بشتنه وغسيل عده والماشرامى ما يجينا.. [الأرشيف]

عرض كامل الموضوع : بشتنه وغسيل عده والماشرامى ما يجينا..

XMEN

01-09-2008, 06:39 AM

تخيلوا البنات هم اللي يخطبوا الاولاد

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
الا و امك داخلة عليك و تقولك: يا ولدي عايزة اكلمك في موضوع. .
ترد انت بكل خوف : خير يا ماما ؟ ....
تقول امك: جارتنا عايزة تخطبك لبنتها. وانت ماشالله كبرت و احلويت اها ايه رايك؟ ....
تـقوم تنزل راسك في الارض و تلعب باصبعك في شعرك (او شنبك)و ترد و انت مكـسوف و خدودك حمر و تقول: الراي رايك والشورة شورتك ياماما..
تقول امك: انا بصراحة ما شايفة في البنت شي يـعـيبة. .
ماشالله عليها محترمة و شغـالة راتبها ممتاز و من عايلة محترمة و من البيت للمسجد و من المسجد للبيت ..ما تشرب ولاتدخن يعني بنت ناس وحـسب و نـسب . .
تقول انت : بس ياماما هي ما شافتني ولا انا شـفـتها..
تقول امك: هي شافتك و انت نازل من البـيت و عجـبتـها ...
بس ..و سألت عنك و قالو لها ولد مافي زيو اخـلاق, و مال ..
وبالمـناسـبة هي و امها جايين يوم الخميس علشان يشوفوك..
تسال انت: طيب يا ماما ابوي رايه شنو؟
تقول امك: ابوك ما عارف حاجة لـسا خليه حايس في المطبخ الله يعينه..
تقول انت :اذن اللي تشوفينه ياماما. .وتطلع امك من الغـرفة وهي فرحـانة و بـتزغرت ..
وتنط انت قدام المراية وتشوف جسمك و تمشط شعرك و شنبك بدلع و تسوي الـنيـفيا و تكـوب الكلونـيا ..

و تقول : اه اخيرا اتخطبتا..
و قبل يوم الخميس تمشي انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر منور .. وتجي البيت و تلبس تتـعطر ..
يـقوم النـاس تجـي و الـصالون زحـمة ..
يناديك ابوك: يالله دخل العصير على خطيبتك, امـك بـتقول انك خـجلان ..
انت بكل خجل: لا لا يا بابا بـس خايـف ..

ابوك يخـت يدوا على كتفك و يضحك ويـقول : يا ولد روح لعروسك اقـعـد جـنبها ..
تقول انت: يا باب دايما تحرجني انت ..
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم اس اس السسسلام عليكم..
ترد هي :و عليكم السلام ( و هي تـعايـن فيك و في كل قطعة منك) ...
و تقولها تفضلي....
تقول هي:شنو الاحلى العصير الاحمر و لا الاصفر؟ طـبـعا بـتحاول تلطف الجو معاك <...و تتلصق. ..
تقول انت: كله حلو
تقول هي: اكيد كله حلو لانك انت اللي مسويه ..

ثم تخت الصينية بسرعة و يدك على خـشمك و تضحك و تروح داخل بسرعة
جري جوى
و اخوانك يستنوك و يقولو: اها شكلها كـيف ..

تقول انت: واي تهبل حلوة و دمها خفيف و ذوق اهههههااي
وفجـاء تـسمع الزغاريت من جوى وصـوت ابوك و امك : مــــبروك مبروك يا ولدي
ايييويويويويوييييي اييويويويوييييي

تجـيك اختك العربجية من بره و تقول : خير قي شـنو !!
يقوله ابوك : وطي صوتك, في وحده جات خطبت اخوك ..
تقول اختك: وهي وين ومنوو شافت اخوي كيـف؟؟؟؟
تجي امك و تسطير على اختك وتـقول : شدي حـيلك و اعمـلي قروش اشان نخـطب ليـكي اخوها ..
و تمر الايام و انت تجهز هدوم العرس و بيت الزوجية و خلال الفترة دي تجـيك خطـيتك بالعربية تتمشو و تحاول انها تمسك ايدك و انت خـجلان..
و تحاول تبوسك و انت تقول: لا لا عيب ممكـن زول يـشوفـنا..
تـقول ليك: ما يهـمك عادي مافي زول حواليـنا ..

كـملوا القـصة انتوا ..................
بـس تـخـيلوا يـعـني .. منـظر الشباب بيكون كيف .. http://www.sudastar.com/vb/images/smilies/biggrin.gif

http://www.sudastar.com/vb/images/smilies/eek.gif http://www.sudastar.com/vb/images/smilies/eek.gif http://www.sudastar.com/vb/images/smilies/eek.gif http://www.sudastar.com/vb/images/smilies/eek.gif http://www.sudastar.com/vb/images/smilies/eek.gif

XMEN

01-09-2008, 10:41 AM

تقول البت لامها انا عاجبني الولد ده ارح نمشي نخطبو لاني عارفة فلانة خاتة عينا عليه و خايفاها تخطبو قبلي
تقوم ماما تضحك وتقول ليك كبرتى ياحشاى اها
دا ود ناس منو وانتى قولى ليها ياماما دا ود خاتو
تن تن ومايسه بت ناس فله راميه عينا عليهو
ماما تقوليك كان كدى اسمها فوقو قسمت بالله تانى
فى الشارع ماتشوفو وتقل لى باباك ادينى مفتاح العربه
النمش نخطب ميدو لى لبتنا اسى إقوليها خلى العصر
ادخل تقول ليهو لا اسدى والبت قاعد تنطط فى غرفتهhttp://sudastar.com/vb/images/smilies/biggrin.gif
ولنا عوده

XMEN

01-09-2008, 11:37 AM

يابتى تعالى عندى ليك موضوع
اسمعى دايرا اخطب ليك مجدى ود
فاطمه اها رايك شنو ـ لكن يا امى
مجدى ماعاجبنى انا خاته عينى على
خالد ود خالتو سعديه ـ اتى بت مانصيحه
خالد شنو كمان ماعند قروش وقدر ماهيتو
انا دايرا ليك مجدى يابتى لانو عندو بيت
وعربيه ومرتاح وكما ابوهو قرب اتلحس
وعندو املاك كتيره كلها بورثه انتى دايرا
واحده غيرك تتمع بالخيرات دى فكرى فى
الموضوع دا كويس يابتى http://sudastar.com/vb/images/smilies/wink.gif
والبقيه تاتى ولنا عوده

محمد فضل

01-09-2008, 11:38 AM

ههههههههههي...سطله شديده...وعصيده مديده...
اها قاعدين يتمشوا كدا ...وهي تتأبط ذراعه...وهو جسمه كاشي كانه ضارباه كهربه...تقول ليو مالك انتا.. بي خجل كدا يرد عليها ..لا بس انا ماقدر الشدايد دي...عايني الناس تقول علينا شنو...:red_smile:
تقوم تتجارأ كده..وتلعب بي شنبو...وتربت خصل شعره..وفجأه كده تفاجئه بي بوسه خطافي....في الوكت داك الود وقع واغمي عليه وبقي موصه...:tooth:

XMEN

01-09-2008, 11:43 AM

المره اتخيل يا محمد
تمشى تجيب الخدار واللحمة ... وتدفع قروش الكهرباء والمويه .. وفواتير التلفونات .. وتسوق العربية .. وتودى الهدوم المكوجى .. وتمشى المقابر .. وتدفع فى كشف المناسبات .. والعصر تخت كرسيها فى الشارع .. وتشرب شاى العصر برا .. وتشرب شيشه .. ووو الخ

هيثم

01-09-2008, 12:20 PM

المسالة مشاة شوية شوية وبالتدريج ...

البنات لبسوا التشيرتات بتاعتنا ... ما قلنا حاجة

تاني قبلوا علي القمصان بتاعتنا ... برضو ما قلنا حاجة ...

بناطلين الجينز ... وقلنا ما مشكلة ...

اتطوروا شوية بقوا يلبسوا بناطلين القماش ... قلنا خير نمشيها ...

نطوا علي الجزم الاسبورت ... قلنا عادي

قبلوا علي جزم الجلد بتاعتنا وقلنا ما مشكلة ...

ساقوا العجلات ... خليناها ليهم ... وقلنا نعديها ليهم ..

قبلوا علي العربات .. قلنا خير ...

شربوا الشيشة والسيجائر ... منهم جزء شرب حاجات تانية ... قلنا ما مشكلة ...

اها باقي حاجة واحدة بس ... يجوا يخطبونا عديبل ويعرسونا ... والزمن ده قرييييب ..

ما بعيد ... يجوا يخطبوك ويعرسوك وانت معزز مكرم قاعد في البيت ... :icon_lol: :icon_lol:

ياجماعة الحجر ده جاء من وين .. ما تفلقوا ياخ .. براحة ..

ملاذ

01-09-2008, 12:34 PM

وووووووووووووووووووووووووووو
مباالغة تحفة
وووووووووووووووووووووووووو
والمطبخ عليك مواااااااااااااااااافقين

XMEN

01-09-2008, 12:48 PM

والله يا هيثم كلامك صاح
اسع ده الفضل ليهن ما خلن شى ما حشرن نخرتن فيه ونواصل فى قصتنا
وبعد العرس باربعه شهور ماعارف من البكون حامل لكن علي حال بطنك طامة عندك شحتافه وخمة نفس وريحة البصل بتهيج عليك المصران والمدام حتجيب ليك شغال في البيت ود كدا باير وشعرو منكش وفقير
طبعا الود الشغال دا انت ماعايزو لانو جنو زوغات ونهارو كلو راسو في الثلاجة بسفسف وتقرر تشتكيه للمدام ولمن تجي تقول ليها
اسمعي ياروحي الولد الشغال دا مابنفع معاي
المدام ـ مالو ماولد نضيف وكويس
انت ـ لا لا ماعايزو برستيجو واطي شديد
المدام - اسمع انا دلعك دا ما بنفع معاي ودا الشغال العشرين انا اغيرو ليك
انت ـ طيب يا انا يا هو في البيت دا
المدام ـ في ستين
تقوم انت وتمشي بيت امك ودمعتك علي وجهك وتشوفك امك وتضرب صدرها بيدها وتقول سجمي طلقوك وجابوك بخبيزك

محمد فضل

01-09-2008, 01:46 PM

XMEN

01-09-2008, 01:56 PM

ويجى ابوك العصر من الشغل وشايل البتيخه الكبيره .. ويخش البرنده ويلقاك وشك مكفرن وينعل قفاو ..
ابوك : مالك .. اكيد شاكلتك ..
انت : والله يا ابوى البت ما بقدر اعيش معاها بعد كده ..
ابوك : يا ود قول بسم الله .. عادى انا زاتى ياما .. شاكلونى .. ونهرونى .. ووصلت لحدى الضرب .. بس كمان انعل الشيطان .. ما هى كمان مرتك وهى العرستك .. انت نسيت ولا شنو ؟؟
انت : ما نسيت يا ابوى .. لكن والله ما قادر اتحمل اكتر من كده .. اهى اهى اهى
ابوك : ما تبكى يا حبيبى .. كدى انا اقوم اقطع البتيخة السمحه دى .. واخت ليكم الغدا .. وبعد اغسل العده عندى معاك كلام كتير ..
انت : سمح يا ابوى .. كدى اخش معاك المطبخ .. اساعدك لانو امى فى عامله كريم فى وشها .. ويديها فى منكير ..

محمد فضل

01-09-2008, 02:24 PM

:tooth:دخلت المطبخ...وامك معنقله كرعينا في العنقريب....
تقول لابوك..تعال ارفع لي رجلي دي فوق البنبر دا وما تخرب الحنه..واربط كيس النايلن دا عشان النشادر تشيل...وهبهب لي شويه الكهربه قاطعه..كدي جيب لي مويه اسقيني..ما ايده عامله زي البنيه...وهو مشغول معاها ..يقوم جاري...الحق الحله حرقت..تدخل ست النفر جارتكم ..ابوك يضاير..وامك تنده عليه..جيب الكانون..سوي لينا جبنه..التلفون يضرب..وانت تقوم جاري..ياربي ارفع ولا ما ارفع..ممكن تكون هي..والله ما ارد احسن اتغلي شويه وابقي تقيل ..عشان تعرف معذتي وغلاوتي قدر شنو..انا لا باير..وكل البنات يتمنوني..وتمشي تعاين في المرايه عشان تتاكد من شنبك..:tooth:

XMEN

01-09-2008, 03:19 PM

هههههههههههههههههههههه
وتقوم تطلع هى وتقول لابوبك ممكن اكلمه وتجى انت وقدام امك خدودك يقلبو احمر واصفر ذى اشاره المرور العطلانه وومندقر وراسك للارض وخجلااااااان وتقول الو هى تقول ليك اذيك يا حياتى مشتاقه ليه تسكت مسااااااااااافه وامك تحدر ليك وانت تخجل اكتر وتقوم هى تقولل يك اسمع انا عارف انو صعب تتكلم معاى على راحتك اسع رايك شنو بالليل قبل ما تنوم تعمل لى مسكول وانا بتصل عليك وانت من خجلك تقول حاضر وتقعد تقول واله الحمد لله انا كويس عشان مافى زول يفهم وترجع للمطبخ فرحاااااااااان مستنى متييييييييين الليل يجى هههههههههههههه

هديل

01-09-2008, 05:05 PM

لكن بس
في حاجات لازمتعيشوها
غسيل العده ومضايرة البيت
ومسك الشفع وتجهيز الغدا
وتغير البامبرز
وملي البزازه ولبس
التووووووووووووووووووب

ريل

01-09-2008, 05:06 PM

الله اجازي محنك يا اكس الله حيرتنا عديل كدا
عاد دا زمن السواد والرماد كان جاء
الحمد الله العرسونا ما حانعرس

ود الغربه

01-09-2008, 05:40 PM

ويوه بابببببببببببببببببببببببببببببببببببببببببببببببب بببببببببببببا
بغسل العداء وماماما قاعده تضرب فى المنكير

bit alsudan

01-09-2008, 05:42 PM

ود الغربه قالو طالبنى قروش

mlkalnil

01-09-2008, 07:04 PM

هههههههههههههههههههههههه.....والله اكتر خمسة حاجات عجبتنى فى قصتك دى تلاتة ..السيسى ويا ماما ..
السيسى ودينى وايمانى ما سمعتا بيو الاعندك ..وبعدين اذا اتخيلتا انو فى واحدة خطبتنى اصلو ما بتخيل اقول لى امى يا ماما ...هههههههههه وا فضيحتك يا ملك التيييييين ....

ريل

01-09-2008, 07:30 PM

ملك السجم قلت لي ماما مره واحده كدا
ماما زمنها جايه جايه بعد شويه
ههههههههههههه

mlkalnil

01-09-2008, 07:40 PM

يابت يا رييييل وانتى من بنات لندن ارض الضباب والحضارة ما تورى اخوكى المتأخر السيسى معناها شنو ..هسع يرضبكى امشى فى الشارع بدون ما اعرف السيسى شنو يمكن يطلع حاجة مهمة ..

ريل

01-09-2008, 07:53 PM

بري مابعرفوا السيسي دا
اكون الفار
ولا اقول ليك اكون الحقنه

بوليا

01-10-2008, 08:57 AM

هوي منو الحتجي تعرسني ما ياها الفضلتليكم

XMEN

01-10-2008, 09:32 AM

هو بقت على العرس بس نتم الباقى
ويجى ابوك العصر من الشغل وشايل البتيخه الكبيره .. ويخش البرنده ويلقاك وشك مكفرن وينعل قفاو ..
ابوك : مالك .. اكيد شاكلتك ..
انت : والله يا ابوى البت ما بقدر اعيش معاها بعد كده ..
ابوك : يا ود قول بسم الله .. عادى انا زاتى ياما .. شاكلونى .. ونهرونى .. ووصلت لحدى الضرب .. بس كمان انعل الشيطان .. ما هى كمان مرتك وهى العرستك .. انت نسيت ولا شنو ؟؟
انت : ما نسيت يا ابوى .. لكن والله ما قادر اتحمل اكتر من كده .. اهى اهى اهى
ابوك : ما تبكى يا حبيبى .. كدى انا اقوم اقطع البتيخة السمحه دى .. واخت ليكم الغدا .. وبعد اغسل العده عندى معاك كلام كتير ..
انت : سمح يا ابوى .. كدى اخش معاك المطبخ .. اساعدك لانو امى فى عامله كريم فى وشها .. ويديها فى منكير ..

وبعد الغداء واثناء اكل البطيخة تقول الام لابوك
شفته الولد طلع رقيق زيك ومابتحمل شغل المطبخ
الاب ـ والله جبدو خالو بالرقة دي ما شايفاني انا واعمامو لاهاليب في الطبيخ وشغل البيت
الام ـ هي يخلخل ضروسك ياريتو يكون زي خالو كدا عرس واحده غنيانه ودقنو جايبين ليهو حلاق خاص
الاب ـ لا انا قاصد الرقه وكدا
الام ـ ياراجل هوووووي قوم كدي سووي الشاي وبطل عبط
ونواصل

امدرمان

01-10-2008, 10:35 AM

والله يا XMEN (http://vb.sudanson.com/member.php?u=5591)

اذا كان اليوم دا جاي يبقي على الدنيا السلام وشنب شنو العاملينو ما يشيلوهو :rip:

الله يعين وبصراحة في اولاد اشوفهم زي البنات اليومين دي في اللبس والحركات تلقاهم في المولات انشاء الله يحرقوهم
احفظنا يا الله

بنت بلدي

01-10-2008, 01:40 PM

والله اي حاجة واردة الزمن ده

XMEN

01-10-2008, 01:58 PM

الاب : اها يا ست الكل سويت ليك داك الشاى الما خمج ..
الام : تسلم يا ابوى وليداتى
الولد : اها يا امى وابوى انا اسى اعمل شنو ؟؟
الام : اسمع يا حبيبى .. البت دى تقول التقولو .. وانا ما دايره اعرف الغلطان منو ؟؟ بس البهمنى انك ترجع لى مرتك .. وتسلم ليها فى راسها .. يا ولدى التلاته مليون الشهريا البتجى منها دى لو وقفت .. تانى نقبل وين ؟؟؟
الاب : اها اها .. اى والله .. كلامك صاح
الام : انت ده الفالح فيو .. اها اها والله كلامك صاح ..
الولد : يعنى انا سعادتى تحسبوها بى تلاته مليون ..
الام : بنبره حاده ( يا ولد بطل لداحه .. والكلام البقولو انا هو البمشى .. ترجع يعنى ترجع .. خلاص ما دايره نقاش
الام تكلم الاب وانت كمان قوم شيل عده الشاى .. قبال ما اكسرها ليك فى راسك .. دايرين تجيبو لى هارت ..
الاب : خلاص .. خلاص .. اى شى ولا زعلك .. يا ولد خلاص اسمع كلام امك ..
الام : للاب بعد تغسل عده الشاى .. اعمل قهوه لانو راسى داير يطير ..
الاب : انصرف حاملا معه عده الشاى ذاهبا للمطبخ
الولد : ذهب لغرفته ودمعته على خده .. وخاطرو مكسور
الام : رجل على رجل ... وولعت سيجاره وتنفخ اوووووووووووف

..... يتبــــع

loza

01-10-2008, 02:32 PM

المسالة مشاة شوية شوية وبالتدريج ...

البنات لبسوا التشيرتات بتاعتنا ... ما قلنا حاجة تاني قبلوا علي القمصان بتاعتنا ... برضو ما قلنا حاجة ... بناطلين الجينز ... وقلنا ما مشكلة ... اتطوروا شوية بقوا يلبسوا بناطلين القماش ... قلنا خير نمشيها ... نطوا علي الجزم الاسبورت ... قلنا عادي قبلوا علي جزم الجلد بتاعتنا وقلنا ما مشكلة ...
ساقوا العجلات ... خليناها ليهم ... وقلنا نعديها ليهم ..

قبلوا علي العربات .. قلنا خير ...

شربوا الشيشة والسيجائر ... منهم جزء شرب حاجات تانية ... قلنا ما مشكلة ...

اها باقي حاجة واحدة بس ... يجوا يخطبونا عديبل ويعرسونا ... والزمن ده قرييييب ..

ما بعيد ... يجوا يخطبوك ويعرسوك وانت معزز مكرم قاعد في البيت ... :icon_lol: :icon_lol:

ياجماعة الحجر ده جاء من وين .. ما تفلقوا ياخ .. براحة ..

لا ياخ يعني ديل كانو بياسمكم بس

ههههههههههه لكن بالغت فيها هههههههههههههههههههههههه

XMEN

01-10-2008, 03:35 PM

وبعد ان ولعت الزوجة السجارة واخذت النفس الثالث شعرت بشئ من الشفقة علي ابنها فنادت عليه
الام ـ ياولد عايز البت دي ولا لا
الولد ـ حقيقة انا حبيتها جدا يا مامي وخاصة انها ما مخليانى محتاج لاى حاجه وما قصرت ابدا معاىفى المصاريف ومصاريف البيت
الام ـ اها واسي كيف حترجع معاي بيتك ونصالحك معاها ولا كيف
فاحمرت وجنات الولد ونظر الي الارض وقال بهدوء
التشوفيه يامامي

الام : شايله مفتاح العربية باليمين .. والموبايل بالشمال .. ياود ابوك السجمان لسه ما لبس .. يلا بسرعة
الاب : يلا جاى جاى
الام : تجيك الطاوية حبالها
الولد : خلاص يا امى معليش
الاب يدق الجرس : تررررررررررررررررررررررررن
زوجه الولد : نقستى .. امشى شوفى منو الفى الباب .
الام : لولدها .. ابتسم .. ما تخاف .. ان شاء الله حا نحل الخلاف
الاب : اقرأ المعوذتين .. وخشوا باليمين .
نقستى الحبشية : سلام اليكم .. تفدلوا ..
زوجه الولد : بصوت عال .. عائلة السجم .. اهلا .. دايرين شنو ؟؟؟؟؟؟؟؟؟؟؟؟؟

........... يتبـــــــــــــــــــع

ظبياني

01-11-2008, 10:13 PM

ما قريت ولا شيء ......... بصراحة كسلان ......... الكلام كثير ومقدر أقراه

محمد فضل

01-11-2008, 10:25 PM

ما قريت ولا شيء ......... بصراحة كسلان ......... الكلام كثير ومقدر أقراه

لو شفت طاش تلتاعش...ما حتتاج...القصبي والسدحان ادوا الدور مظبوط

ظبياني

01-12-2008, 12:58 AM

منو القصبي ومنو السدحان يا ود فضل ؟؟؟

ود الغربه

01-20-2008, 01:04 AM

ايوه وين ا لقروش

ملاذ

01-20-2008, 12:37 PM

الحلقة الاخيرة متين