( هداياك )

[ظبياني]

تعال خذ مني هداياك
وباقي الصور وأغلى المكاتيب
ماعاد تنفعني بليّاك
وجودهن عندي تعذّيب
يكفيني اتسلى بذكراك
دامك نويت اتصد و تغيب
و اوعدك طول العمر مانساك
حتى ولو حطمني الشيب
ما ينذكر طيبك و حسناك
وانا اجازي الطيب بالطيب
لولاك ما حبيت لولاك
ولا عشت في دنيا المحابيب
شفت الهنا و الطيب وياك
بإحساس و اقوال واساليب
الله يسمّح لك نواياك
و يحفظك من كل العذاريب
أوادعك و اتأمل رضاك
محد حبيبي يعلم الغيب
و إن مت اذركني بدعواك
شوف الصور و اغلى المكاتيب


منقول

[احساس رسام]

يديك العافيه

اتمنى مراعاة اللهجه

تقبل مروري

[ظبياني]

هلا عزيزي احساس رسام

ماذا تقصد بمراعاة اللهجة ....... لأني مافهمتك !!!!

[ليتيسيـــا]

الغنية دي جميلة والله

و هي اداء فاطمة زهرة العين و الغنية دي اشتهرت شديييد اول ما نزلت

يديك العافية يا ظبياني و زوق حلو

[ظبياني]

هلا لولا ....... بالفعل اغنية جميلة جدا والكلمات أحلى