nourelsalam
07-22-2006, 10:40 AM
بسم اللة الرحمن الرحيم
الاخوة والاخوات الاعزاء فى المنتدى الرائع بقعة ضوء فى الموقع الرائع ابناء السودان
احب ان اسلط الضوء على شى من الاشياء الجميلة فى حياتنا فى السودان وهو الحبوبة الرائعة وهى رمز الطيبة والمحنة وهى الام الحقيقية لنا فى التربية والكل يعرف ويقر بذلك فهيا بنا نعيش فى رحاب الحبوبات الرائعات
الكثير منا قد فقد اجمل كلمة تقال فى الدنيا بعد كلمة امى وابوى الكلمة الكلها حنان وشفقة ومحنة وصبر وكلنا واغلبنا قد فقد الحبوبة فمنى اكتب بعض الحروف والكلمات فى حبوبتى عليها رحمة اللة تعالى
وانا اعرف ان الموضوع فى غاية الروعة والشفافية ولكن انا لااستطيع ان اكتب فية لاننى لو بدات ما اقدر اقيف من حاجتين من الكتابة ومن البكاء على حبوبتى اللة يرحمها و يحسن اليها بقدر ما قدمت الينا من قيم ومثل وادب ولسة انا كلوا مرة بذكر القر يص الكانت بتقرصوا لينا وهى كانت الحب والمحنة والسعادة فى حياتنا وبحبها الكثير نحن لسة عايشين وقد كانت جدتى او حبوبتى لما تزعل تصدقوا ولما تكون خلاص زعلانة وواقفة توت بتتكلم انجليزى وبتقول No Way وكمان مع حركة الاصبع عبارة عن الرفض مع انو حبوبة لاقرات ولاحاجة لكن عاشت زمن الانجلبز وكانت بتقول لينا
انو السودان زمن الانجليز كان ماشى زى الساعة
واليكم جمعيا اهديكم هذة الكلمات عن الحبوبة
نفوسنا الصابرة مغلوبة واصلوا الغربة مكتوبة
بدور الرجعة لدرانا بدورة اشوفة حبوبة
فى ضل الضحى الها بى ما خذة التكبة هاببى
وحفيدة ليها بتشبى
دى حبوبتى العظيم شانة دى فى كيفها سلطانة
وان كان الزمن قد طال على القصيدة ونسيت النص الذى كنت احفظة با لحرف والنص ولكن عودة فى موضوع الجدة والحبوبة وهم الطيبة وهم الحنان وهم ينبيع الدف الذى صار يفقدة الكثير من الاطفال اليوم مع الحبوبات يتاعت 2006 وحتى فيهم واحدات مابرضو كلمة حبوبة الكلها حنان وصدق ومحنة وريدة
وحبوبات الزمن دة لاحلبوا غنمية ولا دقوا بهارات ولا سواء المقشيش ولا شوفوا ليهم صاج ولا عندهم مقلية يتاعت مشاط ولاحتى فى مناسبة فتحوا ليهم ريحة ولابعرفوا العديلة ولا بعرفوا الجرتق ولا بعرفوا يكفوا الريحة ولا بعرفوا يعملوا الرحمتات ويجيبوا القلل ولابعرفوا المفحضة ولابعرفوا برموا الودع ولادقوا ليهم شافع بسير المفحضة ولا ضربوا ليهم ولد بمركوب ولا ولا ولا
وطبعا انا مربى مع حبوبتى العظيم شانة وهى كانت فى القهوة سلطانة وفنانة وكانت عاملة لى كم قصيدة يعنى صغار كدة وحدات ظريفات لمن اكون معاها ظريف واترسل ليها كانت بتقول
متين يا مصطفى تكبر وتسوق حبوبتك وتزورة المصطفى
وكان عندى اخوى كدة الاكبر منى كان طوالى بتقول لية انت حملتك على اللة دفنو الجنى وخلوا التبيعة وكان هو فقرى وبتاع مقالب خاصة مع حبوبة
واتذكر مرة عمل فيها المقلب دة
لو فى زول يتذكر انو كان هناك حاجة اسمها الجردقة وهى تستعمل فى حالات عسر الهضم يعنى بدل الحاجات الهاى كلاس مثل دكتور بزمول
واندروس والكززر وكانت الجردقة تشبة فى شكلها طين البحر ولامش كدة يا منتصر طبعا امكن الوحيدة البتذكر الحاجات دى منتصر نسبة لانة اصغر
عضو معانا وامكن يكون بعرف الجردقة ولكن بنات الشهادة العربية وناس دودو وسماسم وسماريتا اللة اعلم يكون بعرفوا الجردقة ودى طبعا بلغة اليوم زى دكتور بو مول وحبوب رينى لعسر الهضم والكززر للهضم واندروس للهضم
على العموم اخوى الفقرى دة عندنا جيراننا جيبوا ليهم تراب بحر قدر قلاب وقام اخوى الفقرى دة عمل ليهو قرطاس والزمن داك مافى اكياس وملى
القرطاس طين بحر واضاف علية كمية من ملح الطعام ولخبطوا كويس وجاء لحبوبة اللة يرحمها ويحسن اليها وقال ليها ياحبوبة انا كنت فى دكان ابوى ومشيت جوة السوق وجبت ومن قروشى الجردقة دى
فما كان من حبوبة الا ان امطرت علية سيل من الدعوات المباركات ولا اول مرة لانو عمروا حبوبة دى ما قالت دعوة للزول الفقرى دة
ومسكينة اليوم اظنها فا طرة ليها بملوخية تكون بيتة ومقيلة كمان وقامت على الفور وزبطت ليها كوز كامل من طين البحر الملخبط مع الملح وقطعت ليك الكوز دة كلوا والاهبل اخوى ماشى فى حالة وما كلم حبوبة بانة هو بلعب ساكت المهم ربكم رب الخير كان مشتشفى ام درمان قريب لينا وفى حوالى نصف ساعة حبوبة كانت فى حوداث ام درمان وشى غسيل وشى درب وشى حقن وغايتو المسكينة اتعذبت عذاب قبورة
واخوى دة اليوم داك اى واحد كان قد اذاقة الويل شى بشبشب وشى جزم وشى كفوف وشى ضرب بجرايد النخل وكان عندنا فى البيت كم نوع شجر كدة المهم الضرب الضربوة للزول دة ذكرنى بعذاب ال ياسر بس الفرق انو ال ياسر عذبوا بسبب الاسلام واخوى عذب وضرب بسبب الجرد قة
مع تحياتى واشواقى
اخوكم
نور الاسلام مصطفى
الاخوة والاخوات الاعزاء فى المنتدى الرائع بقعة ضوء فى الموقع الرائع ابناء السودان
احب ان اسلط الضوء على شى من الاشياء الجميلة فى حياتنا فى السودان وهو الحبوبة الرائعة وهى رمز الطيبة والمحنة وهى الام الحقيقية لنا فى التربية والكل يعرف ويقر بذلك فهيا بنا نعيش فى رحاب الحبوبات الرائعات
الكثير منا قد فقد اجمل كلمة تقال فى الدنيا بعد كلمة امى وابوى الكلمة الكلها حنان وشفقة ومحنة وصبر وكلنا واغلبنا قد فقد الحبوبة فمنى اكتب بعض الحروف والكلمات فى حبوبتى عليها رحمة اللة تعالى
وانا اعرف ان الموضوع فى غاية الروعة والشفافية ولكن انا لااستطيع ان اكتب فية لاننى لو بدات ما اقدر اقيف من حاجتين من الكتابة ومن البكاء على حبوبتى اللة يرحمها و يحسن اليها بقدر ما قدمت الينا من قيم ومثل وادب ولسة انا كلوا مرة بذكر القر يص الكانت بتقرصوا لينا وهى كانت الحب والمحنة والسعادة فى حياتنا وبحبها الكثير نحن لسة عايشين وقد كانت جدتى او حبوبتى لما تزعل تصدقوا ولما تكون خلاص زعلانة وواقفة توت بتتكلم انجليزى وبتقول No Way وكمان مع حركة الاصبع عبارة عن الرفض مع انو حبوبة لاقرات ولاحاجة لكن عاشت زمن الانجلبز وكانت بتقول لينا
انو السودان زمن الانجليز كان ماشى زى الساعة
واليكم جمعيا اهديكم هذة الكلمات عن الحبوبة
نفوسنا الصابرة مغلوبة واصلوا الغربة مكتوبة
بدور الرجعة لدرانا بدورة اشوفة حبوبة
فى ضل الضحى الها بى ما خذة التكبة هاببى
وحفيدة ليها بتشبى
دى حبوبتى العظيم شانة دى فى كيفها سلطانة
وان كان الزمن قد طال على القصيدة ونسيت النص الذى كنت احفظة با لحرف والنص ولكن عودة فى موضوع الجدة والحبوبة وهم الطيبة وهم الحنان وهم ينبيع الدف الذى صار يفقدة الكثير من الاطفال اليوم مع الحبوبات يتاعت 2006 وحتى فيهم واحدات مابرضو كلمة حبوبة الكلها حنان وصدق ومحنة وريدة
وحبوبات الزمن دة لاحلبوا غنمية ولا دقوا بهارات ولا سواء المقشيش ولا شوفوا ليهم صاج ولا عندهم مقلية يتاعت مشاط ولاحتى فى مناسبة فتحوا ليهم ريحة ولابعرفوا العديلة ولا بعرفوا الجرتق ولا بعرفوا يكفوا الريحة ولا بعرفوا يعملوا الرحمتات ويجيبوا القلل ولابعرفوا المفحضة ولابعرفوا برموا الودع ولادقوا ليهم شافع بسير المفحضة ولا ضربوا ليهم ولد بمركوب ولا ولا ولا
وطبعا انا مربى مع حبوبتى العظيم شانة وهى كانت فى القهوة سلطانة وفنانة وكانت عاملة لى كم قصيدة يعنى صغار كدة وحدات ظريفات لمن اكون معاها ظريف واترسل ليها كانت بتقول
متين يا مصطفى تكبر وتسوق حبوبتك وتزورة المصطفى
وكان عندى اخوى كدة الاكبر منى كان طوالى بتقول لية انت حملتك على اللة دفنو الجنى وخلوا التبيعة وكان هو فقرى وبتاع مقالب خاصة مع حبوبة
واتذكر مرة عمل فيها المقلب دة
لو فى زول يتذكر انو كان هناك حاجة اسمها الجردقة وهى تستعمل فى حالات عسر الهضم يعنى بدل الحاجات الهاى كلاس مثل دكتور بزمول
واندروس والكززر وكانت الجردقة تشبة فى شكلها طين البحر ولامش كدة يا منتصر طبعا امكن الوحيدة البتذكر الحاجات دى منتصر نسبة لانة اصغر
عضو معانا وامكن يكون بعرف الجردقة ولكن بنات الشهادة العربية وناس دودو وسماسم وسماريتا اللة اعلم يكون بعرفوا الجردقة ودى طبعا بلغة اليوم زى دكتور بو مول وحبوب رينى لعسر الهضم والكززر للهضم واندروس للهضم
على العموم اخوى الفقرى دة عندنا جيراننا جيبوا ليهم تراب بحر قدر قلاب وقام اخوى الفقرى دة عمل ليهو قرطاس والزمن داك مافى اكياس وملى
القرطاس طين بحر واضاف علية كمية من ملح الطعام ولخبطوا كويس وجاء لحبوبة اللة يرحمها ويحسن اليها وقال ليها ياحبوبة انا كنت فى دكان ابوى ومشيت جوة السوق وجبت ومن قروشى الجردقة دى
فما كان من حبوبة الا ان امطرت علية سيل من الدعوات المباركات ولا اول مرة لانو عمروا حبوبة دى ما قالت دعوة للزول الفقرى دة
ومسكينة اليوم اظنها فا طرة ليها بملوخية تكون بيتة ومقيلة كمان وقامت على الفور وزبطت ليها كوز كامل من طين البحر الملخبط مع الملح وقطعت ليك الكوز دة كلوا والاهبل اخوى ماشى فى حالة وما كلم حبوبة بانة هو بلعب ساكت المهم ربكم رب الخير كان مشتشفى ام درمان قريب لينا وفى حوالى نصف ساعة حبوبة كانت فى حوداث ام درمان وشى غسيل وشى درب وشى حقن وغايتو المسكينة اتعذبت عذاب قبورة
واخوى دة اليوم داك اى واحد كان قد اذاقة الويل شى بشبشب وشى جزم وشى كفوف وشى ضرب بجرايد النخل وكان عندنا فى البيت كم نوع شجر كدة المهم الضرب الضربوة للزول دة ذكرنى بعذاب ال ياسر بس الفرق انو ال ياسر عذبوا بسبب الاسلام واخوى عذب وضرب بسبب الجرد قة
مع تحياتى واشواقى
اخوكم
نور الاسلام مصطفى