بناوي1
11-14-2007, 01:48 PM
صدقوني دائرة حياتي أنا مغلقة وتلقى البؤرة فيها إتنين والقُطر فيها ما بتكفي نصها والضلع تلقاه ديمة أعوج لا سين ولا صاد ما بيجمعا والخط فيه ما بتستقيم لأنو من أول يوم الحظ معاي عامل كدة والزواية حادة بتطعنك في مقتل هواك من غير درجة محددة يا هوي يوم قابلك مضلعات ذي كدة والقائمة فيها أصلاً مهدمة من يوم هد حيلي الجري في مسارك والإنفراج أصلاً في زوايا عمري أنا معدمة والآلام في كل ركن متربعة ودة من يوم عرفتك تصدقي . يا ريت والله لو كان سداسي كان نقّط في دنياي عسل بس وحاتك ما شايف زاوية أو ركن فيه آخد أنفاسي وإبتديء . والمجهول صراحة فيه كثير نظرية فيثاغورس لا يحل ولا يربطا ما أصلو مشاكل القلب ما بقبل طرح وأصلوا الهموم فيني متكالبة أطرح شنو وأخلي شنو . ولا الجمع بنفع وتلقي اللي فيني كثير زيادة تاني أنا ما بقدر بستحملو والضرب قبل الفعل تلقاه ممنوع هناك والقسمة آآآآآآه من القسمة خليها بعيد لأنك بتلقى أقل أجراء فيها انفصام شخصية وتبخر سحب آمال . وكل النتائج قبل التفاضل والتكامل تلقاه خطأ والكسور بالجد غريبة لا تلقى الربع والنص أساساً ما شفتها والحيز مليان كتل كتل أحجامه غير متناسقة لا تتوازي فيه خطوط شقاء وسعادة ولا نقاط تماس في قانونه مدرجة وأقرب نقطتين فيه ما بتتوصل لا بالرحم لا بالمعرفة:slap: والإرتفاع صفر والعرض فيه مقروض عديل والطول مسافة أقصر من أخلاقي ومدى آمالي أطول منها بعد ده كلوا الشكل ما بتلقاه مستطيل حتى لو كان فيه أربع أضلاع ومهما عملت تلاتة أضلاع ما بتّكون ليك مثلث ولا حتى برمودا والمشكلة إني ما قدرت أرسم الكروكي لا بالقلم لا بالخيال قادر أن أوصفا والشكل الهلامي عليه أن بفضلا يعني بالحساب كدة الوضع ما بتنجبر لا تقول تقريباً لأنه ما فيه خانات عشان تقربا وباقي المشكلة بعد تحلو الواجب اللي قدامكم وأنا أقدر ألم شتاتي من تاني وأرجع لكم .
ولكم محبتي
ولكم محبتي