سافر وطشه وخلى الحله

[هشام طمبل]

سافر وطشه وخلى الحله
في الزمن القاسي وكلو مذله
زمنو غريب وكلو مصائب
لازم يقاوم لازم يحارب
يا ام احمد دقي المحلب في توب احمد
الليله مسافر
لازم يقاوم حظو العاثر
لازم يفكر في يوم باكر
بكت الام ونزلن دمعات
وكان في الجوف عبرات واهات
واحمد راح روّح فات
سافر احمد وغابلو سنين
وكان برسل للأم قرشين
بعد كم فتره وكم شهرين
عشان الستره وسد الدين
بعدين يا أحمد ومعاك بعدين
حتظل في ده الحال كده لمتين
أمو الحزن ملاها جراح
احمد وين راح شليل وين راح
ختفو التمساح
أمك غيرك ما بترتاح
وعاش احمد حياتو غريب
وبعد ما راسو كساهو الشيب
ولمالو كمان قرشين في الجيب
فكر احمد يعود يرجع
ومن حياة الغربه يقنع
ويشيل لي امو كم هدمات
يبدل التوب المرقع
احمد جرى
جرى واسرع
رجع احمد وكان فرحان
مشتاق لي امو والحبان
بيتهم بابو كان مقفول
بيتهم شكلو كان حزنان
وعرف احمد من الجيران
أمك ماتت ليها زمان
كانت دايما تسأل عنك
قليبه عليك دايما حزنان
زمن سجمان زمن سجمان
ايه بتفيد قريشاتنا
ايه بتفيد دميعاتنا
لمن نفقد اماتنا
ونحنا بعاد عن الاوطان
زمن سجمان
زمن سجمان
كلمات المبدع الفنان الاستاذ علاء الدين الامين عبدالله

[الضحوك]

الكلمات جميله لكن ليه حرق قلب امو عليه

[مشاعر حائرة]

يااالله


كلمات رايعة ونابعة من واقع عايشنو


بالجد ما قادرة اتمالك دموعي



ربنا يرد غربتنا


إشتقت ليك انا يا بلد

[هشام طمبل]

نعم اختي رهف ربنا يرد غربتنا