يا قلبي انسي

[الحسن الصديق احمد]

كانت غلطتك يا قلبي يوم
رميتني في درب الأحزان
عشقت زول قاسي
ورحل خلاك حيران
شفت إبتسامتو و قلت خلاص
هو الملاذ هو الأمان
أصلك كنت مخدوع
مِنّو ما لقيت غير الحرمان
وأسي راجع لي بتبكي ؟؟؟
ليه بتبكي ليه ترضي الهوان ؟؟
يا قلبي أنسي النساك
وخليك للصمود عنوان
مادام هو البداك بالظلم
ليه إنت علي الفرقة ندمان
أنساهو ما دام إختار كدة
وباعك يا قلبي بالمجان
بكرة تلقي الزول البعزك
يسقيك من نبع الحنان
إنت يا قلبي أخضر
ولسة ليك في الوجود مكان
ليه بتستسلم للأهة ؟؟؟
وليه بتقضي العمر حيران
بكرة السعادة تفتح ليك باب
تستقبلك فيهو بالأحضان
وكتين تلقي الزول البعزك
يشيلك إنت في الأجفان

[جريحة الحب]

تسلم إيدك يا الغالي وربنا ما يحرمنا منك ومن كتاباتك بس ليييييييييييييه انت دايما حزين في كتاباتك وبحس منها إنك ما مبسوط في حياتك ويا زول أنسى وما تشيل هم الدنيا كله في راسك وشجع قلبك على إنو ينسى وزي ما إنت كاتب (( يا قلبي أنسى )) وحتلقى اللي تستاهلك وتحبها وتحبك من غير آلام وجراح وإنشاءالله موفق بإذن الله وإلى الأمام دائما ...

ولنا عودة إنشاءالله

[الحسن الصديق احمد]

والله يا جريحه انا مبسوط بي وجودكم حوالي وبي معرفتي بيكم كمان بس الحاجات دي بحب الناس تتطلع عليها
لانو في الدنيا دي في ناس كتااار متازمين وده تشجيع ليهم عشان يكونو بخير لانهم ما بيكونو زيي لانو انا الحمد لله ربنا حباني بيكم ومااا داير اكتر من كده .وتسلمي شدييييد وربنا يحفظك

[بسمة حب]

والله لو قلت رائع اكون قصرت

اكتر من رااااااااااائعة

تسلم يداك

وقصيدة والله تمس القلب من جوة

دمت يالعافية