اسلئة الى الاخوات تريد الاجابة

[nourelsalam]

معليش الايام دي عندي مرض حامد
وبعدين لفيت في المنتدى ومالقيت موضوع انزله
للنقاش وزهجان انا عارف الموضوع بيض هههههههههه
بس حبيت افرق عليكم شويه
يالله نبدا الموضوع
رقصه العروس ‍‍‍‍‍‍‍‍‍‍‍‍‍‍
لماذا يتعمد تنفيذ رقيص العروس يوم زواجها ؟
وما الغرض من رقيص العروس امام جمهرة من الناس وهى غير محتشمة فى اللبس ؟
من هو اول من سنة هذه الفكرة ومن اي المناطق او القبايل اتتنا ؟
هل نعتبرها من العادات الضارة ويجب محاربتها اما هى موروث سودانى يجب التقيد والالتزام بها
والسؤال لاخواتنا المتزوجات هنا فى المنتدى
هل رقصن رقصة العروس ؟
وسؤال لغير المتزوجات
هل رقصة العروس واجب القيام بها عندما تتزوجن ؟
وسؤال لاخوانا المتزوجين
هل وافقت لرقيص عروسك ؟
وسؤال لاخوانا العزابة وطبعا السؤال شاملني بس برد بعدكم
عشان اعرف شمار الاعضاء العزاب من المتزوجين ما تزوقو
هل توافق على رقيص عروسك
الموضوع عجبنى ومنقوول من احد المنتديات الرائعة
مع تحيات اخوكم
نور الاسلام

[ود المصطفى]

الاخ نور الاسلام
التحية لك وانت تعطر هذا المنتدى بمساحات من الابداع الجميل وتطرح ما يدور من افكار فى اذهان الكثيرين بدون القدرة على طرحها.
بمناسبة رقيص العروس وهذا حسب رأى شخصى بحت اعتقد ان المسألة هى نوع من العادات القديمة فى المجتمع السودنى ابتدعت لتؤى غرض معين وهو انه فى سالف الزمان كان العريس لايرى زوجته الا فى يوم الزواج وفى هذه اللحظات بالذات وكل مايعرفه عنها هو مجرد احاديث من افواه الناس وكان ان ابتدعت رقصة العروس حتى تكسر الحاجز النفسى لهذه العلاقة وايضا تم ادخال هذا الزخم الجنسى بها ليس عبطا وانما ايضا مقصود منه كسر لبداية هذه العلاقة ومحاولة العروس ان تقع والامساك بها ما هى الا مقدمات لاشياء سوف تتم لاحقا يعرفها المتزوجين.
اما مسألة ان تتم فى وسط الجمهور وبهذا المستوى من الخلاعة فهذا استحداث سئ لهذه العادة[/size]

[سودانية]

(هل نعتبرها من العادات الضارة ويجب محاربتها اما هى موروث سودانى يجب التقيد والالتزام بها)
هي موروث سوداني يمكن تعدل يعني ترقص العروس لكن امام البنات فقط اخواتها و صحباتها و قريباتها و في مكان مقفول وياريت يكون الرقيص يوم حنة العروس لانه في اليوم دا بتكون الحفلة بناتي جدا
في عادة تانية دخيلة علينا و جديدة و انا بعتبرها من العادات الضارة المفروض محاربتها وهي الرقصة (الإسلوا) البايخة جدا البقوا يرقصوها العرسان اول ما يدخلوا علي الناس يوم العرس علي انغام الزفة المصرية و بعدين الاغنية الغربية
و شكلها كده حا تبقي عادة ملاحظه انها بقت تتعمل في اغلب الاعراس ، دا كلام دا يا اخوانا .
و غير اللبس البقي ما بشبهنا خالص و الغريبة انه البنات بلبسهم الخليع دا بكون بوجود الاباء و الاخوان دا شنو دا يا جماعة نحن شكلنا كده بعد فترة حا يبقي حالنا حالً شين والله

[corn flakes]

كلامك صح يا سودانية......
يعي على الأقل رقيص العروس حقنا وما موجود في أي حتة تانية......
وأنا ماشايف فيهو حاجة...لو بقى في قاعة مقفولة وللحريم بس......
بس الغربي دة امرجونا منو......

[الدبل]

موضوووع جميل وطرح مبصط

لكن عندنا في السودان مرض اسمو العادات والتقاليد

مثل العادة المؤزية والضارة الختان بتاع البنات

الف شكر عزيزى

[شهد الملائكة]

انا غير متزوجة ولو تزوجت حا ارقص رقيص العروس كنوع من الفرحة وليس التبرج والحمدلله اصبح لدينا وعي ديني فاليوم الرقيص اصبح في صاله مغلقة وبنات بس يعني مافي راجل غير العريس وهو في الاساس نوع من العادات والتقاليد السودانية التي نعتز بها جدا

[ود المصطفى]

الاخت شهد

فى البدء اسأل الله الكريم ان يرزقك ابن الحلال الذى يستر عليك ويمنحك كل الفرح المبهج ومن السعادة ما يملاء به دنياك ومن البنين والبنات وكل ما تحلمين به. ولكن تذكرى ان الفرح بما يرضى الله ويحفظ لك نفسك وعرضك وانت فى تلك اللحظة زوجة عليها الكثير من ما هو مطلوب فان شئت فعلت ذلك له وستكون تلك لحظات عمر لن تنسى وكما ذكرت فى مداخله سابقة ان المسألة استحدثت لظروف خاصه فى سابق الزمان وقد زالت الان لما جد من اوضاع فى التداخل فى المجتمع فلماذا لا نعود الى الدين ونحن نبدأ حياة جديدة ولك ودى

[ابو عطف]

اخي نور الاسلام
السلام عليكم
اعتقد ان عادة رقيص العروس اختفت الآن ولله الحمد كان نشاهدها
عندما كنا صغار لا ندرك ولكنها حقيقة مافي ليها داعي.
والناس بحمد الله ادركت ذلك واصبح يتم رقيص العروس فقط مع النساء
في مكان مغلق

[batot]

السلام عليكم
اخى نور الاسلام لك تحيه معطرة منى على مجهوداتك فى المنتدى
بصراحة ياجماعة بما انى مش سودانيه انا نوبيه فانا مش عارفه موضوع الرقص اوى غير انى بسمع منكم ومن الاخوات السودانيات اللى انا اعرفهم بس انا اسمع انها عادة لذيذه وفرحة لكن اول مرة اعرف انها بتترقص فى وسط الناس ( يعنى شباب وشبات ) بيتهيقلى كده هايبقى غلط وحرام كمان لكن لو العروس راقصتا فى وسط اخواتها واصدقائها وقرايبها وطبعا عريسها هاتبقى مبهجه جدا - ده مجرد رأى - مشكورين على سعة صدركم

[nourelsalam]

thank you for all of you for passing by my post
with all my best

nour elsalam

[m&a]

موضوع جميل
بس سؤال لاخوتنا البقولو تكون بناتى وبس ومافى حد تانى كيف يحصل الكلام دة بعد ظهور الجوالات الحديثة والتصوير واللذى منه
يعنى تمشي الفندق يومين تلات تلاقى صورة المرة لافة على الجوالات معقولة الكلام دة يا جماعة غايتو الشغلة دى انا اصلا ما حبيتها - مجرد راى برضو
وفى ناس ما عندها دم ولا ضمير دى برضو الناس مفروض تنتبه لها
ولا شنو كان غلطان كلمونا

[اسيرة الشجون]

موضوع حلو للمناقشة و بصراحة رقيص العروس حلو بس ان انا ارقص مستحيل و بعدين يعتمد عالزوج اذا هو كان موافق او معارض ان العروس ترقص و بنلاحظ دايما ان الصور تنتشر بسرعة عن طريق البلوتوث زي ما قال m&a عشان كدة لازم يأمنو الرقابة عالضيوف و يمنعو التصوير منعا باتا ..

[هيثم]

الاخ الحبيب / نور الاسلام
في البدء لك التحية علي هذا الطرح الرائع ، وفيما يتعلق برقيص العروس انا اعتبره منافياً لتعاليم ديننا الحنيف لان المرأة تظهر مفاتنها لغير زوجها ، وحتي ولو كان الرقيص مقتصراً علي النساء وفي صالة مغلقة غالباً ما يكون هنالك تصوير او شريط فيديو سيراه الرجال لا محاله ، فأنا ارفض الفكرة تماماً وعلي المرأة ان تظهر مفاتنها في غرفة نومها ومع زوجها .

[nourelsalam]

بسم اللة الرحمن الرحيم
الاحوة والاخوات لكم التحية العطرة
وانتم تمرون على البوست وتدلون بدلوكم الرائع وربنا يديكم العافية
مع تحياتى
نورالاسلام

[سولي]

ازيكم...
انا مشيت نكت البوست ده من اخر صفحة...
عشان كلنا نرد بشفافية..
رقيص العروس من العادات الجميلة اللي يمكن الاحتفاظ بها وتطويرها
وبسهولة مكن تتخت في قالب شرعي
يعني العروس تكون محتشمة والرقيص امام النساء فقط وفي صالة او مكان مغلق..
ويفضل عدم وجود العريس.. واكيد عدم وجود تصوير
يعني ممكن يتحول الهدف من تعارف اولي بين العرسان إلى مشاركة الفرحة من الأهل والاحباب
لأنو في لحظات الغناء الجماعي والمشاركة في التصفيق ..يتجسد معني المشاركة..
يبقى مافي مانع لو كده..

[umhamed]

ازيكم...
انا مشيت نكت البوست ده من اخر صفحة...
عشان كلنا نرد بشفافية..
رقيص العروس من العادات الجميلة اللي يمكن الاحتفاظ بها وتطويرها
وبسهولة مكن تتخت في قالب شرعي
يعني العروس تكون محتشمة والرقيص امام النساء فقط وفي صالة او مكان مغلق..
ويفضل عدم وجود العريس.. واكيد عدم وجود تصوير
يعني ممكن يتحول الهدف من تعارف اولي بين العرسان إلى مشاركة الفرحة من الأهل والاحباب
لأنو في لحظات الغناء الجماعي والمشاركة في التصفيق ..يتجسد معني المشاركة..
يبقى مافي مانع لو كده..


بالغتي لكن يا سولي......نكيت عجيب...لكن موضوع لذيذ..ولك التحيه:tooth::tooth:

[MISS A]

رقيص العروس من اجمل العادات السودانية
وهو تفرد سوداني مافي زيه في اي بلد
واحلى حاجة فيهو ايام التعليمة القبل العرس
وهو زي ما سمعت عملوه من زمان عشان اهل العريس يشوفو العروس ويعرفو انه جسمها ما فيهو اي عيب
عشان كدة العروس بتلبس عريان
وزي ما قالو الاخوات يا ريت المحافظة على الموروث دة في اطار نسائي ومحترم
بالاخص انه الرقيص بتتدرب عليهو العروس من قبل شهر من الزواج
وده بيخلي قوامها جميل وبيكسبا الليونة
اما عني لازم اعمل تعليمة
لكن مستحيل ارقص

[بنت بلدي]

اعتقد بس عشان الفشخرة وكدة