غيم الفراق..

[عسلنا]

غيم الفراق..ما بوصّي عليك تاني
وما بقيف قدام عيونك
واشتهيك بي صدر حاني
كل سكة معاك مشيتها
ارهقت فيني الثواني
واتعبت نبض الدقيقة
وفارقت زمني ومكاني
ما بعيد في العمر مرة
لحظة بترجع هواني
وما بسوق غيم المحنة
لي ضفاف هجرت حناني
وما بعيش ليل ما بضوّي
نجمو بالحب والمعاني
عمري كم شان فيهو أنزف
كل يوم دم ارجواني
شوقي ما معناهو انو
بي هواك اشقى واعاني
وكل احساس فيني عامر
هاربة من دربو الأماني
وكل نظرة حزينة تصبح
آهة تتوسد زماني
لا عشانك دمعي جف
لا الظروف حنّت عشاني
منقول:surrender:

[ود كوستينا]

ملطوش قول لية ملطوش يا أخي أخوك كان عايش معاك جات ملطوش خربت:tooth:
منورنا ياعسلنا وانشاالله تكون شايل الأسم:giggle:

وفي إنتظار المذيد

[malooza]

اول شيء يا هلا بيك في منتدانا يا عسلنا....

جد كلمات حلوه وجميله..يا عسلنا..

ويلا خلينا نشوف مشاركاتك دايما..

وحتى لو منقوله:icon_lol: ..الفكره في المشاركه اكيد

وشكرا ليك كتير..:winkiss:

[thooby]

ما بعيد في العمر مرة
لحظة بترجع هواني
وما بسوق غيم المحنة
لي ضفاف هجرت حناني

تسلم يا عسلنا نقلت كلام ماية الماية

[ageeb]

كل سكة معاك مشيتها
ارهقت فيني الثواني
واتعبت نبض الدقيقة
وفارقت زمني ومكاني


هذا إحساس عالٍ، ومعنى عميق...

إديك العافية يا عسلنا وممرحباً بك في هديل الروح...

تحياتي،