غالي..وغالي..

[محمد فضل]

الغالي زي قمرا يضوي العتمه
بي نوره ويكشف لينا كل مستور
وزي كوكب في سماهو بعد
والافلاك حوله تدور
وكل عاشقا صبح قاصده
وفي دربه ياما نجول
و زي درا سكن قاعه
وكل الناس تقوص لو بحور
نفتش عنك ونسأل
في كل بلدا عشمنا نطول
وتايهين في هواك سنين
ولاك سامعنا مهما نقول
وتعرض عننا وتبعد
تذيد الهم عشمنا سرور
نحاول نحنا نقرب ليك
نلقا الخطوه تاني تطول
ليه تتعب قلوبنا معاك
وليه دايما تذيد في نفور
دا كله عشان سواد عينيك
ياريتنا نحنا نلقي قبول
بنتغرب عشان نرضيك
ونقطع وادي فيه سهول
وكم قلبا صبح ولعان
وكم كم بي هواك مكتول
الغالي زي مطرا هجر ذرعه
متين سحبك تجينا هطول
وتروينا بعد ظمئا
ويثمر قصننا المذبول
نواري حذننا الاول
ونذرع لي ارضنا البور
ونجني ثماره من اول
ونقطف ذهره البكور
تداوي كل آهآتنا
تقوينا علي المجهول
ما أصلك انت لينا مني
نفارقك نحنا مامعقول
نصارحك انت بالفينا
تبادلنا حنان وذهور
نعيش العمر نتهنا
ونعيد ذمننا صبح مذكور
لانك في دلالك غير
بتشبه لي بنات الحور
محمد فضل

[ظبياني]

هكذا الدنيا تدور ...

رائع يا فضل .. الى الأمام دائما و شكرا على هذه الدرر الجميلة

[بسمة حب]

جميلة جدااااااااا ياغالي

وتسلم يداك على الكلمات دي

وامطرنا بكلماتك دايما

تقبل مروري

[ملاذ]

انشاالله تلقى قبول

وكلماتك جد رائعة

[سيدة الاقمار]

كما عهدتك بكلماتك و قلمك المتميز دائما لك التحية و الى الامام

[العاصفة]

كلمات جميلة ورائعة,

رقيقة الأحساس ,

لقد كتبتَ فأبدعتَ ,

أهنئكَ على إحساسك المرهف,

وذوقكَ الرفيع ,

سلمت يمناك

وتقبل تحيتي القلبية

[محمد فضل]

احبتي...

ظبياني..
funny brown
ملاذ..
سيده الاقمار..
العاصفه..
سعدت جدا بمروركم الباهي...ولانعدمكم..يارب،،،

[سوداني جدا]

لا استغرب جمال تعبيرك

ولا استغرب دسامة المحتوى

فلطالما كنت للابداع عنوان .. وللتميز مأوى ومكان

اشكرك اخى محمد فضل واتمنى ان لا تبخل علينا بالمزيد

ودمت بود

[محمد فضل]

لا استغرب جمال تعبيرك
ولا استغرب دسامة المحتوى
فلطالما كنت للابداع عنوان .. وللتميز مأوى ومكان
اشكرك اخى محمد فضل واتمنى ان لا تبخل علينا بالمزيد
ودمت بود
دائما ماتخجل تواضعي..ياسوداني بغذير ثنائك..
فدم بيننا..وتشكر علي كلماتك المحفذه.. وجميل مرورك..