boss.26
04-30-2007, 08:33 PM
ياشباب التحيه ليكم وليكن
القصيده دي تاني قصيده
لي في الشعر الدارجي
أتمنى انو تنال اعجابكم
مُتغَرِّب عَنو
تلاته غرف وصالون
بديت باتكالي عليهم
وعليهم باتكالي مسجون
منهم أمرق وادخليهم
وتعشعش في شديرات عقلي ظنون
ظنون ظنون ظنون
بسم الله حبيت أبتدي
ومن غيرو ماظن ابتديت
بسم الله حبيت اهتدي
ومن غيرو ماظن اهتديت
قوم يا ود على مدرستك
صحي ابوك خليو اتجهز
شيل كراستك وشيل مقلمتك
أشرب لبنك ودع صمتك
ماما ماما اتاخرته هاتي البوسه عشان ماأمشي
بابا كمان حيوصلني عل مدرستي في غمزة رمشي
وفي الطابور وانا متمحن
والعصفور فوق لي يلحن
سيك كيك كيك سيك
حسبك ربك مبتليك
اجناساً تروح وتجيك
يا مَسَعوَد ليهم شريك
الله يحللك من الفيك
واللسه كمان ياخوي جاييك
جانا التيتشر ساهي يلعلع
قولو نشيد العلم الملكي
واي مسعود لازم يسمع
فك الكان في بالك وسمع
سمع يللا نشيد العلم الملكي
سارعين للمجد والعلياء
مجدي لخالق السماء
وارفعي الخفاق أخضر
يحمل النور المسطر
رددي الله أكبر
ياموطني عشت فخر المسلمين
عاش الملك للعلم
والوطن
تحياتي لكم أيها الملوك
وانا بنشد في أناشيد علمكم وألوك
ولكن ...
وين ...
وين ...
وين علمي ..
وين وطني ..
وين علمي البي شعرو بهاتي
وين وطني السمو ديموقراطي
وين البحرضني على العرفه
والبشوفلي من البلد دي صرفه
علي أتعلم أصنع حرفه
صباب شاياً مجيه وقرفه
مايهم ....
المهم أشم تراب أم در
وابقى فوقا زولا حُر
بيكيفي أفر وأكر
في الغربه واطي الجمر
وضايق عسل الغربه في البلد الفَقُر
وحاتك يا أم در عسل الغربه مُر
وبعد
فكونا البيوت
وانا بي قصة العلم الملكي مكبوت
ورجعت البيت مهموم محزون
بالهم الكان في الراس مخزون
أصُبرُو شويه حاكون مجنون
بس !!
الله يخلي التلفزيون
الله يخلي التلفزيون
التلفزيون الطاف في بلدي
وشوّفني ناسي وأهلي
أخدت أقَلِّب في القنوات
للعربي كمان والنايل سات
من إيه آر تي لسبيستون
ومن ام بي سي والكَمِن سون
ومن روتانا لي ...
فجأه ..
شفت قناة النيل الأزرق
الفي حلات ناسا تغرق
قلت نسمع شوية غنيه
علها تحلوا شويه الدنيا
سمعت الغنيه الاولى وكانت ..
( أديله ووب والليرين فَجِلِي
الللللللللللللللله
دي بلد نفايا موكين كجللي
الله الله الله
مورين موكو كن جواب كفايا
أووووووووو
بقيت تَتِل من كوريلنا لُجي
الله الله الله )
الللللله يابلدي !!
وين انتي من زمان
وينك يالطبيعه الموسيقى وياوتر الكمان
قت يابابا ..
سِمعت الغنيه السودانيه ؟؟
قالي ..
دي الغنيه الحلفاويه
الللله يا حلفى ... نفسي أشوفك
وابقى المطر السال في جروفك
اللله يا حلفى ... نفسي أشوفك
وابقى الوصله الرابطه حروفك
جاني صحبي طاير
غيّر غيّر!! ... برتني سبيرز في مزيكا
قُلتلو أصبر بعد الغنيه
قالي غنية إيه وسودان إيه ؟!
أنحنا ناس اليو إس إيه ؟!
(ماغلطان) ماودّ الغربه
بيعرف إيه عن السودان
بيعرف إيه عن أبو السيد
ظهر الغُنا في عهدو وليد
بيعرف إيه عن عِقد الجلاد
وتر الوطن حضن الأولاد
ماود الغربه ...
بيعرف إيه .. بيعرف إيه
عن مدني بيعرف إيه ؟
بلد الفن وجمال العفه
عنها ليه متغابي العِرفه
عن أم در بيعرف إيه ؟
واحلى سلام ليك يام دُر
شوقينا بس قايدو صبر
عن أتبره بيعرف إيه ؟
عن القطارات والسِكَك
فاكيها ليه حين تحاول تمسِكَك
عن حلفا بيعرف إيه
عن السميحات القميحات
مندسي من لومِن عليك ياخات
عن شرقنا وعن غربنا
عن شمالنا وعن جنوبنا
بيعرف إيه
عن سودانا بيعرف إيه
بيعرف إيه
غير التلاته غرف وصالون
غير المكيف والفريون
والعربيه النوع صالون
2007 وأسمح لون
بالترطيبه الود مجنون
بين البِيك والكنتاكي
الود حنكوش يتدلع باكي
يشيل الجل ويسبسب شعرو
ويعزل الجنز اللاصق ....
بيعرف إيه ؟؟
عن الطوريه وعن ساقيتنا التور جاريا
عن ويكتنا وعن كِسرتنا الفوق الصاج مرميه
عنو غنمنا وعنو بهمنا وعن السرحه الفي أراضينا الواسعه الحيه
عن عثمان وعن ملوال وعن نوره الحالمه وميري السمحه اللسه صبيه
بيعرف إيه ؟؟
إن ود الغُربه سوداني صِح
شغِّلو غنية أم در وعنو زِح
وان ماجيت ولقيتو فوق راسو ينِح
يبقى أبوي ماجايبني
ولو ماجا وقالك مين غنّاها
يبقى أبوي هو السايبني
طار إن حط إتوجع
الود لي بلدو حيرجع
مالعرجه لمراحا بترجع
ياود الغربه التاه وادلّع
أحسللك سيب الغربه وأرجع
وان جيتنا منها لسه مدلّع
بتدقس وفيك الجمر مولّع
تعال صامّي خشيمك واسمع
أبقى مناضل وياما حتنفع
أنسى نشيد العلم الملكي
وشوف تاريخنا الدايماً أروع
وياما تسمع وياما تردد
ولا في يوم حتكون متردد
إنو تردد ..
نحن جند الله جند الوطن
إنو تردد ..
يابني السودان هذا رمزكم
إنو تردد ..
يحمل العبء ويحمي أرضكم
إنو تردد ..
أنا وطني وطني أنا
إنو تردد وماك متردد
أنا سوداني يا عالم
أنو سوداني يا عالم
أنا سوداني
أنا سو ..
أنا
أ
شكراً
القصيده دي تاني قصيده
لي في الشعر الدارجي
أتمنى انو تنال اعجابكم
مُتغَرِّب عَنو
تلاته غرف وصالون
بديت باتكالي عليهم
وعليهم باتكالي مسجون
منهم أمرق وادخليهم
وتعشعش في شديرات عقلي ظنون
ظنون ظنون ظنون
بسم الله حبيت أبتدي
ومن غيرو ماظن ابتديت
بسم الله حبيت اهتدي
ومن غيرو ماظن اهتديت
قوم يا ود على مدرستك
صحي ابوك خليو اتجهز
شيل كراستك وشيل مقلمتك
أشرب لبنك ودع صمتك
ماما ماما اتاخرته هاتي البوسه عشان ماأمشي
بابا كمان حيوصلني عل مدرستي في غمزة رمشي
وفي الطابور وانا متمحن
والعصفور فوق لي يلحن
سيك كيك كيك سيك
حسبك ربك مبتليك
اجناساً تروح وتجيك
يا مَسَعوَد ليهم شريك
الله يحللك من الفيك
واللسه كمان ياخوي جاييك
جانا التيتشر ساهي يلعلع
قولو نشيد العلم الملكي
واي مسعود لازم يسمع
فك الكان في بالك وسمع
سمع يللا نشيد العلم الملكي
سارعين للمجد والعلياء
مجدي لخالق السماء
وارفعي الخفاق أخضر
يحمل النور المسطر
رددي الله أكبر
ياموطني عشت فخر المسلمين
عاش الملك للعلم
والوطن
تحياتي لكم أيها الملوك
وانا بنشد في أناشيد علمكم وألوك
ولكن ...
وين ...
وين ...
وين علمي ..
وين وطني ..
وين علمي البي شعرو بهاتي
وين وطني السمو ديموقراطي
وين البحرضني على العرفه
والبشوفلي من البلد دي صرفه
علي أتعلم أصنع حرفه
صباب شاياً مجيه وقرفه
مايهم ....
المهم أشم تراب أم در
وابقى فوقا زولا حُر
بيكيفي أفر وأكر
في الغربه واطي الجمر
وضايق عسل الغربه في البلد الفَقُر
وحاتك يا أم در عسل الغربه مُر
وبعد
فكونا البيوت
وانا بي قصة العلم الملكي مكبوت
ورجعت البيت مهموم محزون
بالهم الكان في الراس مخزون
أصُبرُو شويه حاكون مجنون
بس !!
الله يخلي التلفزيون
الله يخلي التلفزيون
التلفزيون الطاف في بلدي
وشوّفني ناسي وأهلي
أخدت أقَلِّب في القنوات
للعربي كمان والنايل سات
من إيه آر تي لسبيستون
ومن ام بي سي والكَمِن سون
ومن روتانا لي ...
فجأه ..
شفت قناة النيل الأزرق
الفي حلات ناسا تغرق
قلت نسمع شوية غنيه
علها تحلوا شويه الدنيا
سمعت الغنيه الاولى وكانت ..
( أديله ووب والليرين فَجِلِي
الللللللللللللللله
دي بلد نفايا موكين كجللي
الله الله الله
مورين موكو كن جواب كفايا
أووووووووو
بقيت تَتِل من كوريلنا لُجي
الله الله الله )
الللللله يابلدي !!
وين انتي من زمان
وينك يالطبيعه الموسيقى وياوتر الكمان
قت يابابا ..
سِمعت الغنيه السودانيه ؟؟
قالي ..
دي الغنيه الحلفاويه
الللله يا حلفى ... نفسي أشوفك
وابقى المطر السال في جروفك
اللله يا حلفى ... نفسي أشوفك
وابقى الوصله الرابطه حروفك
جاني صحبي طاير
غيّر غيّر!! ... برتني سبيرز في مزيكا
قُلتلو أصبر بعد الغنيه
قالي غنية إيه وسودان إيه ؟!
أنحنا ناس اليو إس إيه ؟!
(ماغلطان) ماودّ الغربه
بيعرف إيه عن السودان
بيعرف إيه عن أبو السيد
ظهر الغُنا في عهدو وليد
بيعرف إيه عن عِقد الجلاد
وتر الوطن حضن الأولاد
ماود الغربه ...
بيعرف إيه .. بيعرف إيه
عن مدني بيعرف إيه ؟
بلد الفن وجمال العفه
عنها ليه متغابي العِرفه
عن أم در بيعرف إيه ؟
واحلى سلام ليك يام دُر
شوقينا بس قايدو صبر
عن أتبره بيعرف إيه ؟
عن القطارات والسِكَك
فاكيها ليه حين تحاول تمسِكَك
عن حلفا بيعرف إيه
عن السميحات القميحات
مندسي من لومِن عليك ياخات
عن شرقنا وعن غربنا
عن شمالنا وعن جنوبنا
بيعرف إيه
عن سودانا بيعرف إيه
بيعرف إيه
غير التلاته غرف وصالون
غير المكيف والفريون
والعربيه النوع صالون
2007 وأسمح لون
بالترطيبه الود مجنون
بين البِيك والكنتاكي
الود حنكوش يتدلع باكي
يشيل الجل ويسبسب شعرو
ويعزل الجنز اللاصق ....
بيعرف إيه ؟؟
عن الطوريه وعن ساقيتنا التور جاريا
عن ويكتنا وعن كِسرتنا الفوق الصاج مرميه
عنو غنمنا وعنو بهمنا وعن السرحه الفي أراضينا الواسعه الحيه
عن عثمان وعن ملوال وعن نوره الحالمه وميري السمحه اللسه صبيه
بيعرف إيه ؟؟
إن ود الغُربه سوداني صِح
شغِّلو غنية أم در وعنو زِح
وان ماجيت ولقيتو فوق راسو ينِح
يبقى أبوي ماجايبني
ولو ماجا وقالك مين غنّاها
يبقى أبوي هو السايبني
طار إن حط إتوجع
الود لي بلدو حيرجع
مالعرجه لمراحا بترجع
ياود الغربه التاه وادلّع
أحسللك سيب الغربه وأرجع
وان جيتنا منها لسه مدلّع
بتدقس وفيك الجمر مولّع
تعال صامّي خشيمك واسمع
أبقى مناضل وياما حتنفع
أنسى نشيد العلم الملكي
وشوف تاريخنا الدايماً أروع
وياما تسمع وياما تردد
ولا في يوم حتكون متردد
إنو تردد ..
نحن جند الله جند الوطن
إنو تردد ..
يابني السودان هذا رمزكم
إنو تردد ..
يحمل العبء ويحمي أرضكم
إنو تردد ..
أنا وطني وطني أنا
إنو تردد وماك متردد
أنا سوداني يا عالم
أنو سوداني يا عالم
أنا سوداني
أنا سو ..
أنا
أ
شكراً