناس البيت .. لا الموضوع بيبقي كبـــــــير يعني العمه والخاله والعجب الصحبه , وبيدوا يملوا راس البت " انت يازوله ده حدث بيحصل مره واحده في العمر اتمتعي ياختي انتي ماشايفه البنات الزيك بيعملوا شنو وشنو وشنو ................. " والكلام مابيخلص ولو البت عاقله بيقوموا الاهل يطلعوا البت من الموضوع وهم يبدوا يتكلموا مع العريس غايتوا مشكله كبيره عندنا في السودان وهي البوبار
والعجيبه في بعض الاحيان الزول بيلقي العريس هو البيصعب الحاجات عليهوا ويقعد يفكر ويقول لا انا لازم اعمل واعمل عشان ما..... وهو البيبقي بوبار اكتر من البت -- والله حاجه غريبه وللاسف بقت موجوده عندنا كتيير .
والغريبه انوا الناس في بلاد بره اتقدمت بالعلم واتطورت وماشيين بي حديث جميل وقيم "احسن الامور اوسطه" واحنا ما شين بي خالف تعرف او للخلف در :)
لو سمحتوا لي عندي مثل بسيط بي دوله مجاوره لينا والهي مصر , الليله العريس والعروس ما بيتزوجوا الا لما يشتروا البيت ويفرشوه وبيعملوا اعراس في قمه البساطه والجمال وبيصل العرس لي 5000 مصري الهو بالسوداني 2 مليون وده كده عندهم صرف علي عرسه وبيكونوا في قمه الفرح وقانعيين
انا في رأي الشخصي القروش عمرها ماكانت مقياس للسعاده المطلوبه وعمرها مابتجيب لي الزوج الصالح والزريه الصالحه
واهم حاجه زي ماقلته ياهيثم القناعه كنز مابيفني ..... وياريت برضوا الراجل يكون قدر المسؤليه ويحافظ علي مرته وما يهينه باي طريقه من الطرق

[zahrat_albnafsage]

وناسف للاطاله :)

[هيثم]

مشكورة اختنا زهرة البنفسج علي ردك الجميل ، لقد اثرتي نقطة جديدة في النقاش وهي البوبار ، اكيد البوبار السبب وراء عنوسة كثير من البنات تظل البنت تنتظر فارس احلامها الذي يحلق بها عالياً في دنيا الخيال ( سيارة فارهة ، فيلا مطلة علي النيل ، ذهب ، قروش ، شهر عسل باوربا وكل يوم في بلد ، زواج تتحدث عنه الاجيال ) وتظل تركض وراء السراب الا ان يفوتها قطار الزواج ، واتمني من كل بنت عاقلة ان لا تلهث وراء المادة واكرر القناعة كنز لايفني
ولك التحية

[سيدة الاقمار]

هيثم الشكر لك و كل التقدير على موضوعك الرائع ..

اريد ان اعلق على شيء قد يكون سبب صعوبه ايضا الوضع في الغربه كمثال اي فتاه تعيش في الغربه الاهل
ليس من النوع الذي يختلط مع احد لم تسافر السودان كثيرا و مجال عملها لا يشمل او يقل فيها تواجد ابناء بلدها فيه
في هذه الحاله اعتقد انوا من الصعوبه ان تتزوج او ماذا هو رأيكم ..

جاوبوني الاجد الحل ..

[هيثم]

شكراً سيدة الاقمار علي المشاركة ، انا لا اتفق معك ابداً ، كلنا نعلم ان امر الزواج قسمة من رب العالمين وكل انسان لديه قسمته والغربة ابداً ما كانت سبب في العنوسة وعدم الزواج ، لا احد يعلم ماذا تخبئ له الاقدار وكذلك لانعلم اين تكون القسمة ،

[zahrat_albnafsage]

والله مشكور يا هيثم علي ردك الجميل , وليك التحيه يا سيده الاقمار وانا مختلفه معاكي في وجهه نظرك بالنسبه لزواج بنات لان كل حاجه قسمه ونصيب سبحان الله ..

[سيدة الاقمار]

اها يا جماعة راااااااااااااااااااايكم شنو هل اصبح مستحيل ؟؟

[ريلة]

والله ممكن الواحده تتزوج بي الفي وبي المافي لكن كل ما الناس بتقلد بعضها عمرنا ما حنتقدم خطوة واحده

[سيدة الاقمار]

دعوة للحوار الموضوعي : هل الزواج اصبح مستحيلاً ؟؟؟

[ودالجنيد]

كلامك جميــــــــــــــــــــــل يا ريلة
سؤال بسيط
مع إحترامى الشديد ليك ولى كل حواء بلادى
لكن هل كلكم عندكم الفهم دهـ ؟
ده شئ بنتمناه طبعا
وفعلا عندنا عاده سيئة جدا جدا حكاية التقليد دى هى الخاربة الوضوع كلو

[وهج الصباح]

والله اناشايفه انو الموضوع بيد الاهل وهم البيحددو استحالته من عدمها
وتانيا زي ماقالت اختنا زهره البنفسج الناس ماااااااااااااابتريح الزن في الاضان ماممكن يخلوه يعني ليه هي كم ليله في العمر وهكذا
وبرضو بوافق الاخوات في انو انا اضمن من وين انو الزول ده بيستاهل
انا اتنازل ليه عن اي شي ولما يقيف على رجولو يتنكر لي ويمشي بره
وطبعا دي بقت كتيررررررررررره جدا
وختاما خلوها على الله

[سيدة الاقمار]

دعوة للحوار الموضوعي : هل الزواج اصبح مستحيلاً ؟؟؟

[محمد حسنين]

حيث انني ضد المبدا , فساحور السؤال قليلا . هل الحياة اصبحت مستحيلة ؟ . سؤال قد يبدو فكاهيا و لكنه للاسف ليس كذلك . و لتوضيح ذلك و اثرها علي الزواج فساحاول وضع بعض النقاط الحسابية الواقعية السهلة . و هي تنطبق فقط في ظل ما يجري في العالم العربي و قصة تغييرها و الصواب امر اخر .

1- هناك حقيقة ان معظم الشعوب العربية تدرس للفترة الجامعية , و مستوي التعليم و التاهيل ردئ و سوق العمل لا علاقة له بالتاهيل المقدم , سواء كان اعلي او اقل . و هذا يعني اننا نتكلم عن خريج في حوالي منتصف العشرينات يملك ورقة . كما يجدر الاشارة هنا بان لا وجود بشكل عام لفرص عمل و طلب رزق متاحة او تبدا قبل هذه المرحلة .

2- يبدا الخريج بين طريقين رئيسين و يمكن حدوث خلطة بينهما تبعا لكل حالة , العمل من اجل الحياة فقط لشخص غير مؤهل لشئ اصلا في سوق عمل لا يحتاجه اصلا . او محاولة الاستمرار في التاهل الاصافي . و من الجدير بالذكر في هذه النقطة انه يظل يجول في هذه الابواب حتي الثلاثينات غير قادر علي الاستقلال المادي المطلق , و هذا عنه لنفسه فقط بدون اي احاديث عن زواج و اضافات من هذا النوع . و لو اختار سبل البقاء المجرد فقد اختار ان يعيش ليعيش لا اكثر بدون غد و لا امل في شئ .

3- تبدا مرحلة ما بعد الثلاثينات التي وصل فيها هذا الشاب الي مرحلة قد تكفله هو فقط و ربما قطة لو غالي في البذخ بدون دعم خارجي :tooth: . و الجدير بالذكر انه لا يملك سكنا فهو قادر علي الاستقلال النسبي و ليس الاستقلال الكامل . و تبدا هنا ايضا مرحلة الوفيات الكثيرة :tooth: . فاعمار الناس في هذا الزمن صارت تختلف شكلا و موضوعا عما كانت قديما . و جدير ايضا بالذكر في هذه المرحلة مقدار ما قدم للوصول الي حد الحياة كقطة . لقد افني هذا الشخص ما يجعله قريبا للوداع من حياته برمتها و يعجز حتي هذه المرحلة عن ما يقوم به اي حيوان راق قليلا في الاستقلال المطلق و صنع ما يشاء . فخياراته محدوده اجبراية حتي فيما يعمل .

4- تاتي مرحلة نصف الثلاثينات الاخر و هي مرحلة يحمد فيها ربه علي مد عمره الي هذا القدر :shifty: . و هي مرحلة الانتفاضة الاخيرة مع بلوع مشارف الاربعين . من الطريف ملاحظة ان الاربعين كانت سن النضج لدي العرب قديما :tooth: . كان لديهم وقت طويل فعلا . المهم , يصير من الوارد في هذه المرحلة ان يكون قد استقل اخيرا في حياة تكفيه هو و كلبين من انواع رخيصة الثمن :tooth: . لقد وصل الي نهاية الخط و قارب علي تسليم نمر السيارة في هذه المرحلة و بدات الامراض المستديمة في الثبات المستمر . الضغط و السكر و امراض القلب يشكلون مرتعا ينطلق بحريه في هذه الفترة .

5- فترة الاربعينات , لقد صار الشاب الخريج مشرروع شيخ ممتاز , نصف من كان يعرفهم انتقل الي الرفيق الاعلي كما ان قائمة الامراض و التاريخ الاسود تبدا في مرحلة الاستنزاف خاصة لو كان ممن عاشوا لشئ ما . و تبدا هنا مرحلة اكتشاف الفشل الذريع بلا غد يعوض و لا امس يخفف . و قد يحوله الامر الي وحش او شيخ ايهما اقرب لذهنه .

6- فترة الخمسينات , عمر مديد في هذا الزمن . فترة الازدهار التي تسبق الانهيار . يملك و لا يقدر و لكنه قد يتصابي مستببا في اصابته بجلطة في المخ الذي تصلب او ذبحة قلبية . لقد وصل الي مرحلة قادرة بغير قوة . و من الطريف ملاحظة ان العكس يحدث في عالم الحيوان :tooth: فصغار الحيوانات هم م يقدون و يعجز كبارهم بينما يقدر كبار الانسان و يعجز صغارهم . علي كل ليست النقطة .

7- مرحلة الستينات , مرحلة السعادة بمقابلة من عرفته قبل عامين علي قيد الحياة . لقد صار الانقراض ظاهرة و ربما هو اعجاز ان يظل حيا و كل ما فيه معظل . و قد تبدا هنا بداية الخرف و اخواته .

تلاحظ انني لم اقتل الرجل حتي اللحظة الاخيرة :tooth: . هذه الحياة يعيشها اكثر من مليار شخص في الوطن العربي باشكال و ملابسات مختلفة . اكثر من اربعين عاما ضائعة في قدرة انسان علي المطعم و الماكل و الملبس وماوي من المطر :tooth: . هي امور قد تم حلها منذ عصر الانسان الحجري حقيقة . اربعون عاما تفصل كل شاب عن الاستقلال المطلق الكريم نفسه . من الممكن ان يستقل - و هذا غالبا يحدث - بشكل غير كريم اصلا :tooth: . يختلف الامر من حالة لاخري و لكن نفس القواعد تسري بشكل عام . فالمسكلة في نمط حياة كامل و ليست قضية افراد و بالطبع لا نقحم في الامر اصحاب القضايا و من يعيشون لشئ ما . هذا حديث لمن يرغب فقط في ان يعيش بشكل نصف انساني و نصف حيواني كحيوان راق قليلا عن دودة القز :tooth: . اطلت جدا , و لكني انبه بان السؤال الاعم , هل الحياة مستحيلة ؟ . شكرا علي الموضوع .

[zahrat_albnafsage]

هههه دودة القز .. اكيد ما اظن انه في انسان بيتمني الحياة دي ... بس المشكلة متطلبات المجتمع البتفرض علي الانسان قيود وحدود لا تستطيع التعامل معها .. وقله قليله الا من رحم ربي .. هم البيكسروا الحدود دي وبتوازنوا عشان يوفقوا حياتهم ويعيشوها صح من غير فلان سوي وعلان قال :) ...

[Raw3a]

يا جماعة الموضوع ده جميل و حيوي جدا

اشكر كاتب الموضوع و اشكر سيدة الاقمار

لانو اعادة فتحو من جديد

في اثناء قرايتي لي الصفحات الفاتت

لقيت انو اغلب البنات بتقفوا على رأي انو

صاحب الخلق و الدين ليهو الاولوية

طيب سؤال واااااااااااااااااحد بس

لمن يبقى الكلام ده جد الرأي حيكون زي ما هو ؟؟

ده سؤال واقعي بسألوا لكل البنات

عشان الناس ما تكون رافعة شعارات بدون يقين و قناعة

دي حاجة

الحاجة التانية الغالية وهج الصباح اتطرقت لي نقطة مهمة جدا

هي نقطة الاهل .. يا جماعة استحالة الزواج اصبح السبب الاول و الاخير فيها الاهل

بسبب المغالاة في الطلبات العجيبة البتكون كماليات و منافسات ما اكتر

و بي سبب التباهي بي ابنتهم الجميلة الصغيرة ال.. ال.. ال..

الى متى لغايت ما القطر يفوت

بعد كده تبدأ بطولات اللوم و العتاب و البحث عن المنتظر بكثييييييييييييييييير من التنازلات

البتناسب الوضع و العمر الوصلت ليهو الفتاة

كتير من البنات و ده نموذج حي لي وحدة قريبتي

احبت انسان فيهو كل الشعارات البهتفوا بيها البنات

جامعي - متدين - خلوق - حتى شكلا كان وسيم جدا

الا انو حالتو المادية تعسية شويتين..كانت مقتنعة بيهو حتى النخاع

و اتقدم لخطبتها الا انو رفضوه رفض قاطع و بدون نقاش

الحجة حيعيشك من وين ؟؟ سؤال عاجز بسألوه الاهل لي بناتهم

في انو هم ما فاهمين انو الراجل ما ممكن يبعثر كرامتو للدرجة دي

يعني لو ما عندو البعيشهم ما كان وصل البيت

فهنا مربط الفرس..اللوم و العتب ما علينا ما على البنات على الاهالي

و كل شاب يقعد جنب الحاجة كده و يسألها حسي لو اتقدم لي اختي دي واحد هدي و رضي

لكن مفلس بتقبلي يا امي ؟؟

يحليلو طبعا الشجاع الحيسأل امو السؤال ده لانو حيكون ده مصيرو :spank::slap:


:tooth: معليش يا جماعة برييييييييييييتكم اعفو لي

و للحديث بقية :sweatingbullets:

[إمرأة لا تشبه القمر]

سلام علي العزابة
وعلي طريقة اخي العزيز / كروشابي
(من ترضون دينه وخلقه فزوجوه) وليس (ترضونه ديناً)
ثانياً لقد اثلج صدري كلام اخواتنا عن ان الدين
هو الاساس في الزواج
ولكن عزيزاتي الفضليات هل هذا مطبق في مجتمعنا الآن؟
فالدين الاسلامي نادى بــ(اقلهن مهراً اكثرهن بركة)
والدين الاسلامي نادى بــ(وانكحوا الايامى منكم والصالحين من عبادكم وإيمائكم ان يكونوا فقراء يغنهم الله من فضله والله واسع عليم)سورة النور
والدين الاسلامي نادى بــ(وآت ذا القربى حقه والمسكين وابن السبيل ولا تبذر تبذيراً* إن المبذرين كانوا اخوان الشياطين وكان الشيطان لربه كفوراً)سورة الاسراء
ثم ماذا عن طلبات بنات الزمن دا والتي في الغالب نابعة من
عقدة الشوفونيات (ما تنط لي يا كروشابي الموضوع ما بستحمل)
التي لا اساس لها من الصحة في مجتمعنا الذي نحلم بان يكون مثالياً
ولكن للاسف الشديد هنالك من ينكد علينا نحن معاشر العزابة
ويجيب لينا نفسيات بي حاجات كدا والله مافي ليها اي داعي
والمشكلة مافينا نحن بس المشكلة انو البنت عايزة يعملوليها ذي ما
عملوا لي فلانة ومعاها شوية توم وشمار
دا غير الذفة العربية هو فضل فيها عروبة مع اليهود والنصارى ديل!
وين البنينة (للحناكيش فقط (البنينة)= هي اغنية تقال للعرسان (عقبالنا ياااااارب) المهم اديك مقطع: الليل ليل العديل والزين الليلة العديلة ويا عديلة الله ....الخ) و وين عاداتنا وثقافتنا وموروثاتنا،موش المفروض تكون هي الاصل؟ واللا ما كدا؟
وفي موضة اسمها رقصة (الاسلو slow) كمان والله حكم قال سودانيين قال!

معليش يا شباب انا شطحت شوية بس لكن من العلي
انا عايز اعرس لكن بي وين للجماعة ديل وطلباتهم (كدا كيف يا كروشابي طلباتم دي حلوة موش؟)
والمصيبة انو البنات يقولوا ليك نفس كلام اخواتنا ولما يجي الجد
ياحبيبي نعمل كدا وكدا عشان كدا وكدا وناسنا ديل شنافييين ولازم يعجبهم
كدا وكدا (انا عايز اهلك واللا عايزك انتي يا بت الحلال؟)

المهم انا الآن بفكر في انشاء حزب بالمنتدي بعد موافقة الادارة طبعاً
وهذا الحزب تحت اسم (حزب الرجل) واااضحة واللا اوضح اكتر؟
وقبل عمل اجراءات تسجيل الحزب هذه دعوة
او بالاصح تحدي واتحدي اي واحدة من اخواتنا في المنتدي والمنتديات المجاورة
انو تقبل بي علماً بانني راجل مسكين وعلي قدر حالي وعايز احصن نفسي من الشيطان و (بنات الحرام) بس ليس الا، واهم حاجة انو التكلفة تكون اقل ما يمكن يعني كل تكاليف الزواج ما تفوت الــ6 مليون بي المهر والحاجات التانية.
آآآسف للاطالة بس والله ممكوووووووووووووووووون




سلامات عليكم شباب بعد غيبه رجعتا ليكم ولقيت موضوع مهم جداً جداً جداً لينا أنحنا الشباب عشان

كدا أصريت أتابع كل الردود بإهتمام شديد .

بس أوقفنى كلام ود القروش كتيييييييييييييييييييييييييييييييييييييييير

فعلا جزء من كلامك صاااااح وبالجد فى طريقه فى الإختيار بتكون العقل ما بيقبلا

بس بقت فى فكرة أنو قطار الزواج يفوت البت مسيطره على عقل الأسره الا من رحم ربي


دي الأولي عشان كدا بقا البنات بيزوجو من طرف .

أما التانيه مسألة الدين بقا كلام ما حسابات وبالجد أول شى فى حساب البنات جيبو كيف والتانيه وجيه

ولا لا حتى بتلقا الولد الوجيه وعندو قروش لمن يجي يتقدم لى بت يقرب يقول ليها هو إنتى لاقيه .


نجى لى الطلبات وهى جزء من العقل يعنى لو قلنا الأساسيات بس البتكفى لى عيشه مستوره وهنيه

وقصدتا أقول هنيه لأنو شيل الهم لتكملة الأسايات وليست الكماليات بتخليك مدبرس طوالى

تانى بينى وبينك 6 مليون بتعمل شنو ( دى شيله تلاته تلاته ما بتجيب ) خلى أنو من السنه الوليمه

للعقد تمااااااااااااااااااام ( تانى بينى وبينك إنتا مش كنتا خاطب ولا :wacko: )

وأخر شي تحديييييييييييييييييييك القدمتو بالجد لو لقيت بنت ناس حبتك جد جد وحبت ظروفك حتقول


ليك حنبنيها مع بعض بس بعد داك بعد ما تبنيها معاك ما تقول كبرت وأنا لسا شباب أشوف لى واحده

تانيه ( لانو دا حالكم يا شباب وهنا أنا بتحداااااااااااااك )





ولى رجعه تانى

[المنتشري]

الزواج اصبح من الاشياء الصعبه في هذا الزمن نسبة لتزايد متطلباته

من مهر وغيره ...

ليتنا لو كنا عايشين في ذلكم الزمن الجميل

حينما كانت متطلبات الزواج لا تتعدي الزير

والعنقريب .. وراكوبه .... فـعـلاً كانت حياة بسيطه

[فتون]

الاخ هيثم
لك التحيه
لقد اثرت موضوع مهم جدا لانو فعلا مشكله حقيقيه ولاكن اخى لو نظرنا بوضوعيه نجد ان الكثير من الفتيات اصبحن يفكرن بعقلانيه...... لانو الاصل الطيب من اهم الامور التى تؤخذ فى الزواج بعد الدين طبعا لانو الواحده عندما تجد ود الحلال التقى وهدى ورضى فهذه نعمه من الله ........ ثم بعد ذلك المسؤليه من حيث العمل لا يشترط الغنى ولا الثروة ولا الجاة بل الاستطاعه لفتح بيت وتحمل مسؤليته .......

[nourelsalam]

بسم الله الرحمن الرحيم
الاخوة الاعضاء الافاضل
السلام عليكم
الموضوع رائع
الاصل فى الموضوع ان يرجع الناس الى الدين والى الاحاديث التى قالها الرسول صلى الله وعلية وسلم ومنهم الحديث اقلهن مهرا اكثرهن بركة او كا قال الرسول صلى الله علية وسلم
وبرضو اقروا القصيدة الرائعة التالية والتى تدعو وتبسط الزواج
اللي أمها يوم عرسها
كان عفشها... حلّة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخره
وقزازة كان فيها البخور
وجوز صحون
ومنٍخُلين..
والطشت والقروانه والغربال..
ومقشّه ليف...
ومقشتين عرجرن
وزير وزلعة وقىلتين وماجور
وحصيره من سوق التلات
ولحاف بإيدها منجداه
ومخدتين
والوش كان دمُّور
في الانفتاح
علي رأي صاحبي ولانبطاح
وفتحنا مصر سداح مداح
ونسينا حي علي الكفاح
والشعب محكوم بالسلاح
اتلخبطت كل الأمور
وقيم كتير
وعادات كتير اتغيرت
من ضمنها غًلو المهور
البنت دًي
بنت أم باتعه
مش عاجبه حد في مشيها
إكمنًّها.. مشيت طريقها لوحدها
والأسرة غابت عنًّها
مشغولة عنها بعبئها
سايبينها هيًّ وشأنها
وإكمنًّها مستهدفه
الأجنبي ومعاه غبي
فكّر لها
قال أولا:
ترفض معيشة أهلها
ترفض أوامر ربها
ترمي الحياء والانتماء ورا ضهرها
تقطع جدورها بنفسها
أوعز لها
إزاي حتعرض لحمها
وتبان مفاتن جسمها
من ضفرها.. لأعلي خصله ف شعرها
عمل الصالات... تعرض موضات
والاعلانات... ماليه الشاشات
بالشنبوهات والتسريحات
وحاجات كتير فرحت بيها
تاهت ونسيت نفسها
وتكلًّمك ربع الكلام بالأجنبي
وتقول هالو...
بنت أم باتعه تقول هالو
مرسيه يا شوشو وثانك يو
وكَمٍ يا توتو وياللا جو
وكبار شيوخ المسلمين
ما عرفش ليه مًتلجًّمين
والمسئولين... فتحوا الببان علي وًسعها
قام قال سلامة ألمًّها
يمكن تغيّر فكرها
ترجع لدينها وربها
وتعيش حياتها بحلوها وبمرها
راح لـ أمها...
يخطبها منها وقال لها
بصراحه بنتك..
عاوزه حد يلمّها
وأنا قدّها
قالت: وماله
البنت يلزمها الجواز
شخشخ جيوبك.. واشتري ياللا الجهاز
قال: اطلبي...
قالت: تجهز شقه.. قد أربع إوض
أحسن نابوليا في البلد
وتجيبها من دمياط
وتجيب نجف من غير عدد
والمكنسة بشفاط
والدًّش قبل الدُّش
والفديو والبوتاجاز
وتجيب لها تلاجة ستاشر قدم
وتجيب لها قبل الجواز...
الفرو والمحمول
وتجيب لها غسالة فول
أنا قصدي فول توماتيك
شقتها كاملة..
زي أي بوتيك
وتجيب لها قبل الجهاز
الشبكة طقم من الدهب
أنا مش حاقولك ألماظ
وتجيب لها فستان زفاف
من غير كمام من غير كتاف
علشان يبين صدرها
وتبان مفاتن جسمها
وتجيب غوازي تزفها
واللي اسمه إيه شهر العسل
في الشرم واللا الغردقة
وبلاش أمور البعزقة
آدي مطلبي
إن كنت قادر مهرها
قرَّب لها
أنا مش حاميّل بختها..
قال: يا أم باتعه حاجيب منين
أنا لاني راجل مرتشي
ولا أحب أجيب بالدّين
ولا أرضي بالتقسيط..
الطاق بيبقي طاقين
ويكتّبوني شيكات
أو أمضي علي ايصالات
علي إنها امانات
وحكاية مش هيّ
لو بس فات شهرين
مادفعتلوش قسطين
بدل المحامي اتنين
حايجيب له رفض الشيك
ومصيبه وقضيه
ومش حاقولك عالقرف
وحاجات مخلًّه بالشرف
اما البوليس والمحكمه
حابقي ف نظرهم منحرف
وباكسر القوانين
شوفي يا ام باتعه
أنا عندي شقه محندقه
معقوله ماهش ضيقه
فيها يادوب أوضتين
وعملت جمعيه
مع ناس أماره زيكم
وقبضتها ألفين
وادي اللي عندي وقلتلك بصراحه
وبإذن واحد أحد
ربًّك حايفرجها..
وباتعه حتريَّحك.. وتعيش مرتاحه
قالت له: قم من هنا
قم فضها سيره
أنا احترمتك.. عشان الأهل والجيره
بتقولي الفين جنيه?!!
وانا اللي قال بافتكر..
باتعه حاتخد بيه
حافظ علي كلمتك يا اهبل..
وخلًّيك زوق
دي باتعه طول عمرها
دايما تبص لفوق
لاحمر ولاخضر
وشي محزَّق وبنطلونات
والشعر فوق كتفها سايح
وفي الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللي عاقل
والمستمع مجنون!
ألفين جنيه للغوازي واللا للمأذون?!!
فيه ناس كتير زيكم مش عايشة في الدنيا.
مابتسمعوش الرداوي.. واللا تلفزيون?!!
شفت اللي بيقدمه الحاج متولي?!!
الشقه بالعفش كامله..
وفلوس كتير في البنك
كتبه لعروسته..
دَا غير اللبس والمصاريف
شايفاه بعيني
ولا واحد غريب قالًّلي
كل المسلسل تابعته دقيقه بدقيقه
والحاج متولي إلاهي لم يشوف ضيقه
راجل صحيح مًقٍتًدًر
كل البنات عاوزاه
وباتعه بنتي..
إلاهي يكون نصيبها معاه
مش جاي تقولي الشباب !!
أنا ناقصه هَمٍ تقيل
قال: يا ام باتعه اسمعيني
كل دا تمثيل
قالت له: ده قصر ديل
وبلاش كلام فاضي
الشعب راضي
مافيش غيرك عامل لي تقيل
ما تكونش ماهر يا شاطر
واسم أبوك عطار
والشاي علي النار
وقاعد لسَّه عالرمله
والحلوه تيجي تلاقيك
فارش لها المنديل.?!
قال: يا ام باتعه
دي ناس بتوزع الأوهام
ساعدوا العدو بجهلهم
في الحرب عالإسلام
وأنا مش بالوم جهلهم
اللوم علي الإعلام
قالت: خلاصة الكلام
أنا بنتي مش من وقمكم
شوفولكو ناس علي قدًّكم
أنا بنتي حلوه مثقفه
حافظه الأغاني كلها.
أحدث شريط عندها.
دي لما تلبس بنطلونها الجينز
كل الشباب تجري وتخطب ودّها
ونانسي عَجرم نفسها
ما تجيش في خصله ف شعرها
ولا تيجي ضفر ف رجلها
طب والنبي...
لو شافها واحد أجنبي
ليجيب لها.
كل اللي ييجي ف نفسها

مع تحياتى
نور الاسلام

[بيكاسو]

دعوة للحوار الموضوعي : هل الزواج اصبح مستحيلاً ؟؟؟

[بسمة حب]

جميل ماطرحته ياهيثم من نقاش
وبالجد موضوع مهم
اول شي بجي لعنوان موضوعك
هل الزواج اصبح مستحيلا !! وليه يكون مستحيل ؟؟ عمرو ما الزواج كان مستحيل يمكن الشروط اختلفت والموضوع صعب شوية لاكين الزواج سنة الحياة ولو ماحصل بينقرض الانسان .. فمااعتقد في يوم يبقى مستحيل
لو جينا على الشروط في الزواج والله الموضوع بختلف من بت لبت وبعتمد على تربيتها واخلاقها وبيئتها ومفاهيمها فما بتقدر تجيب بت تقوليك رأي كل البنات .. ومن ناحية تانية لو سألت بت كل وحدة حتقعد تتفنن دايراه ظريف وخلوق ومتدين وعندو قروش ووجيه وعاقل ومثقف وحنين ووووووووو قائمة طويلة فيها كل الصفات الحلوة العجيبة .. بس لو جيت للجدية كل الصفات دي مابتجتمع في رجل واحد !! لاكين برضو بعرسو ليه ؟؟ في سببين في ناس الحب بياكل قلبهم وبنسو اي فكرة كانت في بالهم واي وصف دايرنو في زوج المستقبل وفي ناس البورة بتاكل قلبهم :icon_lol: فبكونو دايرين يتخارجو وخلاص المهم عرس ماضروري زولي يجي .. لو كل بت اشتغلت بموضوع دايراه وكده وصفاتو كده ماحتعرس زاتو بس طبعا في صفات اساسية زي انو يكون خلوق وعلى قدر من الدين وزول مسؤولية دي حاجة اساسية لزواج ناجح .. لو على نفسي ياهيثم ااي انا دايرة اي صفة حلوة ودايراه يكون نضيف من الصفات المنفرة لاني زيي زي اي بت لاكين انا عارفة لما يجي الوقت حختار بقلبي مش بعقلي
ووووووووووب بريتك غايتو .. تقبل مروري ولك كل المودة

[zoal_keda]

دعوة للحوار الموضوعي : هل الزواج اصبح مستحيلاً ؟؟؟




عزيزي هيثم


للأسف


















لسه
:icon_lol:

[الجنرال البحري]

الزواج اصبح مستحيلا والحب اصبح عملة نادرة
لي .....
احتمال عشان ظروف الحياة من مشاغل وغيرا
او ما لقي ليهو واحدة تناسبو
او
مافي اي ثقة بين الجنسين ؟؟؟؟؟

[alshady]

الزواج ليس مستحيلا وانما هو له ابعاد قد ذكر بعضها الشباب , وانا شايف اكثر الردود بتلوم الاهل , لكن انا هذكر لكم قصة حدثت لي شخصيا , في يوم من الايام ذهبت لخطبة بنت سودانية من مواليد الكويت وحياتها كلها في الكويت وتعمل في المجال السياحي وهي خريجة بتفوق , عموما في بداية الامر كانت البنت معجبة جدا بي وهي ايضا جميلة وفي مستوى راقي اجتماعي وهي من ابناء اللذي يسموهم في الكويت شهداء الواجب او ما الى ذلك , وانا حينها كنت في انتظار قبولي في درجة الماجستير في بريطانيا , عموما تقريبا اتفقنا مبدئيا على الامور الاساسية , وعندما اتينا للمهررررررر اتت المشكلة بعد ماعلمت بدخلي السنوي وبصراحة طمعت قليلا , وطلبت مني المهر على مايقارب 50 الف ريال سعودي ويشهد الله اني صادق , وطبعا ماعدا مصاريف الزواج وما الى ذلك , عموما في النهاية انتهت الامور بيننا على لاشي وانتهت الحكاية
ولكن لب الموضوع هو ان من طلب هذا المهر هي الفتاة وليس اهلها والدتها واخوانها قالوا لي بالشعبي ( احنا بنشتري راجل ) ولكن كان للفتاة راي اخر

مشهد من واقع مرير وان كان لايعتبر هو السائد

وتقبلوا مروري

[الجنرال البحري]

الزواج اصبح مستحيلا والحب اصبح عملة نادرة
دا اصلح تفسير مبسط يمكن اي واحد يفهمو

[ياسر 2008]

فى راى
فهم البنات والاسر تغير كثيرا عكس ماهو مفهوم ...
الواقع الحياتى الاليم بكل جوانبة دفع فى تغير فهم صورة العريس
ماعاد بريق الغربة يغشى عيون البنات .. ولا عاد العرس( المريش) يصيب البنات بالجنون
اختلت موازين وتبدلت معادلات فى هذا البلد الكبير .. البنات فى الغالب تبحث عن السترة مع ودالحلال
من يتحمل المسئولية ويعرف الاصول ويفهم لغة العيش فى الواقع( شارى الحياة) هو عريس معظم البنات.
و بالعكس انا اعتبر متطلبات الزواج تغيرت النظرة فيها واليها كثيرا
بذات القدر عند غير( المعتدلات.. فى نظرتهن نحو وضع العريس) من البنات زدن جنون للاسف
وهذا النوع من البنات تظل الحياة امامة صعبة قبل وبعد الزواج ...
فى الاخير تبقى المسائلة كلها مرتبطة بتربية وبئية وثقافة البنت
شكرا للموضوع الجميل والكبير
تقبل مرورى:sweatingbullets: