boss.26
04-30-2007, 08:40 PM
من تاليفي
وارجو انو يكون تفصيلها
أداكم تفاصيلها
الأرمله ليلى
ليلى تكورك
وماها تكورك
مع الوليدات الصغار
مع الجنيات الفُقار
ياود أقعد
يابت سوي
وليش ماتسوي
حليلك ياليلى
وياليلى حليلك
مين البشيل همِّك
مين البقيف جنبك
رعدا وقع في الراس
قرب يهد الساس
من وين دحين نشرب
من وين دحين ناكل
يا ود تعال أقرب
جيب البنات وأقرب
دا الحين قرايتك كيف
وكيفن بقيت تقرا ؟
يايما مابقرا
كيفن بكون بقرا
والحال ده اتعسر
فوق راسنا واتكسر
مويت الخريف جاطت
في الحوش وما جاطت
باعوضه كم مرت
والنملي إنشرّط
جات العيال حُمّى
كيف العلاج يُمّى
رعد الصواقع تو
فوق راسنا بعمل كو
كم دُرتَ لي شُغلاً
كم درت واتعسر
كم غنيان فِـــقِر
وكم فقري اتيسر
وانا ..
في الدنيا شِن سويت
وللآخره شِن بقيت
لكنَّ الأمل موجود
بالحيل الشُغُل موجود
وحاقوم أشوف البَي
يايما سوي السّي
حاقوم أشوف شغلاً
شغلاً بوكل حي
بي إذنو ربي الحي
وليلى فِرحت بس ..
الفرحه ماتمت
لما الغدا اتقرّب
كيفن غدانا اليوم
لو كسره مرشوشه
لو بصله مقروشه
محتاجه لقرروشه
لو فته بي بوشه
محتاجه لقروشه
وقروشه ماكفّت
كيفن تكون كفّت
دايرين نجيب فحماً
نشعِلبو في المنقد
والريكه فوق للصاج
راجيا الفحم ينجض
والريكا فوق للصاج
راجيا العجين يخمر
لكن فحم مافي !!
ياحاجه ليلى شلون
بتولعي المنقد ؟؟
ياليلى كيفن بس
حتولعي المنقد ؟؟
بس ليلى قامت فد
قامت تشوف شيتاً
تشعِلبو في المنقد
لفّت زقاق الحي
حامت زُقاقات جاي
خشت زُقاق بهناك
كايسا الورق بالحيل
صفق الشجر وقّع
قامت تلم صفقات
قامت تشيل ورقات
قامت تلم حطبات
مجدوعه في الشارع
لاما الشوارع نِضفت
بعد التعب هدّاها
المنقد اتولع
سوّتبهو الكِسره
خلطت معا مويه
كبّت ملح فوقا
وقامت تكورك هوي
بنوتي هوي ياهوي
قومن غَداكن جا
ياوليدي وين انتا
قوم الغدا اتجهز
فجأه الباب إندق
والدقه محترمه
ميها المِتِل دقت
الشرطه مُنتقِمه
يابنيه قومي عليو
شوفي اللي مين في الباب
وجرياً عليهو الباب
بس كان في لحظة صمت !!
وليلى قالت هوي
يابنيه مين في الباب
جات البنيه تكورك
يايما يايما !!!
وارجو انو يكون تفصيلها
أداكم تفاصيلها
الأرمله ليلى
ليلى تكورك
وماها تكورك
مع الوليدات الصغار
مع الجنيات الفُقار
ياود أقعد
يابت سوي
وليش ماتسوي
حليلك ياليلى
وياليلى حليلك
مين البشيل همِّك
مين البقيف جنبك
رعدا وقع في الراس
قرب يهد الساس
من وين دحين نشرب
من وين دحين ناكل
يا ود تعال أقرب
جيب البنات وأقرب
دا الحين قرايتك كيف
وكيفن بقيت تقرا ؟
يايما مابقرا
كيفن بكون بقرا
والحال ده اتعسر
فوق راسنا واتكسر
مويت الخريف جاطت
في الحوش وما جاطت
باعوضه كم مرت
والنملي إنشرّط
جات العيال حُمّى
كيف العلاج يُمّى
رعد الصواقع تو
فوق راسنا بعمل كو
كم دُرتَ لي شُغلاً
كم درت واتعسر
كم غنيان فِـــقِر
وكم فقري اتيسر
وانا ..
في الدنيا شِن سويت
وللآخره شِن بقيت
لكنَّ الأمل موجود
بالحيل الشُغُل موجود
وحاقوم أشوف البَي
يايما سوي السّي
حاقوم أشوف شغلاً
شغلاً بوكل حي
بي إذنو ربي الحي
وليلى فِرحت بس ..
الفرحه ماتمت
لما الغدا اتقرّب
كيفن غدانا اليوم
لو كسره مرشوشه
لو بصله مقروشه
محتاجه لقرروشه
لو فته بي بوشه
محتاجه لقروشه
وقروشه ماكفّت
كيفن تكون كفّت
دايرين نجيب فحماً
نشعِلبو في المنقد
والريكه فوق للصاج
راجيا الفحم ينجض
والريكا فوق للصاج
راجيا العجين يخمر
لكن فحم مافي !!
ياحاجه ليلى شلون
بتولعي المنقد ؟؟
ياليلى كيفن بس
حتولعي المنقد ؟؟
بس ليلى قامت فد
قامت تشوف شيتاً
تشعِلبو في المنقد
لفّت زقاق الحي
حامت زُقاقات جاي
خشت زُقاق بهناك
كايسا الورق بالحيل
صفق الشجر وقّع
قامت تلم صفقات
قامت تشيل ورقات
قامت تلم حطبات
مجدوعه في الشارع
لاما الشوارع نِضفت
بعد التعب هدّاها
المنقد اتولع
سوّتبهو الكِسره
خلطت معا مويه
كبّت ملح فوقا
وقامت تكورك هوي
بنوتي هوي ياهوي
قومن غَداكن جا
ياوليدي وين انتا
قوم الغدا اتجهز
فجأه الباب إندق
والدقه محترمه
ميها المِتِل دقت
الشرطه مُنتقِمه
يابنيه قومي عليو
شوفي اللي مين في الباب
وجرياً عليهو الباب
بس كان في لحظة صمت !!
وليلى قالت هوي
يابنيه مين في الباب
جات البنيه تكورك
يايما يايما !!!