عاوزه ايه (ممكن نقول دايره شنو)

[الحسن الصديق احمد]

قولى لى أيه عاوزه تانى بعد ما خليت طريقك

الفراق البينا حاصل كلوا كان بى فعل إيدك

خنتى بعتيها المحبة جرحتى قلبى الكان بريدك


جايه ليه عاوزه أيه

كنت مخدوع فى هواك كنت عايش فى وهم

عشت بى ريدك سنين مالقيت غير الالم

جايه تجرحى قلبى تانى بعد ما جرحو التأم



جايه ليه عاوزه أيه

تانى ما بنرجع نعاود قصة الريدالقديمة

ما بنرجع للماســــى للعــذابات الأليـمـة

كنت دائماًًً ليك أسامح وإنتى تقسى على ديمة



جايه ليه عاوزه أيه

بعد ما ضليتى تهتى جيتى تبحثى عن رجوعك

مابفيد تانى النـدم ما بتفيــد قطــرات دمــوعك

ما بتخدعى قلبى تانى بى بكاك وبى خضـوعك


جايه ليه عاوزه أيه

شوفى إنسان غيرى تانى تخدعيهو عليهو تقسى

القلب فارق هـواك وفى طريقـك ما بيمشـــــى

أنسى إنى فى يوم هويتك أنسى ريدى ولى أنسى

[profzoal]

ليه.......... كدا يا الحسن يا ود الصديق

لا بتزعل لا بتشيل ضغينة لاقلبك بضيق

انت الصباح سمح الكلام الحنين يا رقيق

يا اصل ام الحسن ياسيد الجمال يا انيق

انت الاهل انت الامل.. يا للاخوان رفيق

ونبع المحبة........ يا اخى غير شقيق

انت........... المسامح يا للورود عبيق

قلبك كبير...... وفى المساحات عميق

تقدر تسامح.. لو القلوب القاسية تفيق

تقلع الاحباب من عمق الوادى السحيق

تنشر....... المحبة والامل متل العقيق

[isamosher]

دعوتك ودعوات جميع اعضاء المنتدي
لوالدة نو ر الاسلام التي توفيت الى رحمة مولاها

اللهم ياحنان يامنان ياواسع الغفران اغفر لها وارحمها وعافها واعف عنها
واكرم نزلها ووسع مدخلها .. واغسلها بالماء والثلج والبرد
ونقها من الذنوب والخطايا كما ينقى الثوب الابيض من الدنس
اللهم انزلها منازل الصديقين والشهداء والصالحين وحسن اولئك رفيقا
اللهم اجعل قبرها روضة من رياض الجنه ولا تجعلها حفرة من حفر النار
إنا لله وإنا إليه راجعون

[الحسن الصديق احمد]

نسال لها الرحمه وان يتقبلها الله مع الشهداء والصديقين وان ينور قبرها بالايمان

[ملاذ]

الصديق كلامك صادق
بس الاحلي انك تنسى الالم
واكيد الجاي احلى

[محمد فضل]

جايه ليه عاوزه أيه
شوفى إنسان غيرى تانى تخدعيهو عليهو تقسى
القلب فارق هـواك وفى طريقـك ما بيمشـــــى
أنسى إنى فى يوم هويتك أنسى ريدى ولى أنسى

روحي روحي ياخدوعه...
والطريق الجابك إنتي ألف واحده... سواك يجيبها..
القلب مجروح بقدرك.. بس دواه حتكون حبيبه..
حبيبه تمسح لي دموعه...
حبيبه تفرح بي رجوعه..
حبيبه توقف جمب حبيبا..
في الظروف العصيبه..

الحسن أخوي..وصف جميل للحقيقه،، وكلماتك هيجتني وأثارت خواطري..مشكور علي القصيده..

[احساس رسام]

الفراق صعب والدنيا ما بتقيف عند احد

اللهم ارحمنا برحمتك

[بسمة حب]

ابداااااااااااااااع يالحسن

وكلماتك جمييييييييييييييلة

والاجمل احساسك الصادق

تسلم يدااااااااك

ودمت دوما

تقبل مروري











دعوتك ودعوات جميع اعضاء المنتدي
لوالدة نو ر الاسلام التي توفيت الى رحمة مولاها

اللهم ياحنان يامنان ياواسع الغفران اغفر لها وارحمها وعافها واعف عنها
واكرم نزلها ووسع مدخلها .. واغسلها بالماء والثلج والبرد
ونقها من الذنوب والخطايا كما ينقى الثوب الابيض من الدنس
اللهم انزلها منازل الصديقين والشهداء والصالحين وحسن اولئك رفيقا
اللهم اجعل قبرها روضة من رياض الجنه ولا تجعلها حفرة من حفر النار
إنا لله وإنا إليه راجعون

اللهم امييييييييييييييييين