فضلا تعال إلي هنا وأكتب أجمل ما تراه في (السودان)

[الريل]

فضلا تعال إلي هنا وأكتب أجمل ما تراه في (السودان)
--------------------------------------------------------------------------------
أيها الأحباب هنا في بيتنا الكبير ابن السودان الحب الصفاء
سلام من القلب
كثيرا ما نكتب عن السالب حول سوداننا سودان العزة والكرامة والنبل
ولكن ...
هل فكرنا يوما أن نكتب عما نحسه ونلمسه حقيقة عن الموجب في هذا الوطن الواحد الكبير الحبيب ؟؟
ربما كتبنا مقتطفات هنا وهناك وأعذروني إن جئت بهذا البوست طالباً منكم جميعاً الدخول هنا لتسطير أجمل ما في الوطن السودان .. وأعني الإيجابيات فقط ...
فهلا فعلنا ؟؟؟
في إنتظار أقلامكم هنا لتحكي بصدقكم الذي فيكم
أحبكم جميعاً
الريل

[شهد الملائكة]

يكفي انك تقول السودان وبعد داك كل الاحاسيس الحلوه وكل الولاء وكل الحب وكل العطاء وكل الوفاء بتتجه براها للسودان وطننا الحبيب
بلادي (سوداني) ان جارت علي عزيزه
واهلو وان ضنو علي كرام

[ياسـر]

والله أي حاجة جميلة في السودان

لكن سيظل هناك شئ معبر لابعد الحدود

النيل أو على قولتنا البحر

أجمل شئ في السودان

[HaMsa]

agmal ma fe alsudan nas alsudan al7elwyeeeeeen

[zoal_keda]

السودان

هذا الوطن الشامخ
أهل السوادن
(يذكر المجد كلما ذكروا وهو يعتز حين يقترن)

أهل السوادن
(عرب ممزوجة بي دم الزنوج الحارة ديل اهلي)




سودانا ،،،

وطنا البي اسمك كتبنا ورطنا
أحبك مكانك صميم الفؤاد
بإسمك اغني ،، تغني السواقي
خيوط الطواقي
سلام التلاقي ودموع الفراق
واحبك ملاذ .... وناس عزاز
احبك حقيقة واحبك مجاز
احبك بتضحك ... واحبك عبوس
في عزة جبالك ترك الشموس
وما بين ظلالك افتش واكوس
افتش طفولتي وملامح صباي
بناتك عيونهم صفاهن سماي
وهيبة رجالك بتسند قفاي
صحي بتملا عيني وتشرف غناي
في حضرة جلالك يطيب الجلوس


سودانا


تراثنا ،،،
حبوباتنا
اجدادنا


بلدنا (كان شمال أو جنوب او شرق او غرب)



بجيك بي رواااااااااااااااااااااااااااااقة اوريك أحلى حاجة في السودان شنو !!

[Modassir Elshibly]

وطنا حبيبنا رغم البين هي

الاشواق ..حنينا اليك اظل دفاق

كما انو العكار من طين ...

كمان من طين بجي الرواق

[ليتيسيـــا]

emm


walai alsudan kolo 7lew .. a7la shi lamat alnas w al2hal w alwansa
alneel...

walai alsudan kolo mubl;3a ya5

[اسيرة الشجون]

كل العز و الفخر و الحب للــــــــــــســــhttp://www.9oar.com/up/uploads/581e0206d3.gif (http://www.9oar.com/up)ـــودان ....

[WENJY]

بالجد موضوع حلو لإننا دايما بنسب ونلعن سودانا ونحن فيهو ، وما بنحس بقيمتو إلا برا

السودان كلو على بعضو حلو ، صيفو وخريفو، مطرو وكتاحتو

وناسو الحبوبين( مع انهم بيكونو صاريين :mad: )

لكن قلبهم ابيض :innocent:


احلى شي في السودان اللمة والترابط الإجتماعي:community:


حلات بلدي وحلات ناسا

[ريلة]

وطنا وطنا البي اسمك كتبنا ورطنا
احبك احبك احبك احبك
احبك مكانك صميم الفؤاد
باسمك اغنى تغني السواقي خيوط الطواقي سلام التلاقي ودموع الفراق
احبك ملاذ وناسك عزاز
احبك حقيقة واحبك مجاز
احبك بتضحك واحبك عبوس بعزة جبالك ترك الشموس

[ميمى]

وطنى هو النيل هو الخضرة والطيبة والكرم والشهامة والشجاعة

السودانى الجوى جدانى بريده

بلدى ياحبوب ابو جلابية وتوب

[الدافعابى]

تحياتى من بعد سلامى
سوف احكى ماحصل لى عند حضورى للسودان فى نهاية شهر رمضان الكريم
طلعنا من المطار قبل الافطار بزمن بسيط ، ادركنا وقت الافطار فى شارع الخرطوم بحرى الجيلى
من الكدرو حتى الجيلى ااناس تفطر فى الطريق العام ، ويحلفون لك بأغلظ الايمان حتى تفطر معاهم
ومن تتخطاه وتنظر اليه تجده فى الخلف يلاحق السيارة دون كلل او ملل ظناً منه أنك لم تلحظه .
هذه واحده من جمال بالدى الذى لا حدود له ...

[مودة خالد]

كل شبرآ مشيت فيهو احبه
كل ناس السودان احبهم

[سارونة]

فضلا تعال إلي هنا وأكتب أجمل ما تراه في (السودان)
--------------------------------------------------------------------------------
أيها الأحباب هنا في بيتنا الكبير ابن السودان الحب الصفاء
سلام من القلب
كثيرا ما نكتب عن السالب حول سوداننا سودان العزة والكرامة والنبل
ولكن ...
هل فكرنا يوما أن نكتب عما نحسه ونلمسه حقيقة عن الموجب في هذا الوطن الواحد الكبير الحبيب ؟؟
ربما كتبنا مقتطفات هنا وهناك وأعذروني إن جئت بهذا البوست طالباً منكم جميعاً الدخول هنا لتسطير أجمل ما في الوطن السودان .. وأعني الإيجابيات فقط ...
فهلا فعلنا ؟؟؟
في إنتظار أقلامكم هنا لتحكي بصدقكم الذي فيكم
أحبكم جميعاً
الريل
معليش الرد جاء متأخر جدا جدا جدا
اجمل ما قيل عن السودان ......... (يكفي انه السودان ) وكفى

[y.mo]

السودان جميل بي اهلو


بي لمتو

ودخول الناس عليك ودخولك عليهم


السودان ما ارض السودان ناس

بتخاف عليهم وبخافو عليك

ما عشان اهلك ولا اصحابك


لا عشان سودانيين


زي في الغربه لمن تلاقي واحد سوداني


بتقيف معاهو


السودان ناس

[بنت الكويت]

السودان....
بلد عربي... يعني... العرب وعرب وعرب...
هل الكلمه تكفيني... لان صفات العرب كلها فيهم...
الغيره الشجاعه والكرامه....واشياء كثيره موجوده في السودان ربي يخليه لكم ولنا هل البلد......
بس تعرفون شنو الي شعجبنيي بهل البلد... انو رغم كل الضرووف الشعب عنده امل... ولكه تفأول... وهذا شئ حلو

[المنتشري]

هلا والله بنت الكويت

شعور جميل منك وهذا ليس بغريب علي اهل الكويت

وكلامك هذا ان دل فأنما يدل علي طيب اصلك

وفعلاً نحن والكويتين اكثر من اخوووووان

وبلغي سلامي لكل كويتي

[juha]

مااا عااارف اوصف السوداان ولا اديهو حقوو بس اي حاجة جميلة تمثل السوداان

[المزيونة]

الشهامة التي لا توجد لا في ابناء بلدي.
لكم كل الود.

[هيثم]

احبك ملاك 0 0 0 وناسك عزاز
احبك حقيقة 000 واحبك مجاز
مهما كتبنا ما بنوفيه حقه 000 الكلمات تقف عاجزة عن وصفه

[نجمة البحرين]

نفسي ازور السودان واتشرف بمواطيها ياليت يعني ياليت اكسب حب اهاليها
وطن بعيد عن عيوني00 وطن اهديه حبي وشجوني
وطن غالي بصدق اهواه00 وطن رسمته بخيالي مااحلاه
شفت من اهله طيب وشهامة00 والقلم عاجز يكمل كلامه
والحب في القلب اقوى علامه00 طيري لهم وسلمي ياحمامة

[المنتشري]

نفسي ازور السودان واتشرف بمواطيها ياليت يعني ياليت اكسب حب اهاليها
وطن بعيد عن عيوني00 وطن اهديه حبي وشجوني
وطن غالي بصدق اهواه00 وطن رسمته بخيالي مااحلاه
شفت من اهله طيب وشهامة00 والقلم عاجز يكمل كلامه
والحب في القلب اقوى علامه00 طيري لهم وسلمي ياحمامة

....

يا ميت هلا ومرحبا بك نجمة البحرين

صراحه شعور طيب منك ونحن كمان نبادل

الشعب البحريني نفس الشعوور

وإلي الامام دوما .......

عزيزٌ أنت يا وطني برغم قساوة المحن
برغم صعوبة المشوار ورغم قساوة التيار
سنعمل نحن ياوطني لنعبر حاجز الزمن

[نجمة البحرين]

....

يا ميت هلا ومرحبا بك نجمة البحرين

صراحه شعور طيب منك ونحن كمان نبادل

الشعب البحريني نفس الشعوور

وإلي الامام دوما .......



الله يجزيك خير يا اخي وبارك الله فيك

[على ضفاف القاش]

لو لم أكن سوداني لوددت أن أكون سوداني وإنتهى الكلام
مهما قالو ومهما قلنا عن سودانا مابنديهو حقو
بس لو الكورة إتختت في الواطه كده وكل الخلافات زالت
حيكون شئ تااااااااااااااااااني (ده فيهو خيراتــ.....!!!)

ويسلمو على الموضوع

[Lufthansa1980]

الساعة 12 ضهر كده .. ما ضهر شديد يعني

بس الرماضة بقت الف ... والشمس تكون فوق راسك بزاوية

قاصداك انتا :surrender: تفكيرك كلو بيكون على البحر .....

وتجي البحر بوين بعند الجروف .. وتكابس كده لما تلقا ليك

شوك نايم حبة وهاك يا الاندراعة ديك :strong: ... وتصل لغاية القيفة ...

وتقوم تقلع :sweatingbullets: .. لانو الدنيا مولعة نار .. اي مين العراقي والسروال

وتكون بالمرمودا لزوم التكة وهكزا :unsure: ....

وترجع لورا هناااااااااااااااااااااااااااااااااااااااك .. ودردولب تجي مطفر ... جمبلغغغغغغغ

..... وهنا بينتهى الكلام ...... في احلى من البلد دا ياناس .....

[Lufthansa1980]

بس تكون عامل حساب ما تطقك بردة












































وبعد دا كلو بطقك :wacko:

[ابو الصادق]

السودان البلد الواحد
ما قد كان وما سيكون

[sudani 100%]

السودان ؟؟؟؟؟؟؟؟؟؟
تعرف لما الواحد يكون ما قادر يعبر لي محبوبتو بيكون احساسه كيف
بحس بالظلم وما عارف انو هو الظالم نفسو براه
انا شخصيا ما شايف احسن من السودان
السودان سيظل هو السودان ولكن يا شباب وياشابات السودان انحنا بصراحة بنشتغل وبنبني للغريب أكتر ما بنشتغل وبنبني لي بلدنا يمكن دي من طيبتنا كسودانيين... وانا واحد من الناس ديل اشتغلت في الغربة احسن من ما اشتغلت في السودان .. وكل يوم بتمنى لو لم تتاح لي فرصة الهجرة للخارج
ومعليش ... مربط الفرس يا جماعة ...
ليس (ما هو السودان بالنسبة لنا) ؟؟؟؟؟؟؟؟
ولكن
(من نحن بالنسبة للسودان) ؟؟؟؟؟؟؟؟؟
يجب علينا ان نضع بصمتنا كمن سبقنا حتى يعلو السودان فوق كل الأمم
((((((وأبداً ما هنت يا سوداننا يوما علينا)))))

[العز ابن السودان]

لو قلت حاجة من الحاجات الي في السودان حأظلم باقي الحاجات...


والله كل شـــيء.....................

[AlJaMeD]

اييييك ،،
،،
زمان ....

اكثر حاجة عاجباني في السودان ، مسحة المروءة و الكرم ، الشجاعة و الاقدام ،،

تاني حاجة النيل ( بحر ابروف تحديدا) ، و كسلا ، و حاجات تانية ...

[dl3 alsudan]

لك العزة والفخار ياسوداني الحبيب الغالي وبقول ليك............... كلك كلك كلك حلووووو

[alzazeer-o-musbah]

السودان جميل بس اعمل حسبك من ....................

[وهج الصباح]

طبعا المشاركه جات متاخره شديد
لكين لازم اكتب
مافي شي بيوفيه حقه وكفايه انو السودان

[MISS A]

اجمل ما السودان اللمـــــة
ساعة العصرية لما نفرش سراير الحوش
ويتلمو بنات الحلة وتتعالى الونسة والضحكات
وبالليل لما ترقد وعينيك مثبتة في النجوم
والصباح لما تصحى على تغريد الطيور
ودقة الباب من الاحباب : ياخوانا كيف اصبحتو
وصوت العمة وسؤال الخال
السودان جميل جميل جميل
جميل بي ناسو وبي حنيتم الدافية
جميل بي نيلو المهما شربنا منه ما بنروى
جميل حتى بغبارو وبي ترابو
كيف ............ ماهو ده غبار بلدي وتراب بلدي
وحليـــــــــــــــــــــــــــل بلـــــــــــــديhttp://www.mowjeldoha.com/mix-pic/3barat/www.mowjeldoha.com-3barat-42.gif

[masterchetos]

احلى شى فى السودان هى البساطة والكرم وحب الاهل وقوتنا فى الغربة وتمسكنا بافراحنا واحزانا
فى كل مكان فى العالم والتمسك باعلى واقوى الاخلاق التربيوية احنا السودان اموت فى السودان
بلدى اشتقت ليك ياسودان والله لو كتبت مليون كلمة ما بعطى السودان حقها الحمدلله ان انا سودانى

[نوري123]

يذكر المجد كلما ذكروا



وقد صنع السودانيين المجد في كل مكان فالسودان في كل العالم

[ود الهوبجى]

عزيزتى الريل

لك التحية

السودان فى نظرى كله جمال فى جمال ولعل اجمل شىء اراه هو انسانه ذلك الانسان الرائع وقد ساعدنى الحظ للتجوال فى مدن وقرى السودان فى اركانه المختلفة ثم ساعدنى الحظ ثانية للتجول فى دول العالم الاخرى وبكل صدق وجدت ان انسان السودان هذا مثاليا ولن نعرف ذلك حتى نرى بقية الشعوب الاخرى ...
انسان السودان شىء مختلف تماما وانا على يقين اننى ساذهب لاى منطقة فى السودان وانا لا اعرف فيها اى انسان ومع ذلك اعيش وكاننى مواطن ولد فى تلك البقعة فانسان السودان متميز ويحب الكل ويحترم الغريب ويمنحه مكانة خاصة ويمكنه ان يتقاسم اللقمة مع الضيف والزائر والغريب دون ان يتذمر او يستاء او يمتعظ ....

ما اجملك يا انسان السودان وكل دعواتى ان يبقى كما هو ......

مع شكرى للموضوع الرائع جدا والذى لا ينتهى فالجمال فى السودان اخيتى بلا حدود ....

لك مودتى .

[عبد الرحيم]

الصفات النبيلة مثل الجود والكرم والنخوة والمشاركة في الاتراح والافراح كلها اشياء جميلة وهي حكر على السودانيين دون غيرهم من الامم

[صرخة حزن]

اجمل ما في السودان ناسه واهله طباعهم وعاداتهم السمحة والوقفة في المصاعب والتعاون
اقرب مثال لمن يحصل حادث حركة او تبطل عربيه او يينفش عجل او او او .........
شوف الناس توقف كيف يساعدوك ويعاونوك يشيلو ويختو يرفعو ينزلو يربطو ويفكو

شوف في اي بلد تاني لو حصل نفس الموقف يا اما تلقى الناسمتجمعة بتتفرج عليك وانت بتحاول تصلح في الوقف او انهم يمرور عليك ولا يهمهم
السودان جميل بكل ما في كلمة الجمال من معنى

[محمدبخيت]

بلادي اهلاً يا بلادي
الف تحية ليكي من الفؤادِ
بلادي اهلاً .. يا بلادي
صدورنا حماية ليكي من الاعادي
بلادي أنا بلاد ناساً في اول شي
موارثيم..كتاب الله
وخيل مشدود ، وسيف مسنون حداه درع
تقاقيبن تسرج الليل مع الحيران
وشيخاً في الخلاوي ورع
وكم نخلات تهبهب فوق جروفا الساب
وبقرة حلوبة تتضرّع وليها ضرع
وساقيةً تصحي الليل مع الفجراوي
يبكي الليل ويدلق في جداولو دمع
يخدر في بلادي سلام ..
خدرةً شاربة موية النيل تزغرد في البوادي زرع

بلادي سهول بلادي حقول
بلادي الجنة للشافوها او للبرة بيها سمع
بلاد ناساً تكرم الضيف
وحتى الطير يجيها جعان ومن اطراف تقيها شبع
بلاي أنا
تشيل الناس ، كل الناس
وساع بي خيرو لينا يسع
وتتدفق مياه النيل على الوديان
بياض الفضة في وهج الهجير بيشع
بلادي بلاد الصفقة والطمبور
وداراتاً تنح بالليل
وبنوتاَ تحاكي الخيل
يشابن زي جدّي الريل
وشبالن مكنتل في طريفو ودع
بلادي بلاد من التاريخ
من ترهاقا لا عند ميسنا ...
عاد ترجاك خيل ودروع
بلادي أمان ، بلدي حنان وناسا حُنان
يكفكفوا دمعة المفجوع
يحبو الدار يموتو عشان حقوق الجار
يخوضو النار شان فد دمعة
وكيف الحالة لو شافوها سايلة دموع ؟!
ديل اهلي .. ديل اهلي ..
يبدّوا الغير على زاتم
يقسموا اللقمة بيناتم
ويدّوا الزاد حتى ان كان مصيرم جوع
ديل اهلي .. ديل اهلي ..
ديل اهلي .. البقيف في الدارة
وسط الدارة واتنبر
وأقول لي الدنيا كل الدنيا
ديل أهلي
عرب ممزوجة بي دم الزنوج الحارة
ديل اهلي
ديل قبيلتي لما ادور افصل للبدور فصلي
اصحاب روحي والاحساس
وسافر في بحار شوقم زمان عقلي
أقول بعضي ...
ألاقيهم تسرّبوا في مسارب الروح
بقوا كُلي .. ديل اهلي
محل قبلت القاهم ..
معايا .. معايا زي ضلي
كان ما جيت من زي ديل وآسفاي وآماساتي وآآآآآآآذلي
تصور كيف يكون الحال لو ما كنت سوداني
واهل الحارة ما اهلي ؟؟
تصور كيف يكون الحال ؟!!

[TOTO]

ما في حتة في السودان ماحلوة

والله كل شي فييهو حلــــــــــــــــــــــــــــــــــــــــــــــــ ــــو>>>>>بالنسبه لي

[الحان الربيع]

السودان كما قال الراحل المقيم الاستاذ مصطفي سند
(بلد المواجع الحلوة جد)

[الشريف الرفاعي]

اجمل ما اعشقه في السودان هم الناس اهلي الغبش ناس ضل الضحي والعنقريب الهباب وفي كراعو مربوط
راديو هنا ام درمان وبرش بعد ابوي صلي الصبح وبعد ان اشرقت ارض قريتي بنور ربها حملت امي صينية
فيها لقيمات وشاي بلبن تخيلو معاي فرحتنا نحن الصغار وكت لمة اطفال حول الاب وكان يوم جمعة وما ادراك
بيوم الجمعة في قريتي الراقدة في احضان النيل المهم جلسنا ملوك في ضل الضحي نشرب الشاي ومع صوت
الاثير نسمع اغنية شجن في برنامج ما يطلبه المستمعيين وصوت سكينة عربي الله يرحمها وكمان جلسة ضل
الضحي واختي الحنينة قاعدة في البنبر تغسل في الهدوم واراغب الموقف عن كثب سؤال في الخاطر ليه اختي
ما تدفق الوسخ خارج الدار؟ والمسكينة تراقب كمان الكانون فيه نار مكوة هدوم صلاة الجمعة ونحن ولا هناك
فقط نفكر في متي ينقضي ضل الضحي عشان نمشي نلعب ولاننا صغار ولكن شئا فشئا طوي الزمن هذه الصفحة
ووضعها علي الهامش وسافر اخيكم ولكنه من لحظة الي اخري يقلب دفتره يبحث عن بقايا الزمن الجميل!!!!!!!

[فرحة عمر]

السودان احي انا منو

ياخي لو اتكلمته عنو ما بقدر اوفيهو حقو نهائي

لاكين احلى شي الشماليه

واي انا من البحر وريحت الدعاش البتجيك منو

والخضره والبلح وتشرب من جدول المويه

ياخي بسرح بعيد لمن اكون في المكان ده

واكيد لي عوده

ويسلمو على الطرح الرائع

سلمت اناملك

[ابوالزيك]

سودانا هو سودان العزه والحريه والسودان جميل واجمل باهلو وناسو الطيبين

يسلموووووووووو يا عسل

[TOTO]

والله بصراحة بي صراحه



كل شي في السودان حلو

من النمله الماشة في الواطة >>>>>>لي النسر ولا البعوضة الطايرة في الجو

[لحـــ الغروب ــــــن]

أجمل ما في السودان انو انا منو :) <----- غرور
هو جد كلو جميل بس اجمل ما فيهو ريحة المطر والطين
وعدم العنصريه والاجتماعيه واهلو وناسو وطيبتهم واخلاقهم
انا ما حتكلم عن العمران انا حتكلم عن الناس اللي في السودان
بعجبني فيهو بيوت الطين في الارياف بتحسسني بشعور غريب وخاصه في الليل وقت تطلع النجوم
احلى ما في السودان قعدت القهوه ((الجبنه)) مع الحبوبات ((الله يرحم حبوبتي من ماتت ما شفته الجوء دا تاني))
احلى مافي السودان لمن تقعد في وسط الخالات ويحكو ليك قصص من التاريخ والاساطير
اجمل شيء في السودان العفويه وخفة الدم والكلمات السودانييه اللي دايما بتكون غريبه علي اول مره بس تاني لو سمعتها ما بنساها
احلى شيء ((البوش)) وقعدتها ياااااااااااااااااه بس على السودان كلو جمييييل الله يكتب لينا نرجع لي سريع وفي اقرب وقت
الله يخلي لينا ولا يحرمنا من قطعة ارض منو

[ربيع قرطبة]

عذراء العروبة
رأيتهــــــا شاخــــــصة تنظـــر
بعينيــن مــن الدمـــع تنــــبع
وجــــــهها كالبــــدر في حسنه
وبريقــــها كالنجــــــــــم يلمع
تكســــــوها الرقة والاصــــالة
وعن جمــــــالها ترى وتسمع
يشقها النيــــــــل العظيم بخيره
تغنى به الشعــــــــــر وأبـــدع
تــــأبى للمســــتـــــعمر ظلمـــه
وتأبى أن تـــــــــــــذل وتركـــع
تاريخـــــــــها بالأبطال شـــاهد
تهز به الأعـــــــــــــــــداء وتردع
يا نسمة هبى علينا من رحابها
فنحن في شـوق إليها ومدمع
أنجبتنا وهي عـــذراء العروبة
فما نحـــن إلا قوم للحــق نرفع
راياتنا خفــــــــاقة في سمائها
وعلى العرش مجــــدها تربع
وطنا عزيزا عليـــــــــنا غاليا
وعدنا إليه حتــــــــما سينفع
هي بــــــــلادي ومالى غيرها
من حبيب ورب الخلق أجمع
ســـوداننا في أعماقنا وقلوبنا
نمــــــــــوت فداه كبارا ورضع

[طارق عد المنعم]

طيبة اهله الذين لا تفارق الابتسامة شفاههم

[abusida]

اهلي وان ضنو علي كرام