ميمى
11-03-2007, 12:19 PM
رزاز اللهفة
بستناك في صدر الغيمة
وبطلع من أنفاسي واجيك
حاضن بيك الدهشة وعابر
بحر الروعة الساكن فيك
نكهة شوق رويانة تعطر
درب الأمل الراجي مجيك
ونور الدنيا العاري سماهو
بغطي مداهو وما بكفيك
كيف اتلون صبري العاشقك
وكيف احساسي دهور بمشيك
وكيف خيل نبضو صهيلها مشاعر
وقلب الشاعر روح تفديك..
***
لو طيف فجرك يرجع يجدد
درب اللقيا محيط أشواق مترامي عنيف..
لو بس وعدك يغمر صدرو
رذاذ اللهفة الزاهي خريف
يكبر فينا الزمن الشايل
شوق الدنيا ربيع ومصيف
شوف الأرض عشانك انت تبدل لونها
وتمشي تغير خط دورانها
وشوفي الشمس بتعصر ليك
في هيام وجدانها
وكل نجوم الدنيا تقيف..
تكتب ليك في بيان عصيانها
بحبر هواك وبدمع شفيف
والبحر الحالم يولع لهفة
حريق احساسو الوجعو نزيف..
****
يا أجمل همسة سقت من نورها
حواري الضي آمال ونضار
يا غنية عشق زمانو بيطلع
من شتلات الريدة منار
الليل الساكن في أركان الحضرة
بهيم في مدحك ويرسم حرفك لوحة نار
والدنيا تشاهد عزة صحوك
وساحة بهوك جيش أسرار
معذور القمر التاه في زهوك
ومن فيض ولهو البيك محتار
عصفور الهم في خدو سحابة
ودمعة بتمسح فصل عذابها
وترسم ليل الوحدة نهار
فيك الموج لو يحضن شطو
البحر يتدفق شوق جرار
لي أجمل نجمة رقيقة وحالمة
ونسمة تولع فيهو شرار
بستناك في صدر الغيمة
وبطلع من أنفاسي واجيك
حاضن بيك الدهشة وعابر
بحر الروعة الساكن فيك
نكهة شوق رويانة تعطر
درب الأمل الراجي مجيك
ونور الدنيا العاري سماهو
بغطي مداهو وما بكفيك
كيف اتلون صبري العاشقك
وكيف احساسي دهور بمشيك
وكيف خيل نبضو صهيلها مشاعر
وقلب الشاعر روح تفديك..
***
لو طيف فجرك يرجع يجدد
درب اللقيا محيط أشواق مترامي عنيف..
لو بس وعدك يغمر صدرو
رذاذ اللهفة الزاهي خريف
يكبر فينا الزمن الشايل
شوق الدنيا ربيع ومصيف
شوف الأرض عشانك انت تبدل لونها
وتمشي تغير خط دورانها
وشوفي الشمس بتعصر ليك
في هيام وجدانها
وكل نجوم الدنيا تقيف..
تكتب ليك في بيان عصيانها
بحبر هواك وبدمع شفيف
والبحر الحالم يولع لهفة
حريق احساسو الوجعو نزيف..
****
يا أجمل همسة سقت من نورها
حواري الضي آمال ونضار
يا غنية عشق زمانو بيطلع
من شتلات الريدة منار
الليل الساكن في أركان الحضرة
بهيم في مدحك ويرسم حرفك لوحة نار
والدنيا تشاهد عزة صحوك
وساحة بهوك جيش أسرار
معذور القمر التاه في زهوك
ومن فيض ولهو البيك محتار
عصفور الهم في خدو سحابة
ودمعة بتمسح فصل عذابها
وترسم ليل الوحدة نهار
فيك الموج لو يحضن شطو
البحر يتدفق شوق جرار
لي أجمل نجمة رقيقة وحالمة
ونسمة تولع فيهو شرار