أغنية وأكثر من فنان

[ياسـر]

أغنية وأكثر من فنان

هناك ما يميز الفن السوداني انه الأغنيات السودانية يتغنى به أكثر من فنان في الحفلات ومنهم من يؤديها أحسن من فنانها الأصلي ومنهم من يكرهك الأغنية

فكرة الموضوع بسيطة وجميلة...

انه سأقوم بعرض أغنية معينة وبأكثر من صوت...وأنتم حتقومو بي ارائكم ومناقشاتكم بالنسبة لي أحسن اداء وأفضلهم....فياريت ما تبخلو علينا بارائكم

ونبدأ....

[ياسـر]

نبدأ بي أغنية الموسم الماضي أغنية.....

أسمعنا مرة

كلمات الشاعر الكبير اسحق الحلنقي...

وأكيد في الأول مع الأصل والفنان صاحب الأغنية خوجلي عثمان ومن ثم صور الفنان الأخرين


خوجلي عثمان أسمعنا مرة (http://www.4shared.com/file/8223941/2100e2d8/____.html)



فرفور أسمعنا مرة (http://www.4shared.com/file/8223943/cf0e83f4/__online.html)

شكر الله أسمعنا مرة (http://www.4shared.com/file/8224322/7e13a98b/___.html)

عبد العزيز القلع أسمعنا مرة (http://www.4shared.com/file/8223947/c86347ed/______.html)

محمد تبيدي أسمعنا مرة (http://www.4shared.com/file/8223946/bf64777b/____.html)

طه سليمان أسمعنا مرة (http://www.4shared.com/file/8223945/266d26c1/asm3na_mra.html)






ودي كلمات الأغنية


ان درنا نشكي...وين نشكي ليكا...وين نلقا دنيا تجمعنا بيك...
ما كنتا بتيجنا يا حليل مجيك....ان ضاع عمرنا محسوب عليك
انتا البتنهي وانتا البتأمر ان درتا نشقا بنشقا وان قلتا نصبر
زي الفراشه في سمانا تهطل نادر وجودك في الدنيا يندر
احنا المشاعر جنات حبيبه دنيتنا راحه وعالمنا طيبه
دايريين عيوووونك تصبح قريبه....علشان كلو حلوه في الكون نجيبا
اسمعنا مره وحاتنا عندك اسمعنا مره
الدنيا تبقى ما فيها مره
والكون يلالي بهجه ومسره
حن في عمرنا شايفنو مره
ان قلتا لا لا هم استمرا.



وسنناقسها لمدة أسبوع ومن ثم أغنية جديدة...

ومستنين ارائكم....

[ليتيسيـــا]

طبعا و كالعادة بلي راجع لينا بموضوع رائع


والله يا اخوي انا ما حكذب عليك انا سمعتها بي طه و فرفور بس

انا اول مرة سمعتها بصوت فرفـور و طبعا مبااالغة


و بي طـه مبااالغة برضو


صحي انا بموت في طه لكن المرة دي بي فرفور احـلى


تسلم و مستنين المزيد من الابداعات

Keep it up!

[نانو]

اكيد ودايما منك بيجى الجميل
يسلمو اديك
وكل سنه وانتو وكل ناس المنتدى بالف خير

[ميسون]

مشكووور على الموضوع الجميل
انا بقول بصوت جمال فرفور احلى
كل سنه وانت طيب

[ياسـر]

لا شكر على واجب....

ومستنين باقي ارائكم
لكم جزيل الشكر....ولما اختلفت الاراء...لبانت السلع...

[حاتم فتحى]

والله الفكرة اكتر من روعة ويديك العافية وتدحفنا بالافكار الحلوه دى وبالنسبه للترشيح والله انا بعشق فرفور واى غنيه بسمعا من فرفور ما بحب اسمعا من زول تانى فا فرفور وثم فرفور وفرفور والله طه ما قصر

[كدايس]

فكرة غاية في الروعة بلاي بوي ..
والأغنية الأولى جاءت رائعة وأفتكر
إنو أحسن من أدى هذه الأغنية هو
صاحبها الراحل خوجلي عثمان ولا نـنكر
روعة أداء البقية وعلى رأسهم فرفور ..

[القشاش]

بلاي بوي بلاي بوي بلاي بوي
الله علي افكارك واسلوبك في الطرح الجميل وفعلا الواحد بالجد ماعارف يقول عليك شنو
لأنو دة شغل بتاع ناس المفروض يكون محلها في التلفزيون ولا في الأذاعة
مدري من وين انته جاي
عموما ربنا يحفظك للمنتدي ويذيدك كمان وكمان
حقيقي تستحق كل الأعجاب

جمال فرفور

[القشاش]

بلاي بوي عندي اقتراح بعد اذنك طبعا . . .

مرة أغنية نسائية ومرة أغنية رجالية

[شنــداوي]

رائــد ميرغني - اسمعنا مره.. (http://3aza.com/uploader/uploads/Raied-Marghani--asm3namara-Shandawe.wma)

[mohmed sulieman]

انت دائما مبدع ولك مني كل الشكر

صراحة المبدع البغنيها المرحوم
خوجلي غثمان
ربنا يرحمه

[عاشق حوتا]

كلك حلو يا بلي بوي طبعآ الاغنيه بجميع الاصوات جميله لكن نرشح سيد الاغنيه الاستاذ الراحل خوجلي عثمان ...

وبالله اسمعو الاغنيه بصوت الفنان رائد ميرغني تسلم ياشنداااوي .....

[هيثم]

الرائع بلاي بوي دوماً متميز لك التحية ، اما عن افضل اداء والله يا جماعة بيقولوا سمح الكلام في خشم سيدو ، افضل اداء هو الراحل خوجلي عثمان ، يليه فرفور صاحب الصوت الانيق

[nivrtity]

وأنا أثني على جمال فرفور

[حبيبو]

شكرا ليك يا غالي بس بحب اسمع من الفنان الشاب سعد الحاج وطه سليمان

[مودة خالد]

الرائع بلاي بوي دوماً متميز لك التحية ، اما عن افضل اداء والله يا جماعة بيقولوا سمح الكلام في خشم سيدو ، افضل اداء هو الراحل خوجلي عثمان ، يليه فرفور صاحب الصوت الانيق
طبعآ جمال الاغانى لما تسمعها اول مرة
لكن الايام دى بقى كل الشباب بيعيدوا نفس اللاغانى مافى زول عنده جديد خاص بيهو
و حقيقة ما شوفنا ناس زمان بعيدوا غير اغانى الحقيبة لانها قديمة
عمومآ لك الشكر الموضوع جيد و مفيد لمعرفت اراء الجميع أنا بقول خوجلى عثمان

[النوبيه]

مساء الخير
انا بحب صوت طه سليمان جدا حتى لو غنا اى حاجه
و شكرا على الاغنيه
تحياتى النوبيه

[tomsah]

مشكور يا حاج بلي وفرفور هو الاحسن تسلم يا مان

[Zyruab Ahmed]

سمح الغنا فى خشم سيدة اتمنى من المؤادئن الحدد الثقه فى الشعراء من ابناء جيالهم لانهم يعبرؤن عن زاتالفتره والهمؤم وكل زمن وليه فتانوا وقضاياه[/QUOTE]"Red"],

[kemo]

الأخ المبدع play boy ... فكرتك مدهشة ورائعة ... وفكرة أحلى من الأغنية نفسها ..
شكرا على المتعة يازول يا ممتع ... 1- المرحوم خوجلى عثمان ... 2- فرفـــــــــــور

[billi]

بسم الله الرحمن الرحيم
السلام عليكم ورحمة الله وبركاته
اخي بلي بوي لك كل التحايا والتجلة
اشكرك علي هذه الفكرة الممتازة واتمني من المولي عز وجل ان يوفقك في مجالات الحياه امين يارب
بس اطلب منك ان تواصل في مثل هذا البرنامج واطلب منك اغنية الاستاذ / عثمان حسين . كيف لا اعشق جمالك وبصوت اكثر من فنان
واكون شاكرا لك
اخوك بلي

[SIDA]

السلام عليكم ورحمة الله وبركاته شكرا لك ... يا رايع
لكن اعذرني-برضو بقول المثل سمح الكلام في خشم سيدو
انا غايتو شايف الفنان خوجلي هو احسن من ادي هذه الاغنية
مع تقديري لجهدك الاكثر من رايع

[yosif22313]

سمح الكلام من خشم سيدو

[noory]

السلام عليكم ورحمة الله وبركاته good idea for application

[الدافعابى]

دائماً متحفنا بالجيد الجميل واتمنى لك الاستمرار
خوجلى عثمان هو الصوت الافضل بالنسبة للاغنية ومن بعده المبدع فرفور

[ود الكرف]

PlayBoy


بعد التحية العطره

حقيقة أبداع فى كل صوت من هذه الأغنية

بس انت أسمعنا مره برضو يا PlayBoy

ههههههههههههههههههههههه

خالـــــــــــــ تحياتي ـــــــــص


ود الكرف

[wiza]

:whistling:

[Daty]

بلي بووي يا مبدع انته
انا بشوف انو فرفور ابدع فيها


داتي

[sodany]

غانى رائعة جدا ولاكن


الاصل دايما بيقى الاجمل

[omer ali]

الاخ بلاي بوي
عمل مقدر وجميل .. واتفق مع الاخوة بأن أفضل من غناها الراحل خوجلي عثمان .. ملاحظة صغيرة الذي انزلته ليس محمد تبيدي ولكن على ما اظن هو الصغير سعد الحاج
ولك التحايا

[ahmed]

السلام عليكم ورحمة الله وبركاته


اعتقد انو احسن من ادي الاغنية دي هو خوجلي عثمان و تاني فرفووور

مشكوووور

[اسمر]

فكرة حلوة فعلا , ولك الف شكر و انشاء سوف احاول المشاركة معك بمجموعة ولك اجمل التحايا من البعد .


اسمر

[khlodi]

السلام عليكم ورحمة الله وبركاته شكرا لك ... بارك الله فيك ...

[xav]

thanxxxxxxxxxxx

[ود بدين]

جميل في طرحك
المهم انا لا احب اسمع هزه الاغنيه بالزات الا من خوجلي كروان السودان نفسه وانا من عشاق خوجلي
بدين

[ابو الفتوح]

بسم الله الرحمن الرحيم
السلام عليكم ورحمة الله وبركاته
فرفــــــ بس ـــــــــــــــور

باداء مميز

[39steps]

صوت خوجلي عثمان رجعني للزمن الجميل الله يرحمه الاغنية حلو جدا بصوته وكمان حبيتها بصوت فرفور

[abofas]

طـــــــــــــــــــــــــــــــــــــــــــــــــ ـــــــــه سليمان والله ممتاذ

[anasalnor]

الرائع بلاي بوي لك كل التحايا على موضوعك الرائع

اعذرنى لم استطع مقاومة نفسى وقمت بأخد فكرتك وعرضتها فى منتدى اخر مع تغيرر الاغنية

وما تخاف حقك محفوظ النص بالنص هههههههههههههههه

[tektek]

السلام عليكم ورحمة الله وبركاته
حبيبنا play boy يديك العافية ياحبيبنا على موضوعك الاكتر من رائع وبالجد لقيناك زول play , وبالنسبة لاسمعنا مرة مع انو فناني الاول هو المبدع السلطان طة سليمان لكن بصراحة فرفور عذب الغنية عديل كدا.
ومرة تانية تسلم ياغالي ...وبانتظار المزيد من روائعك...

[nor al3an]

كيفك يااخ play boy معك انا جديدة فى المنتدى ومعى اغانى حابه اشارك بى بس كيف انزل على المنتدى دلنى

[جاديكا]

بسم الله الرحمن الرحيم
السلام عليكم ورحمة الله وبركاته

الراحل خوجلى عثمان اولا
و فرفور مبدع كذلك
شكرا على الفكرة با Play boy

[abusitta]

[أكيد الموضوع والفكرة جميلة،
والأغنية المطروحة تم أداءها بطريقة جميلة من كل الفنانين السمعناهم، لكن يبقى الأداء الجميل والبصمة الأولى للفنان الرائع رحمه الله خوجلي عثمان، ونتمنى ونتمنى للمرة المليون إنه نفس الفنانين الأدوا الأغنية دي يتحفونا بي أغانيهم الخاصة وتكون حلوة وجميلة وظريفة وموضوع وحلا وحمار ونقدر نبثها في القنوات الصديقة القريبة والبعيدة، آمين يا رب العالمين،،،،
أبوستة

[ody]

ياجماعة مساء الخير جميعا أنا عضو جديد من السعودية وأبحث عن أغنية سمعتها من فترة عند أحد الأخوان الوافدين من السودان وحاولت الحصول عليها من النت لنفس الفنان ولم أتمكن فأرجو المساعدة يانااااااااس
الأغنية : سيبني في عز الجمر
الفنان : كمال ترباس
آمل المساعدة أو ارسالها على
odygroups@yahoo.com

[toobac]

عند خوجلي وبس الباقين اديهم النياص بس ودي حقيقة واصوات صارخة

[wessy]

سلاااام مشكووووووور ياخي والله احلي احلي الغنيه عند فرفور

[ود الهوبجى]

الاخ بلاى بوى

لك التحية والاحترام

كان التلفزيون سابقا يقدم فى سهرة ما فقرة 3×1 وهى لاغنية تغنى بها عدد من الفنانيين ويقدم دوما فى النهاية صاحب الاغنية الاصلى
فهاهى فكرتك عزيزى تقارب تلك وليت التلفزيون اعاد تلك الفقرة ثانية لانه الان اصبح الكثيرون يغنون اغانى الاخرين ولا احد يذكر صاحب الاغنية بينما النشء الجديد يظن ان الاغنية لمن تغنى بها وبذلك يضيع حق المطرب الاساسى والمصيبة ان المقلد يشوه الاغنية و يؤديها بصورتها الصحيحة مما يؤذى المستمعين الذين احبوها بصوت صاحبها ..

كلك تحياتى

[طيبون]

دي حقيقه بس بيقولو الكلام حلو من خشم سيدو

[بيكا]

السلام عليكم ورحمة الله وبركاته شكرا لك ... بارك الله فيك ...
صديقي الفكرة جميلة جدا ... لكن من رأي عدم مشاركة الفنان
صاحب الأغنية لأنه( بعيد عن المنافسة)
سمعت هذه الأغنية من فرفور ولأول مرة أسمع
شكر الله بصراحةصوت جميل وأداء أجمل

[amoona]

فكره روعه
اكيد الاجمل بصوت فرفووووووووووووور

[أنة المجروح]

أول شي سمحة في خشم سيدها... وبعديييييييييييييين فرفوووووووووووووور وفرفوووووووووووووور وفرفووووووووووووور
وبعدين شكر الله..

[ommammar]

ازيك يا رائع قكره حلوه شديد انا بحب اسمعها من فرفور لكن بصراحه ماكنت عارفه صاحبها الحقيقي منو ولمن عرفت انو خوجلي عثمان قبل ما اسمعها منو اكيد حتكون احلى لانو بجد انسان غناي وانا بحب كل اغانيه والله يرحمو . شكرا مره تانيه ومستنيين جديدك,,,,