فضفضه

[زهرة البسنت]

اول حاجه ازيكم ياشباب تاني حاجه طبعا انا زوله جديده معاكم هنا لكن والله انتو ناس لذيذين شديييييييييييد وانا اتكيفت ليكم وحبيت افضفض معاكم شويه وانا الايام دي بحتفل بمرور عدة شهور علي حالة العطاله الانا عايشها (بعيد عن السامعين)_قبل عدة شهور(وعشان ماتقولوا الزوله دي عجوزه ماححد كم شهر)ضربت لي وحده صحبتي :ازيك يا......... اهلا وسهلا كيفك.انا تمام طبعا قالوا النتيجه بكره)طبعا انا الدنيا لفت بي وبطني طمت متين لحقت نحن هسه ناقشنا مشروع التخرج المهم بين خايفه من النتيجه ومبسوطه انو موضوع القرايه ده حينتهي اليوم داك مانمته بالجد وبيني وبينكم كنت مبسوطه اكتر انو خلاص حشتغل بعد كده واترحم من سرقة جيب ابوي وتحنيس امي الصباح في زيادة المصروف واقول لي روحي بعد كده خلاص اخوانك هم حيجو يحنكوك عشان يشيلو منك قروش واهم من ده كلو انو حبقي موظفه وقصة ناس احقق ذاتي وارضي طموحاتي الحاجات دي اللي لقيته بعدين قصص خرافيه المهم جاء تاني يوم والجامعه دي بقت لي بس مدني واظنها اليوم داك بدل ماكان ساعه واصل بقت اربعه ساعات وصلته الجامعه وطلعته فوق اها يخوانا النتيجه طلعت قالو انتظرو شويه انتظرنا شويه (طبعا لازم يزلوك حبتين)استاذ داخل ودكتور طالع وامه وخلق وانا بيني وبين نفسي بقيت اقول (وووووووووب علي فضيحت السواد قدام البرالمه والامه دي الكنا عااملين فيها شفوت قدامهم كان النتيجه دي طلعت فيها حاجه ولكم ان تتخيلو انا كان حالتي كيف تلفون من امي اها طلعت لسه والله بعديها بدقيقتين خالي اها طلعت لا والله طلعت روحي ولسه ماطلعته (اتاريني ماكنت عارفه طلاع الروح جاي قدام) شوفو ياناس الشمارات انا يديني وجعتني حقيف هنا ولحدي بكره ماحقول ليكم عشان مشغوله والله حكون كذابه لكن عشان اعرف لو في زول داير يعرف باقي القصه اتمها (مافي داعي لوجع اليدين ساكت ولاشنو:tooth::tooth: نلتقي غدا لو دايرين

[havith]

هههههههههههههههههههه
والله شحتفت الروح الشحتفوك ليها عشان يدوك النتيجه عايزه تتسديها فينا موش اها ياستي ممكن تجي تورينا كم محمد بسلموا عليك المشكلة تبقي امة محمد كلها بتسلم عليك
تخريمة
انتي شكلك شطورة كدة وعس............)
يالله تعالي انتي ماصاحية هدا انا شايفك وبعدين عاطله وقعده في البيت المتعبك شنو

[رؤى]

يدر ديرو ليك الشطه في عينك يا بسنت



يا بت تعالي ورينا الحصل عليك شنوووووووووووووووووووووووووو

[havith]

يابطوط البنت دي جديده طوالي كده مدردره ليها الشطه في عيونها لكن هي تستاهل عمايلها دي

[رؤى]

لكن اعمل ليها شنو


شحتفتنا يااااااااااااااااااااااااااااااااااااااااااااااااا ااااااخ

[mlkalnil]

اهل النتيجة رسلا لى عميد الكلية عشان ماتشحتفينا ساى
نتيجة امتحانات جامعة ناس زهرة البسنت:
لم ينجح احد..............
لاكين يازولة ولايهمك النجحو عملو شنو؟
اصلا شغل مافى وانتى ماعندك واسطة....احسن تنكسرى ايك سنه تانية فى الجامعة وتتشفتنى على البرالمة وتترشحى فى الاتحاد...وبرضو مكن تحققى طموحاتك .........:icon_lol:

[زهرة البسنت]

حفيظ وبطوط وملك النيل شرفتوووووووووووووووووووووووني ونورتووووووووووووووووووني بجد وعشان خاطركم انتو بس حتم القصه لكن الظاهر دعوة بطوط اتقبلت بتاعت الشطه وجاني التهاب في عيني (شفته يابطوط الحصل منك)ادوني شويه كده لحدي المساء وبتمها اهم حاجه خلوكم متابعين معاي

[havith]

كدي افتحي عينك النشوف الشطه دي نطلعه ليك
اها هاك ده فلفل حار مع الشطه عشان تجينا بكره ( بعد ده عيونك دي الا تمشي بيها الدكتور)

[boss.26]

وانا برضو معاكم ياشباب .. :strong:




أصلي جيت متأخر شويه ..:sweatingbullets:





شكلك كده يازهره دايره تركبي قصتك زيّنا في قطّاره .. :shifty:





يلا مامشكله اتعودنا ..













بس كمان ماتعملي نايمه بي كلامي ده .. تمي لينا شمارك ده .. :icon_jump:














أنا حسي أشيل وأعطس منو .. :sleep2:














تخريمه : عندك معاي حساب خاص بمجرد انك ذكرتي كلمة (مدني )





وتسلمي ..

[مـــالك]

حشتغل بعد كده واترحم من سرقة جيب ابوي وتحنيس امي الصباح في زيادة المصروف واقول لي روحي بعد كده خلاص اخوانك هم حيجو يحنكوك عشان يشيلو منك قروش


:tooth: :tooth:

الوصف مباااالغه يا زهرة

[Mr.Vali]

بطوط ... انا كنت قايلك .. مسكيييييييينة طلعتي تربية حبوبات

[شهد الملائكة]

اااااااها

وبعد داااااك نجحتي والا ......؟؟؟

طيب اشتغلتي والا .......؟؟؟

طيب اتنيلتي قعدتي في بيتكم والا ....؟؟؟

يعني ما ارتبطتي صح ؟؟؟

مسكينه يا زهره

[دمعة أسى]

يابت ماتجي ياخ

والله لو عارف انو الحكايه فيها اجزاء ماكان دخلته

تعالي كملي

[HaMsa]

احى من البنيه دى قصتها مشوقه شوق عجيب
يا زهره تعالى تمى لينا احنا راجينك
بس بديك نصيحه الشغل اكيد قبل كل شى توفيق من رب العالمين
بس كان عندك وااسطه قبلى عليها عديـــــــــــــــل
وكان ما عندك واسطه شوفى المطبخ بى وين

[علياء]

يا اخونا انتو حكاية شحتفت الروح الطالعة الايام دي شنو؟؟
كل ما امشي مكان الاقي .........يتبع.......... امش واجيكم........دقيقة بس ..اسع بجي
وبعدين معاكم:wacko:
طولت البال العندي قربت تخلص
وبعدين ما بضمن ليكم البحصل شنو؟:slap:

[مطر الحزن]

البت دي شتتت وين !!

والله كرهتوها قسم الشمارات

عالم تحب النقه

يابت يا زهرة البتاع وينك؟؟

[mlkalnil]

مطر دى صورتك والله وجيه عديييييييييييييييييييييييل كدا.......

[havith]

زهرة البسنت يابنت انتي نسيتي انو عندك موضوع بديتي بي هنا مفترض تجي تتميهو وله القصه شنو يالله بطلي حركاتي دي الكنتي مكرهانه بيها سنة 1990 في الجامعه ايامنا الخريجين انا وانتي

[زهرة البسنت]

مالك ودمعة اسي وشهد الملائكه ومستر فالي وعلياء ومطر الحزن وبوص والرائعه همسه شكرا ليكم علي المرور الرائع ولقيتكم بالجد ناس شمااااااااااااارات وطلعته مابراي !!!!!!!:) المهم ياحلوين مااطول عليكم واتم ليكم باقي القصه المحزنه !!!!!!!!!!!!واقفين منتظرين النتيجه وطبعا كلو زول اللحظه ديك بطلع بقصه داك يقول ليك والله الربيت عشره (ماتقولو حبه اصلا نحن دفعتنا كلها مااكتر من 30
زول) تاني يقول لالا قالوا نص الدفعه وانا اعصابي تبوظ زياده المهم لحدي المغرب جاء طالع العميد والدكاتره وطبعا بتخارجو قبل ماتتعلق خوفا من العواقب الوخيمه الممكن تحل بيهم بعد تعليقها من الشباب!!!فضل زول واحد شايل النتيجه خمونا نزلونا الطابق الارضي وعلقوها انتظرو الضمغ ينشف !نشف دمنا بعد شويه يلا خلاص اطلعو طبعا رجليني ماشايلاني طلعو الناس وانا اقفه تحت بسمع وااااااااااااي والبكاء والكواريك وهداك فلان نازل صاري وشو اتكلم معاه مابرد تقول ربتو انا !!!!!!!!!المهم شلته رجليني شيل طلعته السلم وقفته قدام النتيجه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!! افتش في اسمي اررررررررررر اررررررررررررررررررر ياهو ده مابصدق لالالالا دي ماانا دي ماعوايدي ؟ معقوله بس؟ مشيت ناديت ساره كدي تعالي ده اسمي قالت لي اي ده اسمك مبررررررررررررررروك الف مبرررررررررروك التانيه علي الدفعه ياسلللللللللللللللللللللللللللللام واخيرا كل الطموحات حتتحقق مابصدق الحمدلله لكن دي جات كيف والله ذي الماانا كده لو اقول ليكم شفتها خمسين مره يكون حبه المهم فرحته ناس بيتنا وتقريبا اسبوع مابرفع قشه !!!!!مالكم مش ناجحه ومش ناجحه بس تانية الدفعه عديل كده !!! وجابو الخروف وعزمو الاهل والشباب دايرين الحفله وانا بتفلسف حفلتي دي الابس في نادي (مخلوعه وكده) حتشتغلي لا والله شويه كده كدي ارتاح وبعدين افكر في الموضوع ده (بيني وبينكم قرايتي كانت صعبه شديد ) المهم الاحلام الورديه بدات وجاني احساس اودي شهادتي دي اي شركه هواء حشتغل !!!!!!!!!!مره الاسبوع الاول التاني التالت وجاء شهر وشهرين مشيت الجامعه وقالو طالبين مساعدين تدريس قدمته (وهنا كانت الدقسه
) ياقول حبوبتي تباري التدريس والتوب الابيض غير البوره ماتستفيدي شي !!!!!!!! المهم نزلته تدريس في الجامعه عاجباني ليك قصة استاذه دي ماشي وين ماشه الجامعه جايه من وين جايه من الجامعه ! بعد فتره من الزمن لقيت الشغل كلو بقي علي انا الاستاذ ده والله عندو سفر والاستاذ ده والله مافاضي امسكي بدلو ومادايره احكي ليكم عن ال......... ماقادره اقول مرتب حكون ظلمته الكلمه !بعد خمسه ايام بجي اقيف نفس الوقفه الكنت بقيفه قدام امي الصباح بس الفرق انو زمان كانت بتديني المصروف وهي مبسوطه ومتخيله انو في عوض وحجي اديها انا بعد شويه اما هسه اول مااجي تكشر (اها جيتي خلاص والله البهدله دي اخير منها القعده في البيت لشنو هسه مبهدله روحك في المواصلات وووووووووو الخ)ماعندي وش اعمل شنو !!!!!بصراحه بعد فتره حسيت انو انا مستنزفه جدا في الشغل مش بس من ناحيه ماديه بس اعتبرته الموضوع حقاره وحماقة ناس دنقلا قامت علي وقررت اقيف من الشغل ,,,,,,,,,,والله ياشباب ماقاصده اقطر ليكم القصه لكن يديني وجعتني ياااخ بتم ليكم الباقي بعدين ..............انشاالله ماتكونو زهجتو مني بس حبيت افضفض شويه!!!!!!!!!!!!

[zahrat_albnafsage]

سلامات يا زهرة
والله حننتيني عديل كده :crying::crying: ما دي المشكله زاتها انك تقري وتبققي عويناتك وفي الاخر :surrender::unsure: , طيب ماتفتشي ليك شغل تاني في شركات او جامعات ماحكومية عشان مرتباتهم شويه احسن .....

بس نصيحه يابسنت التدريس رساله سامية لكن للاسف مرتباتها معدومه عشان كده اخير ليك تفتشى علي فرصة تكون احسن ... اسئلي مجرب :361121em9:

[Se7aB]

افتش في اسمي اررررررررررر اررررررررررررررررررر ياهو ده مابصدق !!!!!!!!!!!!


ههههههههههههههههههههه
تعالى يا سجم الرماد
انتى اسمك ...ارررررخميدس

بعدين مالك شايلا هم يا بت
قرايه وقريتى
ونجاج ونجحتى
وشغل واشتغلتى

تانى فاضل شنوو
كفايه لحد كده
يا زوله ....اقول ليك ...تجى نبدى من تانى ..قرايه

بعدين والله فرحانين بى عطالتك دى
كفايه عليها تخليكى تكتبى لينا كلامك اللذيذ ده
نفرح بى فرحك ...ونشيل معاك هم مدت اليد للوالده
ونعشم معااك فى بكره
ونتمنى ليك عمل فى مجالك يسعد اهلك ويكتر مالك

[مطر الحزن]

آآآآآآآآآآآ هــــــ

من خيبة الامل

زهرة البسنت والله حالة تحنن

بس لا تنكسري ابداً انحني للعاصفة وستمر باذن الله

في انتظااااااااااار الباقي يا زهرتنا

[havith]

زهرتنا والله انتي عارفه قصتك دي كتاااااااااااااااااار عندهم نفس الفلم والسيناريو وانا اكاد عشته جزئية كبيرة من اللقطة بتاعتك دي بس حكاية التدريس في السودان دي ماجربتها لانو عارفه وجع قلب ساي المهم وصيتي ليك انو ماتفكري كتير في الموضوع ده لانو التفكير الكتير فيهو بجيب نفسيات وخلي الامور علي الله وانتي تعبتي والله مابضيع حقك ويالله قومي خلي النوم البتسوي فيهو ده وتعالي تمي لينا الباقي لانو انا دموعي واقفه في حنجرتي بس منتظر كلمة واحده من وتجي نازله في القولون بتاعي

[مطر الحزن]

مطر دى صورتك والله وجيه عديييييييييييييييييييييييل كدا.......


تصدق يا ملك دي حالتي وانا مدنقر ..
لو رفعت راسي كان حا تنبهر

[مشاعر حائرة]

تصدق يا ملك دي حالتي وانا مدنقر ..
لو رفعت راسي كان حا تنبهر

:schmoll::schmoll::schmoll:

[مشاعر حائرة]

يحليلك يا بسنت حننتيني يا بت


يلا سريع تعالي تمي القصة ان شالله باقيها يكون فيها سيرت عريس حتى لو بي شوكشتها


يلا منتظرنك ما تطولي يا عسل

[alcaptain]

الله يديك العافية يازهرتنا
الارزاق بيد الله وانتي عملتي العليك نجحتي واتفوقتي كمان
اهديك اغنية الشاعر الكبير البقول:
(الريد قسم ياعنيا)
معليش ما ياها الاغنية القاصدا بهديك:
(من الظروف ما تشيلي هم بكرة الزمن ليك يبتسم)

[مشاعر حائرة]

الكابتن عرفتك انا تصدق

مش انت كنت بتشيل ورا حوا الطقطاقة ولا انا غلطانة :unsure:

[alcaptain]

الكابتن عرفتك انا تصدق
مش انت كنت بتشيل ورا حوا الطقطاقة ولا انا غلطانة :unsure:

رهف وانا ذاتي عرفتك
لا حولا كنتي رايحة لي عديل كدا
انتي مش رهوفة صاحبة الفنانات الكبار حنان باكمبا وامل باقيرا
مبالغة لكن وانا اقول البت دي شايفا وين شايفا وين
من زمن تعليمة شهد وانا راسي ضارب:tooth:

[mlkalnil]

:schmoll::schmoll::schmoll:
وانتى مالك زعلانة:361121em9:
عشان طار منك :shifty:

[مشاعر حائرة]

اي والله من زمن التعليمة يا حليلك كبتنا يا دفعة




سببي وعرفتو على الاقل انا ركيت وطرت

وانت يا ملك النيل زعلان ليييييييييييه ؟؟

ياااااااااااحليلك لا ركيت لا طرت لا مطرت

[رؤى]

الظاهر دعوة بطوط اتقبلت بتاعت الشطه وجاني التهاب في عيني (شفته يابطوط الحصل منك)



معليش يا حبيبتي سلامتك :surrender:






واتصبري وماتشيلي هم ضاقت ولما استحكمت حلقاتها فرجت وكنت

اظنها لا تفرجوووو

[sudan daughter]

الله معاك
ومع كل العطالة الفي السودان
لكن انا قنعت خلاص الله يعوضني يوم القيامة...

[havith]

الله معاك
ومع كل العطالة الفي السودان
لكن انا قنعت خلاص الله يعوضني يوم القيامة...

هي كر علي ياsudan daughter قنعتي من شنو انتي لسه جاهله وصغيرة

[زهرة البسنت]

سلامات يا زهرة
والله حننتيني عديل كده :crying::crying: ما دي المشكله زاتها انك تقري وتبققي عويناتك وفي الاخر :surrender::unsure: , طيب ماتفتشي ليك شغل تاني في شركات او جامعات ماحكومية عشان مرتباتهم شويه احسن .....
بس نصيحه يابسنت التدريس رساله سامية لكن للاسف مرتباتها معدومه عشان كده اخير ليك تفتشى علي فرصة تكون احسن ... اسئلي مجرب :361121em9:
اولا شكرا كتير علي مرورك تانيا والله القصه ماعندها علاقه بالماديات بس بجد حسيت انو انا مستنزفه وبما انك مجربه حتكوني حاسه بالوضع الكنته فيهو يعني اديك مثال انابشهادتي بيحق لي اني اتعامل كمتعاقد مامتعاون واكيد انتي عارفه الفرق فرق السماء من الارض لكن العميد رفض ليه ؟انا ذاتي ماعارفه بس حقاره وانا مابرضي الحقاره عشان كده ؟؟؟؟؟؟؟؟؟؟؟؟؟؟

[زهرة البسنت]

هي كر علي ياsudan daughter قنعتي من شنو انتي لسه جاهله وصغيرة
قصدك شنو يعني نحن الكبار:red_smile: طببببببببببببببي ياحفيظ خصيم خصيم عشان كده انا ماكنت دايره احكي:red_smile::red_smile::spank:

[havith]

اولا شكرا كتير علي مرورك تانيا والله القصه ماعندها علاقه بالماديات بس بجد حسيت انو انا مستنزفه وبما انك مجربه حتكوني حاسه بالوضع الكنته فيهو يعني اديك مثال انابشهادتي بيحق لي اني اتعامل كمتعاقد مامتعاون واكيد انتي عارفه الفرق فرق السماء من الارض لكن العميد رفض ليه ؟انا ذاتي ماعارفه بس حقاره وانا مابرضي الحقاره عشان كده ؟؟؟؟؟؟؟؟؟؟؟؟؟؟

طيب ده كلو عرفناها اها الحصل شنو جاك عريس وله طلقو مرة جيرانكم واله فتحتي ليك مركز اتصالات وقعدتي

[زهرة البسنت]

[QUOTE=Se7aB;198793][COLOR="Blue"][SIZE="4"]ههههههههههههههههههههه
تعالى يا سجم الرماد
انتى اسمك ...ارررررخميدس
اهااااااااااااااااااااااااااااااا ده الانا كنت خايفه منو سحاب عرف اسمي الحقيقي من وين:icon_lol::icon_lol:

[havith]

قصدك شنو يعني نحن الكبار:red_smile: طببببببببببببببي ياحفيظ خصيم خصيم عشان كده انا ماكنت دايره احكي:red_smile::red_smile::spank:

هي لكن مادي الحقيقة يابسنت انتي بالميت كده 30 سنه وبعدين حكاية خصيم خصيم دي مامعانا نحنه زعلك مابنرضاه اها هاك الحلاوة دي ويالله تعالي كملي واله القصة انتهت علي كده خلاص

[زهرة البسنت]

30 سنه سجن في كوبر القصه دي كلها ماليها اكتر من سنه واقول ليك شي ماحتمها الليله عشان كلامك ده

[sudan daughter]

هي كر علي ياsudan daughter قنعتي من شنو انتي لسه جاهله وصغيرة
كلامك صاح والله يا havith من ناحية صغيره صغيرة كلها كم واربعين سنة بس انا ما قنعت عشان كبرت لكن قنعت عشان ما عندي فيتامين( واو )شديد...
فهمتوني..


يلا يا زهورة يا عسل تمي لينا القصة منتظرنك

[كورتينا]

يازهرة البسنت ماعليكي من كلام حفيظ تعالي تمي لينا القصه

والله جنس معاناه!!!!!!!!!

[havith]

30 سنه سجن في كوبر القصه دي كلها ماليها اكتر من سنه واقول ليك شي ماحتمها الليله عشان كلامك ده

هي انتي زعلتي يابنت عارف انا صغرتك شديد وانتي مابترضي واحد ينقص ليك في عمرك
وبعدين تعالي هنا انتي قايلاني ماعارف تاريخك انتي نسوان الحلة كلهم بتكلموا بيك عليك الله انتي سنه رابعه ابتدائي ماخده فيها كم سنه بي امانه كده والعجب لمه جيتي تدخلي للثانوية الفترة العديتها في الثانوية دفعتك الحقيقيين حضروا الدكتوراة ( عاملة لي فيها الثانية والشطارة كاتلاك عشان انا سكته من البداية قلته كدي النشوف الكضب ده حدو وين ) المهم تعالي واصلي كضبتك دي واله اقول ليك ماخلاص انا كشفته حقيقتك قدام الجميع

[sudan daughter]

شنو يا زهرة ياخي شحتفتي روحنا
حقك علي انا ... وبعدين ما تتعقدي من الموضوع دة البنات هنا كلهم فوق التلاتين ما تسمعي حكاية ممتحنات دي زوغة ساي.
















يا بت نحنا بنهظر معاك ساي مافي زول هنا مغالطك في عمرك بس انتي تعالي تمي لينا الباقي ..
ولا ناس شمارات ديل عادوكي خلاص وبقيتي زيهم بتحكي بالقطارة
اوعك الكلام دة ما بينفع معانا...:spank: :spank:

[كورتينا]

زهرة البسنت اتخطفت يارجاله

[havith]

ياناس الحلة هوووووووووووووووي الحقوا زهرة اتخطفت الحقوا نرجعه

واله اقول ليكم خلي يسوقوها زاتو ابت تجي تتم القصة