موباااااااااااااااااالغة أديل كدة !!

[abusareb]

...



موباااااااااااااااااااااالغة
يا ناس سودان صن
ستة شهور منتظرين التفعيل
اريتو حالكم حال السرور ....
بعيد عنكم
ناوي اسجل الاخدر ده :d ماركة مسجلة ؟
و خرخرة ما دايرين ....:d

[بنت بلدي]

يا زول مرحب بيك معانا
وستة شهور دي بدري يا فردة

[abusareb]

و بي مناسبة الطلة البهية ..
ناوين نديكم شوية معلومات شخصية عن زيارتنا للبلد المصون ....

طبعا اخوكم سبعة سنين ما شاف السودان ...
و كل يوم كنت بسمع انو البلد اتطورت
و البلد حصل ليها طفرة جينية
و قلنا نطًفر
نشوف الحاصل شنو ....
اتوكلنا على الحي الذي لا ينام و مشينا البلد ....
طبعا من جوة طيارة القنقليز بتعرف انك ماشي السودان :d ....

شكل شديد في الطيارة
ده مقعدي ...
يا ولد قوم
يا حاجة شيلي رجلك ...

اهو
الحكاية مشت لحدي ما نزلنا ...
و للاسف ما قدرت اتاوق بي شباك طيارة القنقليز عشان الشباك كان محجوز بي 3 شفع صغار ...كلهم مزرودين في الكرسي الجنب الشباك ....
و منعاً للشُبهة اعلن هنا عدم وجود اي علاقة لي بالتلاتة اياهم ... :d...

[abusareb]

طبعاً ..
المطار و كلكم شفتوهو ا ...
و الشوارع و كلكم شفتوها ...
اخيرا اخيرا وصلنا حلتنا المصون ...
الناس الغبشة شديد
و الاولاد الطوال طوال تقول بياكلوا قصب ....
كل واحد شايل ليهو حمولة درداقة حب شباب ....!!
هرمونات شديدة ....
طبعا كل الوجوه تقريبا جديدة ....
غنم الحلة
نفس الشي ...
و دكان الفول نفس الشي
و المطعم البيتلموا جنبو ناس الركشات
برضو نفس الشي ....
و التراتير قدام بيت الزبير لقيتم شالوها ....
و الجديد اكياس النايلون
طبقات ود ضيف الله في كل الشوارع
و الشوارع بعيد عنكم ....
ينطبق عليها المثل الدارفوري (جقًلو ما مشي عريج) ....
و امنقة حاجة لمن تجي الساعة ستة ....
لمن نجي راجعين في المغيرب ...
نتغالط
قاطعة
لا ما قاطعة
قاطعة
لا ما قاطعة
و نحن ماشين فوق الحفر و البلاستيك المنداح على مد البصر ....
نتغالط في الكهربة ..
و يا كافي البلا ...لمبة في الشارع مافي ....
تتطلع يدك ما تشوفها ....
ندخل البيت نكتشف انو الكهربة في ....
و يا دوب تلفزيون
و القبرمبوز متلملم قدام الام بي سي ....
ثقافة و كدة ....

[abusareb]

يا زول مرحب بيك معانا
وستة شهور دي بدري يا فردة

بدري من عمرك يا بت اُمي ...

[حسكو]

:tooth:
:tooth:
:tooth:

طبعا انا مشيت مرة كدا وكنت نفس الحالة بتاعتك دي

لكن بس ربك ستر

وعلى العموم مرحب بيك معانا

[abusareb]

:tooth:
:tooth:
:tooth:

طبعا انا مشيت مرة كدا وكنت نفس الحالة بتاعتك دي

لكن بس ربك ستر




طبعا اخوك بروليتاريا
و في الاغتراب زول بطران شديد
ابيت اشتغل الا اعمال حرة ...
:D

و طبعا كان قدامي قائمة طويلة
قدرت اختار منها مهنة بائع عراريق ...
مهنة شريفة و كدة ....
و يوم مشيت السودان اخترت ليك احسن عراريق خيت
بس اخوك اخد دش بارد
لقيت ليك موضة العراريق انتهت هناك ....
يا كافي البلا ....
على الله ساااااااااااااي

:D:D

بي غادي

[abusareb]

البلد بقت زي الجنينة

شي (على الله) ...
على الله بالاصفر
و بالظهري

و بالاخدر
زي الاخدر ده ...

:d


و ملاحظة تانية
بنات حلتنا
يوم يمرقوا و يكنسوا برة الشارع
كل واحدة شايلة مقشاشتا
و اخوكم بيكون بيعمل دراسة جدوى سريعة
و نظرة شرعية من السفنجة
لي البنطلون
لي الطرحة في الراس ...
طبعا اي ككو حليمة هناك بقت لابسة بنطلون ...
الجديد شديد ....

:d

و عينك ما تشوف الا النور ....يوم تمشي حفلة ....
و طبعا تلاقي الناس نازلين من الامجاد و الرقشة
الجايات من كل حدب و صوب ...
و طبعا اهم منظر ...
منظر بنات لبون و آوى في الحفلة ....
طبعا زمان الواحدة كانت بتقشقش وشها و تمشي بيت الحفلة ......
هسع اجاركم الله
الواحدة قدوما متر لي قدام ....
و احمر الشلاليف لمن يجهر العيون
:d

و الواحدة تتعمد تقفل عيونا ...
عشان ظلال العيون تظهر ....
بنات ختريات شديد .....
غايتو جاتني فكرة جهنمية
اسيب تجارة العراريق و امشي اشتغل تاجر بدرة
:d

بدرة اساس
و بدرة عيون ...
و بدرة خدود
...

إهي إهي إهي
:d

[abusareb]

و طبها غير بنات لبون
و بنات آوى
في ملاحظة تانية
البلد بقت كوشة كرولا كبيرة
اي واحد امنية اماني حبوبة جيرانهم انو يركب كرولا ....
قبل سنين
البلد كانت مليانة صفيح اسمو النوبيرا ...
اي ككو حليمة
راكب نوبيرا
و مضلم القزاز بي تظليل اخطر بوليس ما بيعرف الحاصل جوة شنو ....
هسع يا جماعة الخير
قمنا على موضة الكرولات ....
و شرطا تكون بيضا ....
...
البلد يا كافي البلا بدون شوارع
و الشوارع ضلام شديد
بيقولوا اضاءة
و ما شفناها غير في شارع شارعين
آآآآآآآآآآآي و الله
شارع الجمهورية بالليل ضلام دامس
شارع البرلمان ضلام
شوارع السوق العربي تطلع يدك ما تشوفا
شارع الستين ضلام ...
احلى منظر ...
حوالي ستمية واحد قاعدين في رواكيب متنقلة قدام فندق السلام روتانا ايام العيد
بياعين متجولين و كدة
و منتهى الاستقرار
اي واحد قاعد في كرسي ليبي
البيبيع سجاير
و البيبيع اعلام مريخ
و البيبيع موية
و عصير كركدي ....
و منظر قاعة احتفالات كزًام بالليل
و قداما عزومة امجاد
الاولاد لابسين (على الله) ...
و طواقي الامبرورو ...
و بنات لبون و آوى لابسات بناطلين و بدل سفاري ....
جنس شي ...

إهي إهي إهي

[حسكو]

ههههههههههههههههه
هههههههههههههههههههههه

غايتو الماشاف السدان يجي يقرا الكلام ده

يازول انت كنت شغال باحث اجتماعي ولا شنو

[abusareb]

و طبعا يا جماعة الخير
اهم حاجة في الاسواق
الكائن الاسمو (الدرداقة)
موباااااااااااااااالغة
السوق المركزي للخضار في الخرطوم فيهو يجي 148732 درداقة ...
:d
احلى حاجة
واحد كاتب في درداقتو (ترحيلات ود الحاج)
إهي إهي إهي

[abusareb]

و نمشي بيكم لي جوة الخرتوم
طبعا نحن اولاد الخرتوم
و ما بنعترف لا بي بحري و لا بي امدرمان
و خصوصا امدرمان دي ....
يا كافي البلا ...
ما عندهم غير ساعة البلدية
و بوابة عبدالقيوم
و الطابية المقابلة النيل
طبعا الطابية باقي ليها دقتين تلاتة مطرة شديدة و تروح شمار في مرقة ...
و نشوف ناس امدرمان ديلك حيمشوا وين ...

طبعا الخرطوم احلى حاجة في الليل
عشان البلد بتكون فضت
و المغتربين بتاعين امدرمان بيكونوا رجعوا ...
الجا يبيع موية
و الجا يشتغل في البلدية
و الجا يشتغل نقلتي
يصلح التموت تخلي
و الجا يبيع حجابات و بخرات
و موية
و كجيك
و ملاح مِرِس ...

غايتو انا لو من عمر البشير
اي واحد ياكل في بيتو
و ناس امدرمان ديلك الخرطوم يشوفوها في المسلسلات تاني ...
غايتو لو الكباري ديك وقعت
بتكون اكبر انجاز ...
الانجاز انو ناس ود ارو و الكبجاب و زقلونا و ابونيران ما حيحفونا بالطلة البهية ...
المشكلة ما بيقدروا
و حيجونا سباحة
شي فراشة
و شي حرة ...
ديل من كترة لاصقين فينا
لمن عملوا مواصلات من الشهدا لي عفراء ....



إهي إهي إهي

[حسكو]

هههههههههههههه
ههههههههههههههههههههه

غايتو بس انت لسة ماشفت ترحيلات
الشركات بتاعت الدرداقات كتيييييييييييييييييييييييرة

[حسكو]

هههههههههههههههههههههههههههههههههههههه
هههههههههههههههههههههههههههههههههههههههههههه

غايتو انت
قلت الكتاب الطلعتو عن الخرطوم وين

[abusareb]

غايتو من شدة ما البلد بقت فيلم كرتون
لمن فاتت حدها .....
البلد ديك ما عندها لا سيد
و لا كبير ....
واحد من اولاد الحلة ...
بقى اكبر ممثل و بيجيبوهو في التلفزيون كل يوم .....
وواحد عامل لينا فلقة دماغ
يجي بيتو الساعة 3 صباحاً
راجع بالامجاد بتاعتو
و صوت المسجل آخر صوت
(جنا الباباي ....يا جنا الباباي)
اتخيلوا ....


الواحد يهش في الباعوض
و ينكرش الليل كلو
لمن بقى زي المضروب بي قرنيت ...
تنوم برة برد شديد
و بتكون معرًض لي غارة ليلية من عمو الحرامي
و تنوم جوة
تقول في سكة جوبا كبويتا
باعوض الف
و يجيك واحد يديها كوز ابداع
(جنا الباباي )
الساعة تلاتة صباحا....
نفسيات
إهي إهي إهي

[abusareb]

هههههههههههههههههههههههههههههههههههههه
هههههههههههههههههههههههههههههههههههههههههههه




عجَبَتك ؟!!
:D

[حسكو]

شدييييييييييييييييييييييييييييييييييد

[abusareb]

بعدين يا جماعة الخير ...
الخرتوم بقت خطرة شديد في الليل
و الليل دي مقصود بيها الساعة تمنية و انت طالع
وسط الخرتوم طبعا ضلام زي ما اتفقنا
و في نوعية معينة انا كنت فاكر بعد احداث الاتنين الاسود بتكون مشت ...
اتاريهم لسع قاعدين
و يشهد الله يلقوك في ملف
الا تكره اليوم الولدوك فيهو
تاخد ليك بلنجة بلنجتين
و يقلعوا محفظتك
و تاخد ليك شلوت في الصدام و تجري تخارج نفسك ...
و بعدين العاوز يشوف سيوف النينجا
و الخناجر الروسية و الصينية
و السيوف المغلفة يمشي للناس الفارشة في السوق الساعة تمنية و انت طالع ...
غايتو الخرطوم
كوشة كبيرة
في شكل عاصمة
الحضارة
لا شافتا لا بتشوفا ....
قلنا نتوكل على الحي القيوم و نمشي فندق
سمنا تحت تحت اسمو السلام روتانا ...
جنب مربع 65 في اركويت
اتخيلوا فندق فاتح في حي شعبي درجة تالتة
لا قدامو خضرة
لا ماء و لا وجه حسن
اكيد الشاف فيكم فندق الجوفينور روتانا في بيروت
بيقتنع انو العندنا ده راكوبة في الخريف
اوضتين و برندة ...
طبعا الناس الحبيبة
بتلبس نضيف
و تمسح كريم نيفيا
و بتمشي تقابل بعض هناك ...
:d
اهو كوباية تبلدي و قطعة كيك
عشان يجو يقشروا ليك بي باقي الباقرما
مشينا السلام روتانا
ده سبعة نجوم

سبعة نجوم ماسورتكم يا بت امي ..

:d

غايتو الشاف ازبتالية سوبا
اكيد شاف السلام روتانا ...

إهي إهي إهي

[حسكو]

ههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههههه

غايتو بس

انت مامشيت حتات تانية في السودان(الاقاليم)
عشان تدينا اخبارها

[abusareb]

انا من يوم جيت من السودان وما قادر انسى التفكير في طريقة نفصل بيها امدرمان من السودان ...
و لو مافي طريقة انفصال
نحرّش القزافي
يجيب طيارة طيارتين ميج تجي قايمة سدًاري
و تضرب الخلاقة ديك ....
اريتو حالنا حال السرور
يوم الميج تضرب امدرمان
و تشوف الناس في ود ارو
و الكبجاب
و سبعة بيوت
و اب عنجة ....
إهي إهي إهي
اقول اريتو حالهم حال السرور
و هم بيلقطوا في لباساتهم
و اكياس المخدات
بعد الميج تضرب امدرمان ...
ولو القزافي حنَا عليهم
نوصي ليهم المرتزقة
يجوهم
ما يخلوا ليهم نفّاخ النار ...
و لو ما لقينا مرتزقة ..
نكلم البشير يرمي الكباري
و واحد من الباقرما ديلك الخرطوم يشمها تاني قدحة
إهي إهي إهي .....
خلوا لينا الخرطوم اتنين و تلاتة حلاتة
و الخرطوم شرق
و المنشية
و قاردن سيتي ...
و اركويت و الرياض
و الصحافة
و الطائف
و العمارات ....
و الفردوس ...
أقول ...خلوهم لينا
و خليكم في الكبجاب
و خور ابوعنجة و مايرنو و غرب الحارات ...
إهي إهي إهي .....

[abusareb]

البلد بلدنا
و نحن اسيادا
و الما عاجبو يقع البحر ..
:whistling:
آآآآآآآآآي
البلد بلدنا و نحن اسيادا ..
يوم مشيت البلد ديك
كان نفسي اركب دفًار
و اتشعلق في الباب الورا
و استأذن الكمساري عشان يخليني اضرب الجرس للسواق
طبعا كان نفسي اضرب جرس الدفار البيكون مربوط بالجنبة داك ...
جللللللللللل
و جللللللللللللل
لمن اجيب للسواق صداع
و عشان احقق الامنية ديك
مشيت سدًاري للسوق الشعبي
عشان اركب دفًار ...
اواصل معاكم بكرة ان شاء الله ...
انتظروني

[bit alsudan]

ازيك كيفك انت شكلك زول وناس وشمشار اسفين على الترحيب المتأخر بس كنا مسافرين وكده اهلا بيك نورتنا

[كورتينا]

غايتو ابدااااااااااااع عديييييييييييييييييييييييييييييييييييييييييييييييي يييييييل

[دمعة أسى]

غايتو الخرطوم
كوشة كبيرة
في شكل عاصمة
الحضارة
لا شافتا لا بتشوفا ....



هههههههههههههههه

عاصمه الثقافه زعلت منك